Ejekiel 13:2 - Sră Goh 2018

² “Ơ kòn mơnus, đơs hwơr tĕ tòmdră mơ ală cau gơnoar hwơr Israel dê la ală cau ơm đơs hwơr. Đơs tĕ mơ ală cau đơs hwơr bơh bơta kơlôi sơnơng is bol khai dê lah: ‘Iat tĕ jơnau Yàng Jehôwa dê!’

Ejekiel 13:2 ပူးပေါင်းရင်းမြစ်များ

I Ală Bơtau 22:19

Gen Mice đơs lah: “Behơ̆, iat tĕ jơnau Yàng Jehôwa dê: Añ gŏ Yàng Jehôwa nggui hơđang sơbàn Kơnràñ mơ jơh mpồl ling hơđang trồ ntào duh khoai Kơnràñ di đah ma mơ đah kiau.”

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Esai 28:14

Gen tàng, iat tĕ jơnau đơs Yàng Jehôwa dê, ơ bol mê la ală cau jak bơrsèl tơnhial, la cau at bồ làng bol do tòm Jerusalem.

Esai 9:15

Bồ hơ̆ la ală cau kwang kra mơ cau màng ryŭ; tiang hơ̆ la ală cau gơnoar hwơr bơto jơnau blac chừt.

Jeremi 23:2

Behơ̆ gen, gơwèt hơ ală cau ê gàr làng bol Kơnràñ, gen Jehôwa Yàng Tom Trồ Israel dê đơs be do: ‘Bol mê la ală cau lơh nrah nring mpồl belàt la làng bol Añ jê mơ neh bơtrơh bol gơ, ò kơlôi rcang bơh bol gơ. Añ rơp lơh glài bol mê bơh ală broă iơh bol mê neh lơh,’ Yàng Jehôwa đơs behơ̆.

Jeremi 27:14

Behơ̆, bañ iat ală jơnau mpồl cau gơnoar hwơr đơs lah: ‘Bol mê rơp ò duh broă bơtau Babilôn!’ Hơ̆ la bol khai đơs hwơr ma blac bol mê in.

Jeremi 27:18

Mơya dilah bol khai ngan la cau gơnoar hwơr mơ jơnau Yàng Jehôwa ơm bal mơ bol khai, gen tŭ do hòi dan ala tĕ mơ Yàng Jehôwa Gơnap Gơnoar, nàng ală phan ngui gam wơl tòm hìu Yàng Jehôwa, tòm gơlang bơtau Juda mơ tòm Jerusalem, ò gơkòl cèng hơ lơgar Babilôn tai.

Jeremi 37:19

Ntềng đah ală cau gơnoar hwơr neh đơs hwơr bơtau in lah: ‘Bơtau Babilôn rơp ò tus tòmdră mơ bol mê hala tòmdră mơ tiah do ơ’?

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 8:10

Gen tàng, Añ rơp jào bau ùr bol khai dê cau ndai in, Mìr sre bol khai dê cau phà tòmpìt in; Tài bơh, bơh cau dềt rlau jơh tus cau dờng rlau jơh, jơh tơl nă hàm hà cồng nha ò song ring; Bơh cau gơnoar hwơr jơl tus cau gơnoar ơn phan duh khoai, jơh tơl nă lơh lòt ma blac lơm.

Ñìm Rac 4:13

Hơ̆ la tài bơh tồi glài ală cau gơnoar hwơr khai dê, mơ bơta iơh bơsak ală cau gơnoar ơn phan duh khoai khai dê. Bol khai neh lơh gơtuh mhàm ală cau song ring digùl ƀòn dờng khai dê.

Ejekiel 13:1

Gơs jơnau Yàng Jehôwa đơs mơ añ lah:

Ejekiel 13:17

Ai mê ơ kòn mơnus, mê wèt mat tòmdră mơ ală kòn ùr làng bol mê dê, la ală cau đơs hwơr jat bơta kơlôi sơnơng is bol khai dê. Đơs hwơr tòmdră mơ bol khai,

Ejekiel 13:3

Jehôwa Yàng Tom Trồ đơs be do: ‘Bòl glar ngan ală cau gơnoar hwơr tùl gơla, ne la ală cau đơs jat hwềng nùs is bol khai dê, mơ ò gŏ bơta lơi ò!

Ejekiel 16:35

Behơ̆ gen, ơ cau ùr dri tơlàr, iat tĕ jơnau Yàng Jehôwa dê.’

Ejekiel 22:25

Ală cau gơnoar hwơr gơ dê neh bơyai bơtào kai gơrmơ̆i kung be klìu triă ơluh ơhùm kap crè phan kup geh gơ dê; bol khai crè sa làng bol, tòmpìt ai ală đam jàr mơ ală phan màng, lơh gơlik gơs oă cau ùr bơnrau tòm gơ.

Ejekiel 22:28

Ală cau gơnoar hwơr gơ dê pih bò ală broă lơh hơ̆ bol khai in kơnòm di ală bơta gơtơnggŏ roh lơm mơ bơta sền dà ma blac bol khai in mơ đơs lah: “Do la jơnau đơs Jehôwa Yàng Tom Trồ dê,” tòm tŭ Yàng Jehôwa ò đơs behơ̆.

Ejekiel 34:7

Gen tàng, ơ ală bol mê la cau ê, iat tĕ jơnau đơs Yàng Jehôwa dê:

Ejekiel 34:9

Gen tàng, ơ ală cau ê, iat tĕ jơnau đơs Yàng Jehôwa dê:

Mice 3:11

Ală cau kwang lam bồ gơ dê cahrña bơh sa loă, ală cau gơnoar ơn phan duh khoai gơ dê bơto sồr bơh jền priă, mơ ală cau gơnoar hwơr gơ dê đơs hwơr bơh priă; bulah behơ̆ bol khai kơnòm di sơnđan Yàng Jehôwa mơ đơs lah: “Ngan gơs Yàng Jehôwa ơm digùl bol he, bơta rung rài rơp ò tus hơđang bol he!”

Mice 3:6

Gen tàng trồ mang rơp tus hơđang bol mê, ò gơs bơta gơtơnggŏ, mơ bơta klam jơngo, ò gơs jơnau yal tơlik. Mattơngai rơp ñơp hơđang ală cau gơnoar hwơr, mơ trồ ngai rơp gơlik jơngo hơđang bol khai.

Sôphôni 3:4

Ală cau gơnoar hwơr gơ dê pơnhừ să; la ală cau blac chừt. Ală cau gơnoar ơn phan duh khoai gơ dê lơh ƀơ̆ ƀơl tiah sàng goh mơ lơh rkwet rkwe di bơta boh lam.