Ejekiel 3:3 - Sră Goh 2018

³ Kơnràñ đơs mơ añ lah: “Ơ kòn mơnus, sa tĕ pồt sră do mơ Añ ai mê in mơ tơmbềng tĕ kơndul mê bơh gơ.” Behơ̆ añ neh sa gơ, mơ tòm bơr añ gơ lơngồt kung be dà lơwe.

Ejekiel 3:3 ပူးပေါင်းရင်းမြစ်များ

Sră Jop 23:12

Añ ò tŭ lơi cah ngài bơh di ală bơta sồr lam sơndồi Kơnràñ dê, Añ neh pồn prap tòm nùs ală jơnau đơs bơr Kơnràñ dê rlau mơ phan sa kòp ngai añ jê.

Đơs Crih 119:103

Jơnau Yàng dê la bơkah lơngồt añ in ò git nđò, Ngan lơngồt rlau mơ dà lơwe tòm bơr añ jê!

Đơs Crih 119:11

Añ neh prap jơnau Yàng tòm nùs añ, Nàng añ ò tìs glài tòmdră mơ Yàng.

Đơs Crih 119:97

Añ kòñ gơboh bơta boh lam Yàng dê ò git lơh! Jơh ngai mho añ kơlôi sơnơng bơh bơta boh lam hơ̆.

Đơs Crih 19:10

Ală bơta hơ̆ màng rlau mơ màh, ngan la màng rlau mơ oă màh ngan; Mơ kung lơngồt rlau mơ dà lơwe, rlau mơ dà bồ sing lơwe dê.

Đơs Crih 19:11

Rlau mơ hơ̆, ală bơta hơ̆ kung bơto cau duh broă Yàng in git wă loh; Cau lơi prap gàr gen geh phan ƀàn dờng ngan.

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Jeremi 20:9

Dilah añ đơs: “Añ rơp ò đơs bơh Kơnràñ tai, hala ai sơnđan Kơnràñ mơ đơs tai,” gen tòm dơlam nùs añ kung be ồs sa hơng, gơkrơ̆ kơ̆ tòm ntìng añ, Mơ añ bòl glar bơh ơm mŏ mŏ, mơ añ ò jai kong tai.

Jeremi 6:11

Mơya Añ bềng bơta gơjrañ Yàng Jehôwa dê, Añ bòl glar bơh gơ ơm tòm Añ. “Tuh tơlik tĕ gơ hơđang ală kòn dềt tòm gùng, mơ hơđang ală cau pơnu tơrgòm bal di sơl; jơh bau klau mơ bau ùr rơp gơkòl kup cèng, cau kra mơ ală cau jòng sơnam.

Ejekiel 2:10

Khai pò pồt sră hơ̆ di đap añ; hơđang bàr đah sră gơs cih ală jơnau ñìm rac pơt wòl, mơ jê sồt moat jrùng.

Ejekiel 2:8

Mơya mê, ơ kòn mơnus, iat tĕ ñchi jơnau Añ đơs mơ mê. Bañ tòmdră kung be dô nơm hìu jak tòmdră hơ̆; pò tĕ bơr mê dê mơ sa tĕ phan Añ ai mê in.”

Ejekiel 3:4

Kơnràñ đơs mơ añ lah: “Ơ kòn mơnus, tŭ do lòt tĕ tus hơ hìu Israel, mơ yal ală jơnau đơs Añ jê bol khai in.

Jang 7:38

Cau lơi dòn Añ, gen ‘ală hiòng dà bơta kis rơp hòr lìu bơh tòm nùs khai dê,’ be Sră Goh neh đơs.”

Kôlôse 3:16

Ai tĕ jơh ală bơta jak chài nàng jơnau Bơtau Krist dê ơm bềng lìu tòm oh mi; ngui bơta đơs crih, bơta đơs chò, mơ sèng đơs chò đah hwềng mơ bơto tơngkah bal mơ gơp, mơ tòm nùs đơs chò Yàng Tom Trồ in dô bă gơs bơta nđàc.