Ejekiel 14:3 - Sră Goh 2018

³ “Ơ kòn mơnus, ală cau do cèng rùp ràk bol khai dê tơmut tòm nùs bol khai, mơ ơn ală phan lơh gơtup tìs iơh rmơh di đap bol khai. Behơ̆ Añ pal lòi să tòm Añ bol khai in hòi lùp jơnau lơi sơl ơ?

Ejekiel 14:3 ပူးပေါင်းရင်းမြစ်များ

II Ală Bơtau 3:13

Elise đơs mơ bơtau Israel lah: “Ñchi bơta gơs digùl añ mơ bơtau taih? Lòt tĕ hòi lùp ală cau gơnoar hwơr mè bèp bơtau dê.” Bơtau Israel ho lah: “Ò di behơ̆; bơh Yàng Jehôwa neh hòi pe nă bơtau do tus, nàng jào bol hi tòm tê Môap.”

Đơs Crih 101:3

Añ rơp ò ơn bơta iơh rmơh lơi di đap mat añ; Añ gơjrañ kơuềng di broă cau tìs nrah, broă hơ̆ rơp ò gơđềt di añ.

Đơs Crih 66:18

Dilah nùs añ neh kơlôi gơboh di tồi glài, Gen Yàng ò bài iat añ.

Jơnau Pơnđik 15:29

Yàng Jehôwa ơm ngài mơ cau iơh; Mơya Kơnràñ iat jơnau hòi dan cau song ring dê.

Jơnau Pơnđik 15:8

Phan ơn duh khoai cau iơh bơsak ai lơh cù kìr Yàng Jehôwa in; Mơya jơnau hòi dan cau song ring dê geh niam nùs Kơnràñ.

Jơnau Pơnđik 21:27

Phan ơn duh khoai cau iơh dê la dô nơm phan cù kìr; tơ ài lah tŭ bol khai cèng tus bal mơ bơta kơlôi sơnơng iơh.

Jơnau Pơnđik 28:9

Cau lơi sềt tồr ò bài iat bơta sồr lam, jơnau hòi dan cau hơ̆ dê kung la dô bơta cù kìr.

Esai 1:15

Tòm tŭ bol mê pò tê bol mê dê, Añ rơp cang kìng mat Añ bơh di bol mê. Bulah dilah bol mê hòi dan oă jơnau, Añ rơp ò iat. Tê bol mê dê bềng mhàm.

Esai 33:15

Hơ̆ la cau lơh lòt song ring, đơs jơnau di ngan, sền òsơp di phan sa kwì, ò bài dòp phan sa loă, sềt tồr ò bài iat bơta bơyai lơh gơtuh mhàm, ñềm mat ò bài sền gŏ bơta iơh.

Jeremi 11:11

Gen tàng, Yàng Jehôwa đơs be do: ‘Añ rơp cèng bơta rung rài dùh hơđang bol khai, mơ bol khai ò rgơi pleh klàs; bulah bol khai rơp hòi dan mơ Añ, Añ rơp ò iat bol khai.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 21:2

“Dan hòi lùp Yàng Jehôwa bol he in, bơh Nebukatnessar, bơtau Babilôn, neh tus tòmlơh mơ bol he; digơlan Yàng Jehôwa rơp lơh ală broă crih crài bol he in be Kơnràñ òs lơh, mơ rơp lơh khai in lik ngài bơh bol he.”

Ejekiel 11:21

Mơya gơwèt mơ ală cau gơs nùs lòt jat ală rùp duh khoai iơh rmơh mơ ală rùp ràk cù kìr bol khai dê, gen Añ rơp tuh wơl ală bơta bol khai neh lơh hơđang bồ bol khai dê,’ Jehôwa Yàng Tom Trồ đơs behơ̆.”

Ejekiel 14:2

Gen gơs jơnau Yàng Jehôwa đơs mơ añ lah:

Ejekiel 14:4

Gen tàng đơs tĕ mơ bol khai mơ yal bol khai in lah: ‘Jehôwa Yàng Tom Trồ đơs be do: “Gơs cau lơi tòm hìu Israel cèng ală rùp ràk tơmut tòm nùs khai dê, mơ ơn di đap khai phan lơh gơtup tìs iơh rmơh lồc behơ̆ lòt tus hơ dô nă cau gơnoar hwơr, gen Añ, la Yàng Jehôwa, să tòm Añ rơp ho wơl khai in tòm toh kung be bơta duh khoai rùp ràk dờng khai dê,

Ejekiel 14:7

Dilah gơs cau Israel lơi hala cau làng bơdìh lơi ơm tòm Israel cah is să tòm khai bơh di Añ, cèng rùp ràk tơmut tòm nùs khai dê, mơ ơn dô nơm phan lơh gơtup tìs di đap khai, lồc behơ̆ lòt tus hơ cau gơnoar hwơr nàng hòi lùp Añ, gen Añ, Yàng Jehôwa, să tòm Añ rơp ho wơl khai in.

Ejekiel 20:16

Tài bơh bol khai neh sang lòi ală bơta boh lam Añ jê, mơ ò lơh jat ală jơnau sồr Añ jê, mơ sền òsơp di ală ngai Saƀat Añ, bơh nùs bol khai wèt hơ ală rùp ràk bol khai dê.

