Ejekiel 4:2 - Sră Goh 2018

² Lồc behơ̆ gơrwàng gơ; rơndap bơta gơrwàng tòmdră mơ gơ, bơt dô nơm dơrñang gùt dar gơ; bơtào sàl ling tòmlơh mơ gơ, mơ ơn ală phan phà tơrlah dơrñang gùt dar gơ.

Ejekiel 4:2 ပူးပေါင်းရင်းမြစ်များ

II Samuel 20:15

Jơh dô mpồl ling Jôap dê lòt tus gơrwàng Seba tòm Abel Bet Maaka. Bol khai bơt dô nơm dơrñang mơ ù tòmdră mơ ƀòn dờng, tòm toh dơrñang kơp gàr ƀòn dờng dê. Mpồl ling Jôap ơm phà tơrlah dơrñang ƀòn dờng,

Esai 22:7

Ală thòng niam rlau jơh bol mê dê bềng ală rơndeh tòmlơh; ling hào ơseh neh ơm ntào tòm tiah bol khai dê di mpồng ƀòn dờng.

Jeremi 32:24

Ne, ală theng gơrwàng kơ̆ cê neh geh bơt gùt dar ƀòn nàng tòmpìt ai gơ. Tài bơh pềs tà, jơgloh rung, pluh plàng, gen tàng ƀòn kong phi tòm tê cau Kalde tòmlơh mơ bol khai. Bơta Kơnràñ đơs neh gơlik gơs, be Kơnràñ neh gŏ!

Jeremi 33:4

Bơh ală hìu gơrê bal mơ ƀòn do mơ hìu gơlang bơtau Juda dê, cau neh phà tơrlah nàng bơt wơl gơlang theng kơ̆ cê nàng tòmdră wơl mơ pềs tà mơ phan tòmlơh cau sò tơm dê, gen Jehôwa, Yàng Tom Trồ Israel dê đơs be do:

Jeremi 52:4

Ngai jơt kơnhai jơt, nam dơ̆ sin rài bơtau Jedekia, gen Nebukatnessar, bơtau Babilôn, cèng jơh mpồl ling lòt tòmlơh mơ Jerusalem, bơtào sàl theng kơ̆ cê gơrwàng gùt dar gơ.

Jeremi 6:6

Bơh Yàng Jehôwa Gơnap Gơnoar đơs be do: “Kơl tĕ ală chi khai dê; mơ bơt bơtào tiah gơrwàng tòmdră mơ Jerusalem! Do la ƀòn pal kong lơh glài; Digùl gơ ò gơs bơta lơi rlau mơ ală bơta rồn bơklơn.

Ejekiel 21:22

Tòm tê ma khai dê rơp tă khà bơh Jerusalem, tềng hơ̆ khai rơp rơndap ală rơndeh tơm tơrlah dơrñang ƀòn, ai jơnau sồr sreh tơnchơt, ai jơnau driau dờng tòmlơh, rơndap ală rơndeh tơm tơrlah ală mpồng ƀòn, bơt ală dơrñang gơrwàng gùt dar ƀòn dờng.

Ejekiel 21:27

Dô gơnru tơrlah tơrling! Dô gơnru tơrlah tơrling! Añ rơp lơh gơ in gơlik gơs dô gơnru tơrlah tơrling! Gơ rơp ò geh bơt wơl tai jơl tus di tŭ tus Bơtau mơ khai gơrê bal dô bă di pal; Añ rơp jào gơ Bơtau hơ̆ in.’

Ejekiel 5:2

Tòm tŭ ală ngai gơrwàng gùt dar mê dê neh tơl, mê rơp chu dô pơnah pe sŏ hơ̆ tòm dơlam ƀòn dờng. Ai tĕ dô pơnah pe sŏ ndai mơ koh sreh gơ mơ đào gùt dar ƀòn. Lồc behơ̆, rsìh dô pơnah pe sŏ gam wơl tòm càl, mơ Añ rơp tă đào bơh đah ngkòi bol gơ.

Daniel 11:15

Gen bơtau đah đang rơp tus gơrwàng gùt dar mơ tòmpìt geh dô nơm theng ling kơ̆ cê. Mpồl ling đah đơm ò tơl pràn nàng ntào jai, bulah mpồl ling jak rlau jơh bol khai dê kung ò tơl pràn nàng tòmdră.