Ejekiel 40:4 - Sră Goh 2018

⁴ Khai đơs mơ añ lah: “Ơ kòn mơnus, ai tĕ mat sền nền, ai tĕ tồr iat nền, mơ ơn tĕ nùs kơlôi bơh kòp bơta mơ añ rơp sơnio mê in, bơh hơ̆ la tơnggume mơ mê geh cèng tus tềng do; yal wơl tĕ hìu Israel in jơh ală bơta mê gŏ.”

Ejekiel 40:4 ပူးပေါင်းရင်းမြစ်များ

Esai 21:10

Ơ cau neh kong pơrjòt mơ cau tòmpơr kòi tòm làn añ jê, bơta añ neh kơno bơh Yàng Jehôwa Gơnap Gơnoar Dờng, la Yàng Tom Trồ Israel dê, añ neh yal tơnggit bol mê in rau.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Ejekiel 2:1

Kơnràñ đơs mơ añ lah: “Ơ kòn mơnus, ñă ntào tĕ, mơ Añ rơp tòmbơhbơr mơ mê.”

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Ejekiel 3:17

“Ơ kòn mơnus, Añ neh lơh mê in gơlik gơs dô nă cau kơp gàr hìu Israel; behơ̆ iat tĕ jơnau Añ đơs mơ ai jơnau hơ̆ bơto pơhìn Añ jê bol khai in.

Ejekiel 43:10

Ai mê, ơ kòn mơnus, yal tơlik tĕ hìu Israel in git bơh hìu duh khoai do, lòi bol khai was jat be sơnoa rnoas do, tồ bol khai in ƀàssìl bơh tồi glài bol khai dê.

Ejekiel 44:5

Yàng Jehôwa đơs mơ añ lah: “Ơ kòn mơnus, sền tĕ loh làng, iat tĕ nền nền, mơ ơn tĕ nùs di kòp bơta mơ Añ yal mê in bơh ală bơta sồr lam gơwèt mơ hìu duh khoai Yàng Jehôwa dê. Sền tĕ nền ală cau geh gơnoar mut tòm hìu duh khoai mơ ală cau lơi lik bơh di tiah sàng goh.

Ejekiel 47:6

Khai lùp añ: “Ơ kòn mơnus, mê sền gŏ bơta hơ̆ sơl?” Gen khai lam añ rê wơl hơ gah hiòng dà.

Mathiơ 10:27

Jơnau Añ đơs mơ bol mê tòm tiah jơngo, sơnio yal tĕ tòm tiah àng; jơnau bol mê kơno cau đơs chều, yal tơlik tĕ hơđang rkàng hìu.

Mathiơ 13:9

Cau lơi gơs tồr, iat tĕ!”

Broă 20:27

Bơh añ bơto yal oh mi in git jơh nùs kòñ Yàng Tom Trồ dê ò prap lòi bơta lơi.

I Kôrintô 11:23

Bơh ală jơnau añ neh yal oh mi in la jơnau añ neh dòp bơh Yàng, hơ̆ la tòm mang Yàng Jesu neh kong cau pơrlơ̆ dră, gen Kơnràñ ai piang lă,

Yal Wơl 32:46

khai đơs mơ bol khai lah: “Prap gàr tĕ tòm nùs bol mê dê jơh ală jơnau mơ añ neh yal tơlik bol mê in tòm ngai do dô bă kràñ cê ngan, tồ bol mê rgơi sồr kòn sau bol mê dê kơrhia dòn bơr jơh ală jơnau tòm bơta boh lam do.