Ejekiel 20:3

“Ơ kòn mơnus, đơs tĕ mơ ală cau kwang kra Israel dê mơ yal tĕ bol khai in lah: Jehôwa Yàng Tom Trồ đơs lah: ‘Ñchi bơh tài bol mê neh lòt tus nàng hòi lùp Añ taih?’ Jehôwa Yàng Tom Trồ đơs lah: ‘Di ngan kung be Añ kis, Añ rơp ò lòi bol mê hòi lùp Añ.’

Ejekiel 20:31

Tòm tŭ bol mê ơn phan ai gòi bol mê dê, ơn ală kòn klau bol mê chu tòm ồs, bol mê pơnjat lơh ƀơ̆ ƀơl să tòm bol mê dê bơh jơh ală rùp ràk bol mê dê jơl tus di ngai do. Ơ hìu Israel, Añ rơp lòi bol mê hòi lùp Añ ơ! Be Añ kis, Jehôwa Yàng Tom Trồ đơs behơ̆.

Ejekiel 3:20

Kung behơ̆, dilah dô nă cau song ring pơrlac sang bơta song ring khai dê mơ lơh bơta iơh, mơ Añ ơn kai gơtup pừ di đap khai gen khai rơp chơt. Tài bơh mê ò bơto pơhìn khai gen khai rơp chơt bơh tồi glài khai dê. Ală bơta song ring mơ khai neh lơh rơp ò gam kah tai, mơ Añ rơp kòp mê gơs glài bơh mhàm khai dê.

Ejekiel 33:30

Ai mê, ơ kòn mơnus, làng bol mê dê tòmbơhbơr bơh mê rò gah ală dơrñang ƀòn mơ di ală mpồng hìu ơm, cau do đơs mơ cau ne lah: ‘Tus tĕ nàng iat jơnau bơto yal tus bơh Yàng Jehôwa.’

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Ejekiel 44:12

Tài bơh bol khai duh broă làng bol di đap ală rùp ràk mơ lơh hìu Israel gơtơmut tòm tồi glài, gen tàng Añ neh srat să gơwèt mơ bol khai lah bol khai rơp kong àñ bơta lơh glài bol khai dê, Jehôwa Yàng Tom Trồ đơs behơ̆.

Ejekiel 6:9

Tòm bol mê la ală cau geh klàs hơ̆ rơp kah wơl Añ digùl ală làng bol mơ bol khai neh kong kup cèng, mbe lơi Añ neh jê sồt moat jrùng bơh nùs bơrsèl tơnhial bol khai dê, neh pơrlac sang bơh Añ, mơ bơh gar mat bơrsèl tơnhial bol khai dê, neh wèt hơ ală rùp ràk bol khai dê. Gen bol khai rơp cù kìr di să tòm he bơh ală bơta tồi glài iơh bơsak mơ bol khai neh tìs. Bơh jơh ală broă ngkòr ngkàc mơ bol khai neh lơh.

Ejekiel 7:19

Bol khai rơp sơrbì priă bol khai dê tòm gùng, mơ màh bol khai dê rơp gơlik gơs dô nơm phan ƀơ̆ ƀơl. Màh mơ priă bol khai dê ò rgơi dong klàs bol khai tòm ngai gơjrañ dờng Yàng Jehôwa dê. Bol khai rơp geh rài bơta jơgloh hala tơmbềng kơndul bol khai dê bơh phan hơ̆, bơh gơlơh bol khai in gơtup pừ tòm tồi glài.

Sră Ôse 4:5

Mê rơp gơtup pừ tòm trồ ngai, mơ ală cau gơnoar hwơr kung gơtup pừ bal mơ mê tòm trồ mang sơl. Behơ̆ Añ rơp tơnroh mè mê dê.

Sôphôni 1:3

“Añ rơp pơs jơh kòn mơnus bal mơ ală phan poan jơng, añ rơp pơs jơh sềm hơđang trồ bal mơ ală ka tòm dàlềng. Añ rơp lơh cau iơh bơsak in gơtup pừ. Añ rơp tơnroh jơi kòn mơnus bơh di plai ù.” Yàng Jehôwa đơs behơ̆.

Sacari 7:13

Be tòm tŭ Añ hòi, bol khai ò bài iat, mơ tòm tŭ bol khai hòi, Añ kung ò bài iat, Yàng Jehôwa Gơnap Gơnoar Dờng Làm Jơh đơs behơ̆.

Luka 20:8

Yàng Jesu đơs mơ bol hơ̆ lah: “Añ kung ò yal bol mê in git bơh gơnoar lơi mơ Añ lơh ală bơta do.”

Ephesô 5:5

Bơh oh mi git loh làng bơta do: Cau rềs àr bơrnàn, cau ngkòr ngkàc, cau hàm hà la cau duh rùp ràk, bol khai ò gơs sre brê lơi tòm lơgar Bơtau Krist mơ Yàng Tom Trồ dê.

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.

Yal Tơlik 2:14

Mơya gơs dô êt bơta Añ ò bài mê: Hơ̆ la tềng hơ̆ mê gơs cau ƀà jat bơta bơto sồr Balaam dê, la cau neh bơto Balak ơn dô pơnai lŭ gơtup jơng di đap kòn sau Israel nàng ơniai bol khai sa poac duh khoai rùp ràk mơ tìs glài rềs àr bơrnàn.

I Samuel 28:6

Khai hòi lùp Yàng Jehôwa, mơya Yàng Jehôwa ò ho wơl khai in bơh bơta mpau, hala bơh Urim, hala bơh ală cau gơnoar hwơr.