Ejekiel 32:2 - Sră Goh 2018

² “Ơ kòn mơnus, ñìm rac tĕ bơh Pharaôn, bơtau Ejiptơ, mơ đơs mơ khai lah: ‘Mê kơlôi tĕ să tòm mê la dô nơm klìu triă digùl ală làng bol; mơya mê be la dô nơm nagrài tòm dàlềng, rpơt làm ală hiòng, ai jơng lơh sơngkal dà, lơh ƀô ồm ală croh dà mê dê.’

Ejekiel 32:2 ပူးပေါင်းရင်းမြစ်များ

Sơnròp Gơlik Gơs 49:9

Juda la dô nơm klìu triă, Ơ kòn, mê rê bơh phan mê neh kup geh. Cùn gơltang, kơp brồ be klìu triă brồ dam, Mơ be klìu triă me, ñcau khin pơrlai khai taih?

Sră Jop 41:23

Lòi wơl đah ngkòi gơ kơmbuh gơcrà; Lơh cìr jrô cau sền be sŏ kò.

Sră Jop 7:12

Añ la dô nơm dàlềng hala dô nơm nagrài, Gen tàng Yàng ơn cau kơp gàr añ taih?

Jơnau Pơnđik 25:26

Cau song ring gơsèng di đap cau iơh bơsak, ò gơkrơi be dô croh dà gơkòl lơh sơngkal, dô tồ dà ồm.

Jơnau Pơnđik 28:15

Dô nă cau bơtau iơh bơsak at bồ làng bol rƀah, ò gơkrơi be klìu triă ơluh ơhùm, mơ jơgơu ting jat phan kup geh.

Jơnau Pơnđik 30:30

Klìu triă, pràn rlau jơh tòm ală jơi phan poan jơng, ò ruc wơl di đap ală jơi ndai;

Esai 27:1

Tòm ngai hơ̆, Yàng Jehôwa rơp ngui đào sồt dờng mơ gơnoar pràn nàng lơh glài lebiathan la dô nơm bơs par, lebiathan la dô nơm bơs rkwet rkwe; Kơnràñ rơp tơnchơt nagrài dờng tòm dàlềng.

Esai 51:9

Kah rngal tĕ, kah rngal tĕ! Soh tĕ bơta pràn kơldang! Ơ tơwòr tê Yàng Jehôwa dê! Kah rngal tĕ kung be tòm ală ngai neh yau, be tòm ală rài neh jŏ jòng rau! Hơ̆ ò di Kơnràñ la Bơtau neh koh Rahap rpot rpet, neh srơp bluh nagrài hơ̆ ò ơ?

Jeremi 4:7

Klìu triă neh lik bơh dơr brê, Cau tơnroh ală lơgar neh lik lòt, khai neh lik bơh tiah khai dê, Nàng lơh ù tiah mê gơlik tiah srau gòi; Ală ƀòn dờng mê dê gơlik tiah sang ngềt ngơt, Mơ ò gơs cau ơm.

Jeremi 46:7

Ne, cau do la ñcau gơhào khuh be hiòng Nil, kung be ală hiòng gơtơngguh ryà dờng

Jeremi 46:8

Hơ̆ la Ejiptơ tơngguh be hiòng Nil, be ală hiòng dà gơhào khuh ryà. Gơ đơs, añ rơp guh, gòm jơh ù tiah; añ rơp phà tơrlah ală ƀòn mơ làng bol.

Jeremi 9:18

Lòi bol khai mhar ñìm ƀồc bol he in, Nàng mat bol he gơhòr dà mat, Sơmbir mat bol he hòr bềng dà mat!

Ejekiel 26:17

Gen bol khai rơp ñìm rac bơh mê mơ đơs mơ mê lah: ‘Mbe gơlơh mê gơkòl tơnroh bơh dê ală dàlềng. Ơ ƀòn dờng geh tiơng pơnro, la dô bă tiah gơs gơnoar pràn hơđang dàlềng; mê bal mơ ală cau ơm tòm mê la cau lơh cau in rngòt rngơt hơđang ală tiah ù rañ rsơh!

