Ejekiel 13:3 - Sră Goh 2018

³ Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Ejekiel 13:3 ပူးပေါင်းရင်းမြစ်များ

Jơnau Pơnđik 15:14

Nùs àng loh jòi jat bơta git jak; Ai bơr cau tùl gơla ròng siam he mơ bơta bơrngơl gơla.

Jơnau Pơnđik 15:2

Lơmpiat cau jak chài yal tơlik bơta git jak dô bă di pal; mơya bơr cau tùl gơla mìng tơlik jơnau bơrngơl gơla.

Jeremi 23:1

“Bòl glar ngan ală cau ê la cau tơnroh mơ lơh gơprah mpồl belàt tòm ƀlàng ñhơt Añ jê.

Jeremi 23:16

Yàng Jehôwa Gơnap Gơnoar dờng đơs be do: “Bañ iat ală jơnau ală cau gơnoar hwơr hơ̆ đơs hwơr mơ bol mê. Bol khai bơto bol mê in ală bơta gơn kơnòm ò kwơ, Mơ đơs bơta gơtơnggŏ bơh nùs is bol khai dê, ò di bơh bơr Yàng Jehôwa.

Jeremi 23:9

Bơh ală cau gơnoar hwơr: Nùs añ lề lac tòm añ; Nting añ gơ mprơm; Añ kung be cau bơñul ñô, Kung be cau swing bồ bơh alak, Tài bơh Yàng Jehôwa mơ ală jơnau sàng goh Kơnràñ dê.

Jeremi 28:15

Chòp, cau gơnoar hwơr Jeremi đơs mơ cau gơnoar hwơr Hanania lah: “Ơ Hanania, iat tĕ! Yàng Jehôwa òhềt sồr mê, mơya mê lơh làng bol do in dòn kơnòm di bơta ma blac.

Ñìm Rac 2:14

Ală cau gơnoar hwơr ai yal ai in ală bơta ma blac mơ gơtơnggŏ blac pơrlồm. Bol khai ò yal tơlik tồi glài ai, nàng tơm wơl bơta lơngai lơngò bol ai dê, Mơya mìng yal ai in git ală jơnau đơs hwơr ma blac mơ tìs nrah.

Ejekiel 13:18

mơ đơs lah: ‘Jehôwa Yàng Tom Trồ đơs be do: Bòl glar ngan ală cau ùr in jing crìu gun di ală ko tê, mơ lơh chèo gòm bồ jòng liah krơi is nàng mòc bơta kis kòn mơnus. Bol ai rơp tơnroh bơta kis làng bol Añ jê mơ pơnjat sùm bơta kis să tòm bol ai dê sơl ơ?

Ejekiel 13:4

Ơ Israel, ală cau gơnoar hwơr bol mê dê kung be ală so brê ơm tòm tiah roh rui.

Ejekiel 34:2

“Ơ kòn mơnus, đơs hwơr tĕ tòmdră mơ ală cau ê belàt Israel dê; đơs hwơr, mơ đơs tĕ mơ bol khai la ală cau ê belàt lah: ‘Jehôwa Yàng Tom Trồ đơs be do: Ơ bol mê la ală cau ê Israel dê, bol mê la cau mìng ròng siam să tòm! Ò di ală cau ê pal ròng siam mpồl belàt ò ơ?

Sră Ôse 9:7

Ală ngai lơh glài neh tus rau! Ală ngai sal tê neh tus rau! Israel ñìm nggà. Cau gơnoar hwơr gơlik bơrngơl gơla, cau gơs hwềng Yàng gơlik sơnrang sơnrồng, tài bơh tồi glài bol mê dê la kơnjơ̆ ngan, mơ bơta sòdră bol mê dê la dờng.

Sacari 11:15

Gen Yàng Jehôwa neh đơs mơ Añ lah: “Ai tĕ tai ală phan ngui dô nă cau ê tùl gơla dê.

Luka 11:40

Ơ ală cau bơrngơl gơla ne! Bơtau neh crơng gơs đah bơdìh, ò di neh crơng gơs đah dơlam tai sơl ơ?

Luka 11:52

Bòl glar bol mê in la cau bơto bơta boh lam! Bơh bol mê prap kai mpồng bơta git jak dê; să tòm bol mê ò bài mut, mơ ală cau ndai kòñ mut gen bol mê kơryan kơrdơl.”

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

I Timôthe 6:4

gen cau hơ̆ la jòng is să he, ò git wă dô êt lơi; mơya khai gơs nùs òs pơndang mơ tòm pơndang bal bơh ală jơnau đơs, tài bơh hơ̆ gơlik gơs bơta ƀoah tòmlah, tòmpìt tòmhà, bơrsèl tơnhial, pin iơh,

II Timôthe 3:9

Mơya bol khai ò geh tòmdră tai, bơh bơta tùl gơla bol khai dê rơp geh ràng tơlik jơh tơl nă cau in, kung be bàr nă cau ne dê sơl.