Ejekiel 3:8 - Sră Goh 2018

⁸ Ne, Añ rơp lơh mê in gơs muh mat khin cha tòmdră mơ muh mat bol khai, mơ bìng liang kră tòmdră mơ bìng liang bol khai.

Ejekiel 3:8 ပူးပေါင်းရင်းမြစ်များ

I Ală Bơtau 21:20

Ahap đơs mơ Eli lah: “Ơ cau sò tơm, mê neh tìp añ ơ?” Eli ho lah: “Añ neh tìp bơtau, tài bơh bơtau neh tac să he nàng lơh bơta iơh di đap Yàng Jehôwa.”

Esai 50:7

Tài bơh Yàng Jehôwa la Yàng Tom Trồ dong kòl Añ, gen tàng Añ rơp ò kong cau sền òsơp. Gen tàng Añ lơh muh mat Añ kră be lŭ ồs mơ Añ git Añ rơp ò kong bơta ƀàssìl.

Jeremi 1:18

Behơ̆, ngai do, Añ bơtào mê lơh gơs ƀòn dờng kơ̆ cê, lơh gơs jrong mơ lòs, lơh gơs dơrñang mơ kòng, tòmdră mơ jơh ală lơgar do, tòmdră mơ ală bơtau Juda, ală cau kwang at bồ gơ, ală cau gơnoar ơn phan duh khoai, mơ làng bol tòm lơgar.

Jeremi 15:20

Añ rơp lơh mê in gơwèt mơ làng bol do gơlik gơs dô nơm dơrñang kòng kơ̆ cê, Bol khai rơp tòmlơh tòmdră mơ mê, Mơya bol khai rơp ò geh pha rlau mơ mê, Bơh Añ ơm bal mơ mê Nàng dong klàs mơ dong tă mê.” Yàng Jehôwa đơs behơ̆.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Ejekiel 3:9

Añ rơp lơh bìng liang mê dê gơlik kung be lŭ kră ngan, kră rlau mơ lŭ tơrneh. Bañ rngòt di bol khai hala rơm să tài bơh bol khai, bulah bol khai la dô nơm hìu jak tòmdră.”

Mice 3:8

Mơya đah mơ añ, añ geh bềng lìu gơnap gơnoar, bal mơ Hwềng Yàng Jehôwa dê, bal mơ bơta song ring mơ gơnoar pràn, nàng yal tơlik Jakôp in bơh bơta lơh tìs khai dê, mơ Israel in bơh tồi glài khai dê.

Hebrơ 11:27

Bơh bơta dòn khai sang lơgar Ejiptơ, ò rngòt cau bơtau gơjrañ, bơh khai ntào kơ̆ be gŏ Yàng la Bơtau he ò rgơi gŏ.