Ejekiel 3:9 - Sră Goh 2018

⁹ Añ rơp lơh bìng liang mê dê gơlik kung be lŭ kră ngan, kră rlau mơ lŭ tơrneh. Bañ rngòt di bol khai hala rơm să tài bơh bol khai, bulah bol khai la dô nơm hìu jak tòmdră.”

Ejekiel 3:9 ပူးပေါင်းရင်းမြစ်များ

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 50:7

Tài bơh Yàng Jehôwa la Yàng Tom Trồ dong kòl Añ, gen tàng Añ rơp ò kong cau sền òsơp. Gen tàng Añ lơh muh mat Añ kră be lŭ ồs mơ Añ git Añ rơp ò kong bơta ƀàssìl.

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Jeremi 15:20

Añ rơp lơh mê in gơwèt mơ làng bol do gơlik gơs dô nơm dơrñang kòng kơ̆ cê, Bol khai rơp tòmlơh tòmdră mơ mê, Mơya bol khai rơp ò geh pha rlau mơ mê, Bơh Añ ơm bal mơ mê Nàng dong klàs mơ dong tă mê.” Yàng Jehôwa đơs behơ̆.

Jeremi 17:18

Dan Kơnràñ lơh ală cau kup kơryan añ jê kong ƀàssìl, Mơya bañ lòi añ kong ƀàssìl; Lòi bol khai gơlik rngòt rngơt, Mơya bañ lòi añ kòl rngòt rngơt! Dan cèng ngai rung rài tus hơđang bol khai, Mơ tơnroh bol khai tơrlah tơrling bàr dơ̆ rlau!

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Ejekiel 3:8

Ne, Añ rơp lơh mê in gơs muh mat khin cha tòmdră mơ muh mat bol khai, mơ bìng liang kră tòmdră mơ bìng liang bol khai.

Ejekiel 44:6

Đơs tĕ mơ hìu jak tòmdră Israel dê lah: Do la jơnau đơs Jehôwa Yàng Tom Trồ dê: ‘Ơ hìu Israel, ală broă lơh iơh bol mê dê pal kòl pơndut!

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

I Timôthe 2:3

Hơ̆ la bơta niam mơ geh niam nùs Yàng Tom Trồ la Yàng Dong Klàs bol he dê.

II Timôthe 2:6

Cau lơh sre kong bòl glar lơh broă gen pal dòp geh cồng nha sơnròp ngan.