Ejekiel 17:9 - Sră Goh 2018

⁹ Mê đơs tĕ mơ bol khai lah: ‘Jehôwa Yàng Tom Trồ đơs be do: Tòm ño hơ̆ rơp geh tơlir niam sơl? Gơ rơp ò kong dus mơ pic sang jơh plai gơ dê tồ gơ in ro jrùh, jơh ală bơta hòn dờng pa gơ dê rơp ro jrùh sơl ơ? Ò càng gơs tơwòr tê pràn hala ling pràn kơldang nàng dus gơ bơh ryas gơ dê.

Ejekiel 17:9 ပူးပေါင်းရင်းမြစ်များ

II Yal Yau 13:12

Sền tĕ Yàng Tom Trồ ơm bal mơ bol hi mơ lam bồ bol hi; mơ ală cau gơnoar ơn phan duh khoai Kơnràñ dê uh kơlwòk bơta tòmlơh bol khai dê, nàng hòi lòt tòmlơh tòmdră mơ bol mê. Ơ ală cau Israel, bañ tòmlơh tòmdră mơ Jehôwa Yàng Tom Trồ ală ồng pàng bol mê dê, bơh bol mê ò geh pha.”

II Yal Yau 20:20

Bol khai guh gòñ bơh rìng àng, mơ lik lòt hơ ƀlàng ngềt ngơt Tekôa; mơ tòm tŭ bol khai lik lòt, Jehôsaphat ñă ntào mơ đơs lah: “Dan iat añ, ơ Juda mơ làng bol Jerusalem! Dòn tĕ di Jehôwa la Yàng Tom Trồ bol mê dê, gen bol mê rơp geh ntào kơ̆; dòn tĕ ală cau gơnoar hwơr Kơnràñ dê.”

Jeremi 32:5

Bơtau hơ̆ rơp cèng Jedekia tus hơ Babilôn, khai rơp ơm tềng hơ̆ jơl tus di tŭ Añ lơh gơlik gơs ală bơta gơwèt hơ khai, dilah bol mê tòmlơh mơ cau Babilôn, bol mê rơp ò geh cồng nha.’ Yàng Jehôwa đơs behơ̆.”

Jeremi 37:10

Bulah bol mê tơnroh jơh mpồl ling Kalde dê, la cau neh tus tòmlơh mơ bol mê, tòm mpồl bol khai mìng gam wơl ală cau kong sồt rmàñ ơm wơl tòm sàl, bol khai kung bơtào wơl mơ ngui ồs chu ƀòn do.”

Ejekiel 17:10

Tòm Tŭ gơ geh tam pa wơl gen gơ rơp geh tơlir niam sơl? Tòm tŭ càl đah mattơngai lik àl gơ, gơ rơp ò ro jrùh jơh hir, ro jrùh di tiah mơ gơ neh hòn dờng sơl ơ?’”

Ejekiel 17:8

Mơ gơ neh geh crap tòp di ù tiah niam mơ rềp di gah oă dà tồ gơ in cat ntê, gơlik plai, mơ gơlik gơs dô tòm ño niam.’

Amôs 2:9

Añ neh tơnroh cau Amôrit di đap bol khai, bulah khai jơnhoa be ală chi nho rề, mơ pràn kơldang be ală tòm cha. Añ neh tơnroh ală plai khai dê hơđang mơ ală ryas hơđơm khai dê.

Khà Làng Bol 14:41

Mơya Môise đơs lah: “Ñchi bơh tài bol mê ò lơh jat jơnau sồr Yàng Jehôwa dê taih? Bơta bol mê lơh hơ̆ ò gơlik cồng nha niam ò!