Ejekiel 3:7 - Sră Goh 2018

⁷ Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Ejekiel 3:7 ပူးပေါင်းရင်းမြစ်များ

Esai 3:9

Muh mat bol khai lơh cơng tòmdră wơl mơ bol khai; bol khai ràng tơlik tồi glài bol khai dê be Sôdôm neh lơh; bol khai ò rgơi pồn gơ. Bòl glar bol khai in! Bơh bol khai neh cèng bơta rung rài hơđang să tòm bol khai.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 44:16

“Bơh bơta ồng ai sơnđan Yàng Jehôwa đơs mơ bol hi, gen bol hi ò bài iat ò.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:10

Añ rơp đơs mơ ñcau, mơ sồr cau lơi kơrhia, Nàng bol khai rgơi kơno taih? Ne, tồr bol khai neh sềt, bol khai ò rgơi kơno. Jơnau Yàng Jehôwa dê gơwèt mơ bol khai be phan sền òsơp, Bol khai ò lơh niam nùs tòm gơ.

Jeremi 6:17

Añ kung neh bơtào ală cau kơp gàr bol mê in; ‘Ai tĕ tồr iat ntas kơlwòk!’ Mơya bol khai đơs lah: ‘Bol hi rơp ò ai tồr iat!’

Jeremi 7:27

“Behơ̆ mê rơp đơs jơh ală jơnau do bol khai in, mơya bol khai rơp ò iat mê. Mê rơp hòi, mơ bol khai rơp ò ho wơl.

Ejekiel 2:4

Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Ejekiel 3:6

ò di tus hơ oă làng bol đơs jơnau kalke wă wơng mơ sap krơi is, la ală jơnau đơs mơ mê ò rgơi git wă. Ngan, dilah Añ neh sồr mê lòt tus hơ bol khai, bol khai neh iat mê.

Ejekiel 3:8

Ne, Añ rơp lơh mê in gơs muh mat khin cha tòmdră mơ muh mat bol khai, mơ bìng liang kră tòmdră mơ bìng liang bol khai.

Sacari 7:11

Mơya bol khai ò bài ơn nùs tồr, mơ wèt ngkòi kră kơldang, mơ sềt tồr ò bài iat.

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Luka 13:34

Ơ Jerusalem, Jerusalem, mê tơnchơt ală cau gơnoar hwơr, cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê be iar me ngkrok ală kòn gơ tus hơđơm đar gơ dê, mơya bol mê ò bài!

Luka 19:14

Mơya làng bol khai dê gơjrañ kơuềng di khai, sồr cau kong sồr lòt jat mơ đơs lah: ‘Bol hi ò kòñ cau do at bồ bol hi.’

I Samuel 8:7

Mơ Yàng Jehôwa đơs mơ khai lah: “Iat tĕ jơh ală jơnau mơ làng bol neh đơs mơ mê; hơ̆ ò di la bol khai sang lòi mê; mơya bol khai neh sang lòi Añ la Bơtau at bồ bol khai dê.