Ejekiel 38:9 - Sră Goh 2018

⁹ Mê mơ jơh ală mpồl ling mê dê, mơ mpồl oă làng bol bal mơ mê rơp guh mơ lòt hơđap kung be càl rbut; mê rơp kung be dô puk mhwal jơm gòm jơh lơgar.’”

Ejekiel 38:9 ပူးပေါင်းရင်းမြစ်များ

Esai 25:4

Kơnràñ la tiah kìng crŭ ală cau rƀah lơòi in, dô bă tiah kìng crŭ ală cau siơ̆u siar in tòm tŭ bòl glar, dô bă tiah kìng crŭ klàs bơh càl rbut, mƀur klàs bơh di bơta duh trơàl. Tòm tŭ cau iơh bơsak khồm nhơm be càl rbut khồm druh di dơrñang.

Esai 28:2

Do, Yàng Jehôwa gơs dô nă cau gơs gơnap gơnoar mơ pràn kơldang; be càl rbut dờng mơ mìu piar, dô bơta tơnroh bơh càl dờng; be dà kŏ bam làm bă tiah. Tê Kơnràñ dê sơrbì bol khai tòm ù.

Esai 5:28

Kam sơna bol khai dê sơmplàñ, jơh àtak bol khai dê neh wàr; kơnđias ơseh bol khai dê kră be lŭ tơrneh, kong rơndeh bol khai dê kung be càl rbut.

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Ejekiel 13:11

Đơs tĕ mơ ală cau pih gơ mơ cùr bò lah gơ rơp tơrlơm. Tềng hơ̆ rơp gơs dà kŏ mìu dờng tus, lŭ piar rơp dùh mơ càl rbut dờng rơp khồm pràn.

Ejekiel 30:18

Tòm Tahphanes, trồ ngai rơp gơlik jơngo cik, tòm tŭ Añ dơrpă gơnoar at bồ Ejiptơ dê; bơta pràn kơldang mơ gơ jòng să rơp lồi. Ƀòn dờng rơp kòl jơm gòm bơh dô puk mhwal, mơ ală kòn ùr gơ dê rơp kong kup cèng pơrdô.

Ejekiel 38:16

Mê rơp lòt tus tòmdră mơ làng bol Israel Añ jê, kung be dô puk mhwal jơm gòm lơgar. Tòm ală ngai rơp tus, Ơ Gok, Añ rơp cèng mê tus tòmdră mơ lơgar Añ jê, tồ ală làng bol rgơi git Añ tòm tŭ Añ ràng tơlik să tòm Añ sàng goh bơh mê di đap mat bol khai.’”

Daniel 11:40

Tus di tŭ tơngai lồi dut, bơtau đah đơm rơp tòmlơh mơ bơtau đah đang. Bơtau đah đang cèng rơndeh tòmlơh, ling hào ơseh, mơ ơhò tòmlơh, brồ lơh bơtau đah đơm kung be càl rbut dờng. Khai rơp tòmpìt ai oă lơgar, lòt gan tơnroh bol gơ kung be dà kŏ.

Jôel 2:2

Dô ngai klam jơngo, mơ ngềt ngơt, dô ngai bềng mhwal mơ jơngo cik. Be bơta jơngo jù cik gòm hơđang ală mơnơm, dô mpồl ling dờng mơ pràn kơldang lòt tus; bơta behơ̆ bơh rài yau òhềt tŭ lơi gơs, mơ kung rơp ò tŭ lơi gơs behơ̆ tòm rài tơnơ̆ rơp tus sơl.

Yal Tơlik 20:9

Bol khai guh làm ù tiah, gơrwàng theng ală cau sàng goh dê mơ ƀòn dờng kòñ gơboh. Mơya gơs ồs dùh bơh đang trồ mơ chu pơrguc bol khai.