Ejekiel 2:7 - Sră Goh 2018

⁷ Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Ejekiel 2:7 ပူးပေါင်းရင်းမြစ်များ

Lik Ejiptơ 6:29

gen Kơnràñ đơs mơ khai lah: “Añ la Yàng Jehôwa. Đơs tĕ mơ Pharaôn, bơtau Ejiptơ, jơh ală jơnau Añ đơs mơ mê.”

Jeremi 1:17

Behơ̆, mê kơt tĕ but, ñă ntào, yal bol khai in git ală bơta Añ neh ai gơnoar sồr mê in. Bañ rngòt di bol khai, rngòt Añ rơp lơh mê in rngòt rngơt di đap bol khai.

Jeremi 1:7

Mơ Yàng Jehôwa đơs tai: “Bañ đơs: Añ la kơnòm dềt; Bơh mê rơp lòt tus hơ ală cau lơi Añ sồr mê lòt, Mơ rơp đơs ală jơnau Añ sồr mê đơs.

Jeremi 17:20

Mê pal đơs lah: ‘Ơ ală cau bơtau lơgar Juda, bal mơ jơh ală làng bol Juda, mơ jơh ală làng bol Jerusalem, la cau òs lòt gan ală mpồng do, iat tĕ jơnau Yàng Jehôwa dê.

Jeremi 23:28

Lòi cau gơnoar hwơr lơi gơs mpau yal tĕ mpau; ai cau lơi neh dòp leng jơnau Añ, yal wơl tĕ jơnau Añ dô bă dòn song! Rhe ngan gơs pơnah bal mơ kòi mi ơ?” Yàng Jehôwa đơs behơ̆.

Jeremi 26:2

Yàng Jehôwa đơs be do: “Ntào tĕ tòm rơng hìu Yàng Jehôwa, mơ đơs ală jơnau Añ sồr mê đơs mơ ală cau tòm ală ƀòn Juda neh tus nàng duh khoai tòm hìu Yàng Jehôwa dê; bañ pơndut dô jơnau lơi.

Jeremi 34:6

Gen cau gơnoar hwơr Jeremi đơs ală jơnau hơ̆ mơ Jedekia, bơtau Juda, tòm Jerusalem,

Jeremi 36:14

Gen tàng ală kwang at bồ sồr Jehudi, kòn klau Nethania, sau Selemia, se Kusi, lòt tus hơ Baruk, mơ lah: “At tĕ tòm tê dap sră mơ mê neh sền làng bol in iat, mơ tus tềng do.” Baruk, kòn klau Neriya, at dap sră tòm tê khai, lòt tus mơ bol hơ̆.

Jeremi 42:21

Mơ tai, ngai do añ neh yal oh mi in rau; mơya oh mi ò dòn jat jơnau Jehôwa Yàng Tom Trồ oh mi bơta lơi Kơnràñ sồr añ yal wơl oh mi in.

Jeremi 44:20

Gen Jeremi đơs mơ jơh ală làng bol, cau klau, cau ùr, mơ kòp nă cau neh ho wơl khai in behơ̆, lah:

Jeremi 6:28

Bol khai jơh tơl nă kơldang bồ mơ pơrlơ̆ dră, Lòt làm bă tiah đơs iơh, Kră be kòng, be lòs, jơh tơl nă bol khai lơh ală broă roh gơprah lơm.

Jeremi 7:27

“Behơ̆ mê rơp đơs jơh ală jơnau do bol khai in, mơya bol khai rơp ò iat mê. Mê rơp hòi, mơ bol khai rơp ò ho wơl.

Ejekiel 11:25

Mơ añ yal wơl ală cau kong kup cèng in kòp bơta mơ Yàng Jehôwa neh sơnio añ in gŏ.

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Ejekiel 2:5

Mơ bulah bol khai iat hala ò iat, bơh bol khai la dô nơm hìu jak tòmdră, bol khai rơp git lah neh gơs dô nă cau gơnoar hwơr ơm digùl bol khai.

Ejekiel 20:27

Behơ̆ gen, ơ kòn mơnus, yal tĕ mơ hìu Israel, mơ đơs mơ bol khai lah: ‘Jehôwa Yàng Tom Trồ đơs be do: Ồng pàng bol mê kung neh lơh tràl sơrbil mơ Añ bơh bol khai neh pơrlơ̆ dră di Añ.

Ejekiel 3:10

Kơnràñ đơs mơ añ lah: “Ơ kòn mơnus, iat tĕ nền nền mơ prap tĕ tòm nùs jơh ală jơnau Añ đơs mơ mê.

Ejekiel 3:17

“Ơ kòn mơnus, Añ neh lơh mê in gơlik gơs dô nă cau kơp gàr hìu Israel; behơ̆ iat tĕ jơnau Añ đơs mơ ai jơnau hơ̆ bơto pơhìn Añ jê bol khai in.

Ejekiel 3:4

Kơnràñ đơs mơ añ lah: “Ơ kòn mơnus, tŭ do lòt tĕ tus hơ hìu Israel, mơ yal ală jơnau đơs Añ jê bol khai in.

Ejekiel 33:7

Behơ̆ mê, ơ kòn mơnus, Añ neh bơtào mê lơh gơs cau drơng kơp gàr hìu Israel in; behơ̆ tòm tŭ mê kơno dô jơnau bơh di bơr Añ jê, mê rơp yal tơnggit lài bol khai in jơnau Añ jê.

Ejekiel 40:4

Khai đơs mơ añ lah: “Ơ kòn mơnus, ai tĕ mat sền nền, ai tĕ tồr iat nền, mơ ơn tĕ nùs kơlôi bơh kòp bơta mơ añ rơp sơnio mê in, bơh hơ̆ la tơnggume mơ mê geh cèng tus tềng do; yal wơl tĕ hìu Israel in jơh ală bơta mê gŏ.”

Amôs 3:13

Yàng Jehôwa, la Yàng Tom Trồ Gơnap Gơnoar Dờng Làm Jơh đơs lah: Iat tĕ ală jơnau do mơ lơh cơng tòmdră mơ hìu Jakôp.

Jôna 3:2

“Lòt tĕ hơ ƀòn dờng Ninibe, mơ bơto tơnggit gơ in jơnau Añ neh yal mê in.”

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”