Ejekiel 2:4 - Sră Goh 2018

⁴ Jơi bơtiàn dờng nùs mơ kơldang bồ. Añ sồr mi lòt tus hơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’

Ejekiel 2:4 ပူးပေါင်းရင်းမြစ်များ

I Ală Bơtau 22:14

Mơya Mice ho lah: “Kung be Yàng Jehôwa kis gam sùm mơ srat să, jơnau lơi Yàng Jehôwa đơs mơ añ, gen añ rơp yal.”

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

Đơs Crih 95:8

Bañ kơldang nùs be tòm Meriba, Be tòm ngai tòm Masa tòm ƀlàng ngềt ngơt,

Jơnau Pơnđik 21:29

Cau iơh lơh is muh mat kră kơldang be lŭ; ai cau song ngan lơh kơ̆ gùng dà he.

Esai 48:4

Bơh Añ neh git mê kơldang nùs la kàr lơi; mơ ară ngko mê dê la lòs, bìng liang mê dê la kòng.

Jeremi 1:7

Mơ Yàng Jehôwa đơs tai: “Bañ đơs: Añ la kơnòm dềt; Bơh mê rơp lòt tus hơ ală cau lơi Añ sồr mê lòt, Mơ rơp đơs ală jơnau Añ sồr mê đơs.

Jeremi 3:3

Behơ̆ tàng mìu nhàc neh kòl krơ̆ wơl, mơ mìu bồ sơnam kung ò tus. Mơya mê gam pò bìng liang kung be cau ùr dri tơlàr; Ò git ƀàssìl.

Jeremi 36:21

Bơtau sồr Jehudi ai dap sră; Jehudi ai dap sră tòm ơdŭ cau gơnoar cih Elisama, cèng sền bơtau in mơ jơh ală kwang at bồ ơm ntào di gah bơtau in kơno.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Ejekiel 3:11

Tŭ do lòt tĕ tus hơ ală cau làng bol mê dê neh kong kup cèng pơrdô mơ đơs mơ bol khai. Đơs tĕ mơ bol khai lah: ‘Do la jơnau đơs Yàng Jehôwa Gơnap Gơnoar Hơđang Rlau Jơh dê.’ Bulah bol khai iat hala ò iat.”

Ejekiel 3:27

Mơya tòm tŭ Añ đơs mơ mê, Añ rơp pò bơr mê, mơ mê rơp đơs mơ bol khai: ‘Do la jơnau đơs Jehôwa Yàng Tom Trồ dê: Cau lơi kòñ iat gen lòi khai iat; cau lơi ò bài iat gen lòi khai ò bài; bơh bol khai la dô nơm hìu tòmdră.’”

Ejekiel 3:4

Kơnràñ đơs mơ añ lah: “Ơ kòn mơnus, tŭ do lòt tĕ tus hơ hìu Israel, mơ yal ală jơnau đơs Añ jê bol khai in.

Ejekiel 3:7

Mơya hìu Israel rơp ò bài iat mê tài bơh bol khai ò bài iat Añ, bơh jơh dô nơm hìu Israel neh kră nùs mơ kơldang bồ.

Amôs 7:15

Mơya Yàng Jehôwa neh tă añ bơh broă jat mpồl belàt, mơ Yàng Jehôwa đơs mơ añ lah: ‘Lòt tĕ đơs hwơr mơ làng bol Israel Añ jê.’

Sacari 7:12

Bol khai lơh nùs bol khai dê kră kung be lŭ tơrneh, nàng ò iat bơta boh lam mơ ală jơnau Yàng Jehôwa Gơnap Gơnoar Dờng Làm Jơh dê neh đơs bơh Hwềng Kơnràñ dê kơnòm di ală cau gơnoar hwơr tòm rài yau. Behơ̆ Yàng Jehôwa Gơnap Gơnoar Dờng Làm Jơh gơjrañ dờng ngan.

Mathiơ 10:16

“Do Añ sồr bol mê lòt kung ò gơkrơi be belàt digùl mpồl so rhau. Behơ̆ chài rgơi tĕ be bơs, mơ lơbơn niam tĕ be sềm ntòp.

Yal Wơl 10:16

Gen tàng, siat gơltau tĕ nùs bol mê, mơ bañ kơldang bồ tai.

Yal Wơl 31:27

Bơh añ git bol mê la dô nơm làng bol jak tòmdră mơ kơldang bồ. Dilah bol mê neh bơtào tòmdră mơ Yàng Jehôwa tòm tŭ añ gam kis digùl oh mi, tơ ài lah tơnơ̆ mơ tŭ añ neh chơt rau gen bol mê rơp bơtào tòmdră oă rlau tai!