Ejekiel 40:7 - Sră Goh 2018

⁷ Ală ơdŭ cau ling kơp gàr dê gơs dô gai jòng mơ dô gai ơnàng, mơ tiah pah digùl ơdŭ mut dơlam, la pram tal; mơ ròc mpồng pơnggàr di gah mpồng rơng wèt song hơđap hìu duh khoai gơs dô gai jrô.

Ejekiel 40:7 ပူးပေါင်းရင်းမြစ်များ

I Yal Yau 23:28

Broă tòm ală cau Lebi dê la dong kòl ală kòn sau Arôn dê tòm bơta duh broă tòm hìu duh khoai Yàng Jehôwa dê, hơ̆ la rcang gàr ală ƀlàng hìu, ală ơdŭ, bơta lơh sàng goh jơh ală phan neh ơn is sàng goh, mơ ală broă ndai tòm hìu Yàng Tom Trồ dê.

I Yal Yau 9:26

Bơh poan nă cau at bồ ală cau kơp gàr mpồng gơs gơnoar dờng la cau Lebi neh geh jào broă tòm sền gàr ală ơdŭ mơ ală phan prap lòi tòm hìu Yàng Tom Trồ dê.

II Yal Yau 3:9

Ală đìn màh kơr geh pram jơt sieklơ. Khai kung ƀềp màh ală ơdŭ đah đang sơl.

II Yal Yau 31:11

Ejekia ai jơnau gơnoar sồr bơt ală đam jàr tòm hìu duh khoai Yàng Jehôwa dê, mơ bol khai neh rcang gơs behơ̆.

Ejra 8:29

Sền gàr gơ mơ prap gơ jơl tus di tŭ bol mê kơr gơ di đap cau gơnoar lam bồ ơn phan duh khoai mơ ală cau Lebi mơ ală cau at bồ ală hìu nhă tòm Israel, tòm Jerusalem, tòm dơlam ơdŭ hìu Yàng Jehôwa dê.”

Jeremi 35:4

Añ cèng bol khai tus hơ hìu Yàng Jehôwa, tòm ơdŭ ală kòn klau Hanan dê, kòn klau Ikdalia, cau Yàng Tom Trồ dê, la ơdŭ rềp mơ ơdŭ ală kwang at bồ, mơ ơm hơđang ơdŭ Maaseya, kòn klau Salum, la cau kơp gàr mpồng.

Ejekiel 40:10

Tòm dơlam mpồng pơnggàr đah mattơngai lik gơs pe nơm ơdŭ cau ling kơp gàr hơđang kòp gah, jơh pe nơm ơdŭ hơ̆ jòng ơnàng ndròm bal, mơ đah mat ală dơrñang mpòl digùl kòp gah gơs jòng ơnàng ndròm bal.

Ejekiel 40:21

Bàr gah mpồng ƀòn, kòp đah gơs pe nơm ơdŭ, ală jrong mơ ală ơdŭ cau ling kơp gàr dê tềng hơ̆, sơnoa rnoas ndròm bal mơ mpồng sơnròp: jòng bàr jơt pram met, ơnàng jơt bàr met nggùl.

Ejekiel 40:29

Ală ơdŭ, ală jrong mơ ală ƀlàng rơng gơ dê sơnoa rnoas ndròm bal mơ gơp gơ dê. Gùng mpồng pơnggàr mơ ală ƀlàng rơng gơ dê gơs ală mpồng dềt gùt dar. Ală ƀlàng rơng jòng ròt bàr jơt pram met, mơ ơnàng jơt bàr met nggùl.

Ejekiel 40:33

Ală ơdŭ, ală jrong mơ ală ƀlàng rơng gơ dê gơs jòng ơnàng ndròm bal mơ gơp. Gùng mpồng pơnggàr bal mơ ƀlàng rơng gơ dê gơs ală mpồng dềt gùt dar. Ală ƀlàng rơng jòng bàr jơt pram met mơ ơnàng jơt bàr met nggùl.

Ejekiel 40:36

kung be ală ơdŭ mơ ală jrong mơ ală ƀlàng rơng gơ dê, mơ gơ gơs ală mpồng dềt gùt dar gơ. Gơ jòng ròt bàr jơt pram met mơ ơnàng jơt bàr met nggùl.

Ejekiel 40:8

Gen khai was mpồng rơng gùng mpồng pơnggàr dê.

Ejekiel 42:5

Ală ơdŭ hơđang gen wềt rlau mơ ală ơdŭ hơđơm mơ ală ơdŭ digùl, tài bơh ală ƀlàng jơng hìu neh geh oă tiah rlau.