Ejekiel 24:3 - Sră Goh 2018

³ Yal tĕ mơ hìu jak tòmdră in dô jơnau đơs pơnhồr mơ đơs mơ bol khai do la jơnau đơs Jehôwa Yàng Tom Trồ dê: ‘Ơn tĕ glah hơđang bơnhă ồs, ơn tĕ hơđang mơ tuh dà tòm hơ̆.

Ejekiel 24:3 ပူးပေါင်းရင်းမြစ်များ

II Ală Bơtau 4:38

Tòm tŭ Elise rê wơl hơ Gilgal, gơs bơta jơgloh rung tòm lơgar. Ală cau bơtê ală cau gơnoar hwơr dê nggui di đap khai. Elise đơs mơ cau dong broă lah: “Ơn tĕ glah dờng hơđang bơnhă, gơm biap ală cau bơtê ală cau gơnoar hwơr in sa.”

Đơs Crih 78:2

Añ rơp pò bơr đơs jơnau pơnyơu; Añ rơp đơs ală jơnau ndơp ndơr rài yau dê,

Esai 1:2

Ơ ală tap trồ, iat tĕ! Ơ ù, ơn tồr iat tĕ! Bơh Yàng Jehôwa neh đơs lah: “Añ neh ròng siam kòn sau mơ lơh bol khai in dờng, mơya bol khai bơtào tòmdră wơl mơ Añ.

Esai 29:2

Bulah behơ̆ Añ rơp gòm gơrwàng gùt dar Ariel; gơ rơp ñìm ƀồc pơt wòl, mơ Jerusalem gơwèt mơ Añ rơp kung be Ariel.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 30:9

Bơh bol khai la dô nơm làng bol jak tòmdră, kòn sau ò gơs bơta dòn, kòn sau ò bài iat jơnau bơto sồr Yàng Jehôwa dê.

Esai 63:10

Bulah behơ̆, bol khai neh tòmdră, mơ lơh Hwềng Goh Kơnràñ dê moat jrùng. Gen tàng Kơnràñ gơlik gơs cau sò tơm di bol khai, mơ să tòm Kơnràñ tòmlơh nàng tòmdră mơ bol khai.

Jeremi 1:13

Jơnau Yàng Jehôwa đơs tai mơ añ dơ̆ bàr lah: “Ñchi mê gŏ?” Añ ho: “Añ gŏ dô nơm glah dà khuh, bơr glah sơrkềng bơh đah đang.”

Jeremi 1:14

Yàng Jehôwa đơs: “Hơ̆ la bơta rung rài bơh đah đang rơp dùh hơđang jơh ală làng bol tòm lơgar do.

Ejekiel 11:11

Ƀòn dờng do rơp ò lơh gơs glah bol mê in, bol mê kung rơp ò di lơh gơs poac tòm hơ̆; Añ rơp cahrña bol mê di tiah nhàr lơgar Israel dê.

Ejekiel 11:3

bol khai đơs lah: ‘Tŭ do ò di la tŭ bơt bơtào hìu ơm. Ƀòn dờng do la glah, mơ bol he la poac.’

Ejekiel 11:7

Gen tàng, Yàng Jehôwa đơs be do: ‘Ƀồc chơt ală cau mơ bol mê neh sang lòi tềng hơ̆ la poac, mơ ƀòn dờng la glah; ai bol mê rơp pal kong ting bơtrơh bơh digùl gơ.

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Ejekiel 12:25

Mơya Añ la Yàng Jehôwa, Añ rơp đơs jơnau lơi Añ đơs, mơ jơnau hơ̆ rơp gơlik gơs di ngan, ò òbat nyà. Mơya tòm ală ngai bol mê dê, ơ làng bol jak tòmdră, Añ rơp lơh gơlik gơs di ngan ală jơnau Añ đơs, Yàng Jehôwa đơs behơ̆.”

Ejekiel 17:12

“Đơs tĕ mơ hìu jak tòmdră do lah: ‘Bol mê ò git bơta hơ̆ gơs jơnau gơtha mbe lơi ơ?’ Đơs tĕ mơ bol khai lah: ‘Bơtau Babilôn neh lòt tus tòm Jerusalem, neh kup cau bơtau mơ ală cau ryŭ ryơm gơ dê cèng bal mơ khai hơ Babilôn.

Ejekiel 17:2

“Ơ kòn mơnus, ai tĕ dô jơnau đơs pla mơ đơs mơ hìu Israel.

Ejekiel 2:2

Tòm tŭ Kơnràñ đơs gen Yàng Hwềng mut tòm añ, yò añ ñă ntào, mơ añ kơno Kơnràñ đơs mơ añ.

Ejekiel 2:3

Kơnràñ đơs lah: “Ơ kòn mơnus, Añ sồr mê lòt tus hơ làng bol Israel, tus hơ dô nơm làng bol jak tòmdră neh tòmdră di Añ; bol khai bal mơ ồng pàng bol khai dê neh tìs glài tòmdră mơ Añ jơl tus ngai do.

Ejekiel 2:5

Mơ bulah bol khai iat hala ò iat, bơh bol khai la dô nơm hìu jak tòmdră, bol khai rơp git lah neh gơs dô nă cau gơnoar hwơr ơm digùl bol khai.

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Ejekiel 2:8

Mơya mê, ơ kòn mơnus, iat tĕ ñchi jơnau Añ đơs mơ mê. Bañ tòmdră kung be dô nơm hìu jak tòmdră hơ̆; pò tĕ bơr mê dê mơ sa tĕ phan Añ ai mê in.”

Ejekiel 20:49

Gen añ neh đơs lah: “Ơ Jehôwa Yàng Tom Trồ bol khai đơs mơ añ lah: ‘Khai ò di la cau neh ngui jơnau pơnhồr ò ơ?’”

Ejekiel 24:6

Gen tàng do la jơnau đơs Jehôwa Yàng Tom Trồ dê: ‘Bòl glar ngan ƀòn dờng bềng mhàm, bòl glar ngan glah tŭ do neh gơs è sa, mơ è sa hơ̆ òhềt tho goh! Tă tơlik jơh tĕ dơ̆ dô pet dô pet, ò càng sac rwah.

Ejekiel 3:9

Añ rơp lơh bìng liang mê dê gơlik kung be lŭ kră ngan, kră rlau mơ lŭ tơrneh. Bañ rngòt di bol khai hala rơm să tài bơh bol khai, bulah bol khai la dô nơm hìu jak tòmdră.”

Mice 2:4

Tòm ngai hơ̆, bol khai rơp ñŏ tơnhial di bol mê bơh dô jơnau đơs crih tòmdră mơ bol mê; mơ ñìm rac pơt wòl lah, Bol he kong tơnroh jơh hir; Yàng Jehôwa tòmgơl jơh sre brê làng bol añ jê, Kơnràñ tă ai gơ bơh di añ, Kơnràñ ai ù tiah he dê ală cau tòmdră in.”

Jơnau Niam Jat Mak 12:12

Ală cau hơ̆ jòi bơta nàng kup Yàng Jesu bơh git Kơnràñ đơs pơnyơu hơ̆ la sơnio bơh bol khai; mơya bol khai rngòt di mpồl làng bol, gen lòi Kơnràñ mơ lik lòt.

Luka 8:10

Kơnràñ đơs lah: “Neh ai bol mê in git ală bơta ndơp ndơr lơgar Yàng Tom Trồ dê, mơya gơwèt mơ ală cau ndai gen ngui jơnau pơnyơu, nàng bol khai in sền mơ ò gŏ, kơno mơ ò git wă.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!