Ejekiel 22:4 - Sră Goh 2018

⁴ Ai neh gơlik gơs tồi glài bơh lơh gơtuh mhàm, mơ ai neh gơlik gơs ƀơ̆ ƀơl bơh ală rùp ràk mơ ai neh lơh gơs. Ai neh tơnlồi ală ngai ai dê mơ pơndut ală nam ai dê. Gen tàng Añ neh lơh ai in gơlik gơs tềl ƀàssìl ƀàsso ală làng bol in mơ bơta ñŏ tơnhial jơh ală lơgar in.

Ejekiel 22:4 ပူးပေါင်းရင်းမြစ်များ

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

II Ală Bơtau 21:16

Manase kung lơh gơtuh oă mhàm ò gơs glài, tian gơs Jerusalem kong bềng bơh đah do tus hơ đah ne. Di gah glài mơ khai neh lơh Juda in tìs glài, gen tàng bol khai neh lơh ală bơta iơh di đap Yàng Jehôwa.

II Yal Yau 7:20

gen Añ rơp tă tơlik Israel bơh di lơgar mơ Añ neh ai bol khai in, mơ rơp sang lòi hìu duh khoai mơ añ neh ơn is Sơnđan Añ in. Añ rơp lơh gơ in gơlik gơs dô jơnau dơñŏ tơnhial mơ dô nơm phan sền òsơp digùl jơh ală làng bol.

Đơs Crih 79:4

Bol hi neh gơlik gơs bơta bơtat bơtròh di cau ơm rềp mơ hi, Ală cau ơm gùt dar bol hi dơñŏ tơnhial mơ sền òsơp di bol hi.

Jeremi 18:16

Gen tàng lơgar bol khai gơlik ngềt ngơt, Lơh gơs bơta dơñŏ tơnhial sùm sùm; Kòp nă cau lòt gan gen mơp dơl Mơ rtơs bồ.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jeremi 44:8

Ñchi bơh tài bol mê bơrcek Añ gơjrañ bơh ală broă tê bol mê lơh, chu kơlhô ală yàng ndai in tòm lơgar Ejiptơ, la tiah bol mê pa tus ơm; tian gơs bol mê toès wơl bơta tơnroh he in, cèng he lơh gơs kai srat rma sền òsơp digùl ală làng bol dunnia.

Ejekiel 16:57

tòm tŭ bơta iơh bơsak ai dê òhềt ràng tơlik. Bulah behơ̆, tŭ do ai kong lah pơrhơng bơh di ală kòn ùr Edôm bal mơ jơh ală lơgar ơm gùt dar gơ, mơ ală kòn ùr Philistin sơl, hơ̆ la jơh ală lơgar ơm gùt dar ai sền òsơp di ai.

Ejekiel 21:28

Ai mê, ơ kòn mơnus, đơs hwơr tĕ mơ lah: ‘Bơh kòn sau Ammôn mơ jơnau tràl sơrbil bol khai dê, gen Jehôwa Yàng Tom Trồ đơs be do: Dô nơm đào, dô nơm đào, neh tă tơlik nàng sreh tơnchơt; neh tồl nàng sa loan, mơ gơcrà be puhlèp!

Ejekiel 22:2

“Ơ kòn mơnus, mê rơp cahrña ơ? Mê rơp cahrña ƀòn dờng bềng mhàm do ơ? Gen yal tĕ gơ in git jơh ală broă lơh cù kìr gơ dê.

Ejekiel 23:32

Jehôwa Yàng Tom Trồ đơs be do: ‘Ai rơp hùc mơngàn bi ùr ai dê, la mơngàn dờng mơ jrô; gơ rơp cèng tus bơta sền òsơp mơ bơta dơñŏ tơnhial, ơn oă ngan tòm gơ.

Ejekiel 23:7

Khai ơn să khai lơh gơs ùr dri jơh ală cau Asiri niam rlau jơh in; khai lơh ƀơ̆ ƀơl să tòm khai mơ jơh ală rùp ràk kòp nă cau mơ khai hàm kòñ.

Ejekiel 24:7

Bơh mhàm mơ khai neh lơh gơhòr gam ơm tòm dơlam gơ; Khai neh ơn gơ hơđang dô pơnai lŭ mpòl; khai ò tuh gơtòm ù nàng bồr gơ mơ ù.

Ejekiel 24:8

Nàng tơngguh bơta gơjrañ dờng Añ jê, mơ bơta sal tê, Añ neh ơn mhàm mơ khai neh lơh gơtuh hơđang dô pơnai lŭ mpòl, tian gơs gơ ò rgơi jơm ndơp tai.’

Ejekiel 36:15

Añ rơp ò tŭ lơi lòi mê kơno ală jơnau lah sơrpah ală lơgar dê tai; mê rơp ò gam kong bơta bơtat bơtròh ală làng bol dê tai, mơ ò tai lơh lơgar mê dê gơkòl tơnroh, Jehôwa Yàng Tom Trồ đơs behơ̆.”

Daniel 9:16

Ơ Yàng, añ hòi dan mơ Yàng jat jơh ală bơta sồr lam song ring Kơnràñ dê, dan Yàng pơrlac sang bơta gơjrañ dờng Kơnràñ dê bơh dê Jerusalem la ƀòn dờng mơ la mơnơm sàng goh Kơnràñ dê. Tài bơh tồi glài bol hi dê mơ bơta iơh bơsak ồng pàng bol hi dê tàng Jerusalem mơ làng bol Kơnràñ dê pal kong bơta bơtat bơtròh bơh dê ală làng bol ơm gùt dar bol hi.

Lebi 26:32

Añ rơp lơh lơgar gơlik gơs tiah sang lòi rhàng gòi, tian gơs ală cau sò tơm di bol mê ơm tềng hơ̆ kung ai lơh krơi ngan.

Khà Làng Bol 32:14

Mơ tŭ do bol mê la ală kòn sau jơi bơtiàn cau tồi glài, ntào di tiah ală ồng pàng bol mê dê mơ lơh Yàng Jehôwa in sơlo gơjrañ rlau tai di Israel.

Yal Wơl 28:37

Bol mê rơp gơlik gơs dô nơm phan rngòt cù kìr mơ dô nơm tơnggume lah pơrhơng mơ dơñŏ tơnhial jơh ală ƀòn lơgar in mơ Yàng Jehôwa neh bơtrơh bol mê tus.

Yal Wơl 29:24

Jơh ală làng bol rơp lùp lah: ‘Ñchi bơh tài Yàng Jehôwa neh lơh bơta do lơgar hơ̆ in taih? Ñchi bơh tài gơs bơta gơjrañ dờng mơ sa roh behơ̆ taih?’

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.