Ejekiel 37:3 - Sră Goh 2018

³ Kơnràñ lùp añ lah: “Ơ kòn mơnus, ală ntìng do rgơi kis sơl?” Añ đơs lah: “Ơ Jehôwa Yàng Tom Trồ, Kơnràñ git.”

Ejekiel 37:3 ပူးပေါင်းရင်းမြစ်များ

Đơs Crih 88:11

Bơta kòñ gơboh kơ̆ dơn Yàng dê geh bơto yal tòm bơtô ƀồc sơl ơ? Hala bơta dòn song Yàng dê geh bơto yal tòm brong jrô hùt hung sơl ơ?

Ejekiel 26:19

Jehôwa Yàng Tom Trồ đơs be do: “Tòm tŭ Añ lơh mê in gơlik gơs dô nơm ƀòn dờng sang lòi srau gòi, kung be ală ƀòn dờng ò gơs cau ơm; tòm tŭ Añ ai ală tiah jrô dàlềng dê mơ ală dà dờng gơ dê bồr hơđang mê,

Ejekiel 37:2

Kơnràñ lam añ lòt gùt dar ală ntìng hơ̆; gơs oă ngan ntìng tòm thòng hơ̆, mơ ală ntìng hơ̆ neh ro ngan.

Jang 5:21

Bơh Bèp lơh ală cau chơt in kis wơl be lơi, gen Kòn kung ai bơta kis cau lơi in, jat be Kòn kòñ behơ̆ sơl.

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

I Kôrintô 15:35

Mơya gơs cau rơp lùp lah: “Mbe cau chơt rgơi kis wơl taih? Ai să jan mbe lơi nàng tus taih?”

Yal Wơl 32:29

Dilah bol khai la jak chài gen bol khai pal git wă bơta do; bol khai pal git loh làng bơh bơta lồi dut bol khai dê la mbe lơi!

Yal Wơl 32:39

Sền tĕ tŭ do, Añ la Bơtau hơ̆! Ò gơs yàng lơi ndai rlau mơ Añ. Añ tơnchơt mơ lơh kis wơl, Añ lơh sồt jê mơ rơp sơmbòi wơl; ò gơs cau lơi rgơi dong tă bơh di tê Añ.

Hebrơ 11:19

Khai dòn lah Yàng Tom Trồ gơs gơnap gơnoar rgơi lơh cau chơt in kis wơl, kung ndròm be khai dòp geh wơl kòn khai dê bơh bơta chơt.

I Samuel 2:6

Yàng Jehôwa tơnchơt mơ hòi kis wơl; Kơnràñ cèng tơmù tòm bơtô ƀồc mơ cèng tơngguh wơl.