Ejekiel 27:2

“Ơ kòn mơnus, lơh tĕ dô bơta đơs crih pơt wòl bơh Tirơ.

Ejekiel 27:32

Tòm tŭ bol khai pơt wòl mơ ñìm rac tài bơh mê, bol khai lơh dô bơta đơs crih pơt wòl bơh mê mơ lah: “Gơs ƀòn lơi ơm thit ngềt mŏ mŏ kung be Tirơ la ƀòn ơm digùl dàlềng sơl ơ?”

Ejekiel 28:12

“Ơ kòn mơnus, lơh tĕ dô jơnau đơs crih pơt wòl bơh bơtau Tirơ mơ đơs mơ khai lah: Jehôwa Yàng Tom Trồ đơs lah: ‘Mê la tềl ƀang kì bơta wil tơl dê, bềng bơta jak chài, mơ hàng mơnĕ wil tơl.

Ejekiel 29:15

Gơ rơp la dô nơm lơgar bơtau dềt rhền lơbơn lơño rlau jơh tòm ală lơgar ndai, mơ gơ rơp ò gơs tŭ lơi geh bơtào tơngguh is gơ dê hơđang ală làng bol ndai tai. Añ rơp lơh gơ in dềt rlau jơh tòm ală lơgar bơtau, mơ rơp ò gơs tŭ lơi at bồ hơđang ală làng bol tai.

Ejekiel 29:3

Đơs tĕ mơ yal lah: Jehôwa Yàng Tom Trồ đơs be do: ‘Ơ Pharaôn, bơtau Ejiptơ, Añ tòmdră mơ mê, mê la dô nơm phan poan jơng cù kìr bic rò digùl ală hiòng dà. Mê đơs lah: “Hiòng Nil gơrê bal mơ añ, añ neh lơh gơs gơ să tòm añ in.”

Ejekiel 32:16

Do la jơnau ñìm rac mơ bol khai rơp rac bơh gơ. Ală cau ùr ală lơgar dê rơp rac gơ; Ejiptơ bal mơ ală mpồl làng bol oă gơ dê rơp rac gơ,’ Jehôwa Yàng Tom Trồ đơs behơ̆.”

Ejekiel 32:18

“Ơ kòn mơnus, pơt wòl tĕ bơh mpồl làng bol oă Ejiptơ dê. Bơtrơh tơlo tĕ làng bol hơ̆ bal mơ ală kòn ùr ală làng bol màng ryŭ tus tòm hơđơm ù, dô bă bal mơ ală cau mù tòm bơtô.

Ejekiel 34:18

Bol mê sa tòm ƀlàng ñhơt tơlir niam la ò tơl sơl ơ? Mơya bol mê pal ai jơng bol mê dê jă hơđang ală tiah gam wơl tòm ƀlàng ñhơt bol mê dê sơl ơ? Tòm tŭ bol mê hùc dà sàng, bol mê pal ai jơng lơh sơngkal dà gam wơl sơl ơ?

Ejekiel 38:13

Seba mơ Dedan mơ ală cau kă bro Tarsi dê bal mơ jơh ală ƀòn dềt bol khai dê, rơp đơs mơ mê lah: ‘Mê neh tus nàng phà kup sơl ơ? Mê neh pơjum mpồl ling mê dê nàng tòmpìt, nàng tă cèng priă mơ màh, nàng kơñau ală phan poan jơng mơ phan mơna, mơ ai oă phan phà kup sơl ơ?’

Khà Làng Bol 24:9

Bol khai rlô să mơ bic kung be dô nơm klìu triă, kung be dô nơm klìu triă me, ñcau khin pơrlai gơ taih? Lơngai ală cau lơi in ai lơngai bol mê in, mơ ală cau srat sơntơm bol mê gen rơp kong srat sơntơm!”

Mathiơ 7:24

“Behơ̆ cau lơi kơno ală jơnau Añ bơto do mơ lơh jat, gen kung be dô nă cau jak chài bơt hìu khai hơđang lŭ klềr.