Ejekiel 20:3 - Sră Goh 2018

³ “Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Ejekiel 20:3 ပူးပေါင်းရင်းမြစ်များ

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 1:12

Tòm tŭ bol mê tus tơlik mat di đap Añ, Ñcau lùp ală phan do bơh tê bol mê? Bañ jă trơm ƀlàng jơng hìu Añ jê tai.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Ejekiel 14:1

Ngan gơs bàr pe nă cau kwang kra Israel dê tus mơ añ mơ nggui di đap añ.

Ejekiel 20:2

Mơ gơs jơnau Yàng Jehôwa đơs mơ añ lah:

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Ejekiel 33:30

Ai mê, ơ kòn mơnus, làng bol mê dê tòmbơhbơr bơh mê rò gah ală dơrñang ƀòn mơ di ală mpồng hìu ơm, cau do đơs mơ cau ne lah: ‘Tus tĕ nàng iat jơnau bơto yal tus bơh Yàng Jehôwa.’

Amôs 8:12

Bol khai rơp lòt bơh dàlềng do tus hơ dàlềng ne, mơ lòt bơh đah đang tus hơ đah mattơngai lik, bol khai ntoat mơ yơng jòi jat jơnau Yàng Jehôwa dê, mơya bol khai rơp ò bàn.

Mice 3:7

Ală cau sền dà rơp ƀàssìl, mơ ală cau juh proh rơp kong sền òsơp. Jơh tơl nă bol khai rơp jơm lơmpiat bol khai dê, tài bơh ò gơs jơnau ho wơl bơh di Yàng Tom Trồ.

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Luka 3:7

Behơ̆ Jang đơs mơ mpồl cau lòt tus nàng khai lơh ƀaptem lah: “Ơ jơi bơtiàn bơs tur ne, ñcau neh yal bol mê in dô pleh klàs bơh bơta gơjrañ dờng rơp tus taih?

Jang 4:24

Yàng Tom Trồ la hwềng, gen tàng cau lơi duh khoai Kơnràñ pal ai tĕ hwềng nùs mơ jơnau song nàng duh khoai.”

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.