Ejekiel 11:2 - Sră Goh 2018

² Yàng Jehôwa đơs mơ añ lah: “Ơ kòn mơnus, hơ̆ la ală cau bơtào gơs bơta tìs mơ bơyai lơh bơta iơh tòm ƀòn dờng do;

Ejekiel 11:2 ပူးပေါင်းရင်းမြစ်များ

Este 8:3

Gen Este rac dan tai mơ cau bơtau, khai tơmbic să di jơng bơtau mơ ñìm. Khai rac dan bơtau tơnroh bơta rơndap broă iơh bơsak mơ Haman cau Agak neh tòmdră mơ làng bol Israel.

Đơs Crih 36:4

Khai kơlôi bơh bơta iơh tòm tŭ khai bic hơđang cơnòng; Khai jat gùng ò niam; khai ò sền òsơp mơ ò sang bơta iơh bơsak.

Đơs Crih 36:5

Ơ Yàng Jehôwa, bơta kòñ gơboh kơ̆ dơn Kơnràñ dê la dờng ơnàng jơl tus hơđang trồ, Bơta dòn song Kơnràñ dê tus di ală mhwal.

Đơs Crih 52:2

Lơmpiat mê ò gơkrơi be pềs koah sồt ngan, Ơ mê la cau lơh bơta blac pơrlồm.

Esai 30:1

Yàng Jehôwa đơs: “Ơ ală kòn sau jak tòmdră, bơtào rơndap tơnggume broă ò jat nùs Añ; lơh gơs dô bă bal tòmdră mơ nùs kòñ Añ jê, bơtơl tồi glài hơđang tồi glài;

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Jeremi 18:18

Gen bol khai đơs lah: “Tus tĕ, bol he bơtào tĕ kai nàng tòmdră mơ Jeremi; bơh cau gơnoar ơn phan duh khoai ò siơ̆u bơta boh lam, cau jak chài ò siơ̆u bơta cri bơyai, cau gơnoar hwơr ò siơ̆u jơnau đơs hwơr. Bol he tus tĕ, ai jơnau đơs bol he tòmdră mơ khai, bañ ơn tồr iat jơnau khai dô êt lơi.”

Jeremi 5:5

Lòi Añ lòt tus mơ ală cau pas sơm Mơ đơs mơ bol khai, ngan bol khai git loh gùng dà Yàng Jehôwa dê, Bơta boh lam Yàng Tom Trồ bol khai dê.” Mơya, bol khai jơh ală gơlơh be dơrpă yô, mơ bol khai neh gơltac ală che cap.

Ejekiel 7:26

Rung rài do gơbơtơl hơđang rung rài ndai, jơnau pơnro do gơpơnjat jơnau pơnro ne. Bol khai rơp pơnđơl jòi bơta gơtơnggŏ bơh di cau gơnoar hwơr; jơnau bơto tơngkah bơh cau gơnoar ơn phan duh khoai rơp roh rui, jơnau bơto sơnio bơh di ală cau kwang kra kung rơp ò gơs.

Nahum 1:11

Bơh di mê dô nă cau neh lik lòt la cau bơtào kai gơrmơ̆i iơh tòmdră mơ Yàng Jehôwa, dô nă cau bơtào kai iơh bơsak.