Ejekiel 37:4 - Sră Goh 2018

⁴ Gen Kơnràñ đơs mơ añ lah: “Đơs hwơr tĕ mơ ală ntìng do mơ đơs mơ bol gơ lah: ‘Ơ ală ntìng ro, iat tĕ jơnau Yàng Jehôwa dê.’

Ejekiel 37:4 ပူးပေါင်းရင်းမြစ်များ

I Ală Bơtau 13:2

mơ yal tơnggit tòmdră mơ cơnòng duh khoai jat jơnau Yàng Jehôwa dê, mơ đơs lah: “Ơ cơnòng duh khoai, cơnòng duh khoai! Yàng Jehôwa đơs be do: ‘Dô nă kòn klau rơp deh hìu Dabit in, sơnđan la Jôsia, mơ khai rơp ơn pơdơng ală cau gơnoar ơn duh khoai ală tiah jơnhoa dê hơđang mê, la cau chu kơlhô hơđang mê, mơ cau rơp chu ntìng cau chơt dê hơđang mê.’”

Sră Jop 10:11

Yàng neh tơnsoh añ mơ gơltau mơ poac, Mơ tàñ añ bal mơ ntìng mơ ală ară.

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Esai 42:18

Ơ ală cau tĭ tồr; iat tĕ; mơ bol mê la cau jơngo mat, sền tĕ mơ gŏ!

Jeremi 22:29

Ơ ù tiah, ù tiah, ù tiah! Iat tĕ jơnau Yàng Jehôwa dê.

Ejekiel 36:1

Ơ kòn mơnus, đơs hwơr tĕ bơh ală mơnơm Israel dê mơ đơs lah: “Ơ ală mơnơm Israel, iat tĕ jơnau Yàng Jehôwa dê!

Ejekiel 37:11

Gen Kơnràñ đơs mơ añ lah: “Ơ kòn mơnus, ală ntìng do la jơh dô nơm hìu Israel. Bol khai đơs lah: ‘Ntìng bol hi dê neh ro rañ, bơta gơn kơnòm bol hi dê neh roh, bol hi neh kong tơnroh jơh!’

Ejekiel 37:12

Behơ̆, đơs hwơr tĕ mơ đơs mơ bol khai lah: ‘Jehôwa Yàng Tom Trồ đơs lah: Ơ làng bol Añ jê, Añ rơp pò ală bơtô ƀồc bol mê dê, mơ cèng tơngguh bol mê bơh di tiah hơ̆; Añ rơp cèng bol mê rê wơl tòm lơgar Israel.

Ejekiel 37:9

Gen Kơnràñ đơs mơ añ lah: “Ơ kòn mơnus, đơs hwơr tĕ mơ nhơm tă; đơs hwơr tĕ mơ gơ lah: Jehôwa Yàng Tom Trồ đơs be do: Ơ nhơm tă, tus tĕ bơh poan đah càl, mơ khồm hơđang ală cau kong tơnchơt do tồ bol khai in geh kis.”

Mice 6:2

Ơ ală mơnơm, iat tĕ jơnau tòm pơndang Yàng Jehôwa dê; Iat tĕ, ơ ală mơnàng gam sùm sùm plai ù dê, Bơh Yàng Jehôwa tòm pơndang mơ làng bol Kơnràñ dê, Kơnràñ rơp tòmdră mơ Israel.

Khà Làng Bol 20:8

“At tĕ gai jra, gen mê mơ Arôn bi mê dê hòi mpồl jơnum pơjum bal. Đơs tĕ mơ lŭ ne di đap bol khai mơ gơ rơp gơlik dà. Mê rơp cèng dà gơlik bơh di lŭ klềr mpồl jơnum in tồ bol khai mơ mpồl phan poan jơng bol khai in hùc.”

Mathiơ 21:21

Yàng Jesu ho lah: “Di ngan Añ đơs mơ bol mê, dilah bol mê gơs bơta dòn mơ ò pin wil wơl dô êt lơi, gen bol mê ò di mìng rơp lơh bơta Añ neh lơh di chi ƀal lơm ò, mơ bulah bol mê đơs mơ mơnơm do lah: ‘Yò tĕ să mơ ntruñ tòm dàlềng,’ gen bơta hơ̆ kung rơp gơlik gơs ngan.

Jang 2:5

Mè Kơnràñ đơs mơ ală cau dong broă lah: “Broă lơi Kơnràñ sồr gen lơh jat tĕ.”

Jang 5:25

Di ngan, Añ đơs ngan mơ bol mê, jơ rơp tus mơ tŭ do neh tus rau, dơ̆ ală cau chơt rơp kơno jơnau đơs Kòn Yàng Tom Trồ dê, mơ ală cau kơno hơ̆ rơp kis.

Yal Tơlik 10:11

Mơ gơs jơnau đơs mơ añ lah: “Dô dơ̆ tai mê pal đơs hwơr bơh oă làng bol, oă lơgar, oă jơnau đơs mơ oă cau bơtau sơl.”