Ejekiel 11:1 - Sră Goh 2018

¹ Gen Hwềng yò tơngguh añ mơ cèng añ tus di mpồng dờng đah mattơngai lik hìu Yàng Jehôwa dê, wèt hơ đah mattơngai lik.Tềng hơ̆, di gùng mut tòm mpồng dờng gơs bàr jơt pram nă cau klau; digùl bol khai, añ gŏ gơs Jaajania kòn klau Ajur, mơ Phelatia kòn klau Benayah, la ală cau kwang at bồ làng bol.

Ejekiel 11:1 ပူးပေါင်းရင်းမြစ်များ

I Ală Bơtau 18:12

Tòm tŭ añ lòt bơh di ồng, rơp gơs hwềng Yàng Jehôwa dê cèng ồng lòt tiah lơi añ ò git; behơ̆, tòm tŭ añ tus yal Ahap in, mơ khai ò gŏ ồng, khai rơp tơnchơt añ. Bulah, añ la dĭ gơna ồng dê duh rngòt di Yàng Jehôwa bơh tŭ gam pơnu.

II Ală Bơtau 2:16

Mơ đơs mơ khai lah: “Tềng do, bol he gơs pram jơt nă cau pràn kơldang digùl ală cau duh broă ồng dê; dan lòi bol khai in lòt jòi cau tòm ồng dê; digơlan Hwềng Yàng Jehôwa dê cèng khai guh, mơ sơrbì khai hơđang mơnơm lơi hala tòm thòng lơi sơl?” Elise ho: “Ò di, bañ sồr bol khai lòt.”

II Ală Bơtau 25:23

Tŭ ală kwang ling mơ ală cau ling bol khai dê kơno lah, bơtau Babilôn neh bơtào Gedalia lơh gơs kwang dờng gen bol khai lòt tus hơ Gedalia tòm Mispa. Sơnđan bol khai la Ismael, kòn klau Nethania, Jôhanan, kòn klau Kareah, Seraya, kòn klau Tanhumet cau Netôphat, mơ Jaajania, kòn klau cau Maakat.

Esai 1:10

Iat tĕ jơnau Yàng Jehôwa dê; Ơ bol mê la ală cau kwang Sôdôm dê; Iat tĕ jơnau bơto sồr Yàng Tom Trồ bol he dê; Ơ làng bol Gômôrơ dê!

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Ejekiel 10:19

Ală ceruƀim pò pơnđar bol gơ dê mơ guh bơh ù tiah di đap mat añ, mơ bol gơ lòt gen ală kong rơndeh kung lòt bal sơl. Bol gơ ơm dơh wơl di gùng mut tòm mpồng đah mattơngai lik hìu Yàng Jehôwa dê, mơ bơta gơklŏ Yàng Tom Trồ Israel dê ơm hơđang bol gơ.

Ejekiel 10:22

Rùp să bol gơ kung be ală muh mat mơ añ neh gŏ di gah hiòng Kebar, kòp nơm bol gơ lòt song hơđap.

Ejekiel 11:13

Gen, jat be añ neh đơs hwơr, Phelatia, kòn klau Benayah, chơt. Gen añ bic blup mat tòm ù mơ driau dờng lah: “Ơ hơh! Ơ Jehôwa Yàng Tom Trồ, Kơnràñ rơp tơnroh jơh làng bol gam wơl Israel dê, sơl ơ?”

Ejekiel 11:24

Hwềng yò tơngguh añ tòm bơta gơtơnggŏ mơ Hwềng Yàng Tom Trồ cèng añ tus hơ Kalde, tus hơ ală cau kong kup cèng. Gen bơta gơtơnggŏ mơ añ neh gŏ lik bơh di añ.

Ejekiel 22:27

Ală kwang at bồ bol khai dê la kung be so rhao kap crè phan kup geh, bol khai lơh gơtuh mhàm mơ tơnchơt làng bol nàng dòp geh cồng nha ò song ring.

Ejekiel 3:12

Tŭ hơ̆ Yàng Hwềng cèng tơngguh añ mơ añ kơno đah ngkòi añ gơs ntas nggồr dờng ngan tòm tŭ bơta gơklŏ Yàng Jehôwa dê gơguh bơh di tiah hơ̆;

Ejekiel 3:14

Chòp Yàng Hwềng cèng añ guh mơ cèng añ tus tiah ndai, mơ añ lòt tòm bơta sràt bơtang mơ tòm bơta gơjrañ mañ tòm hwềng añ, gơs tê Yàng Jehôwa dê ơn hơđang añ pràn kơldang.

Ejekiel 37:1

Tê Yàng Jehôwa dê ơm hơđang añ, mơ Hwềng Yàng Jehôwa dê cèng añ lik, mơ ơn añ digùl dô nơm thòng gơs bềng ală ntìng.

Ejekiel 40:6

Gen khai lòt tus di mpồng pơnggàr đah mattơngai lik. Khai cơnđòa digùl ală kơnă ntùng mơ was ròc mpồng pơnggàr dê; gơ jrô dô gai.

Ejekiel 41:1

Gen cau hơ̆ cèng añ tus hơ tiah sàng goh ngan mơ was ală jrong; đah ơnàng ală jrong dê kòp đah la pe met.

Ejekiel 8:16

Tơnơ̆ mơ hơ̆, Kơnràñ cèng añ mut tòm rơng đah dơlam hìu Yàng Jehôwa dê; mơ tềng hơ̆, di di gùng mut tòm hìu duh khoai Yàng Jehôwa, digùl mpồng rơng mơ cơnòng duh khoai, añ gŏ gơs pơgap bàr jơt pram nă cau klau. Bol khai wèt ngkòi hơ đah hìu duh khoai Yàng Jehôwa mơ wèt mat hơ đah mattơngai lik, bol khai cùn khoai mattơngai đah mattơngai lik.

Ejekiel 8:3

Cau hơ̆ pò tơlik gơlơh kung be dô nơm tê mơ sơmbat kup di sŏ hơđang bồ añ. Hwềng yò tơngguh añ digùl trồ mơ tiah, mơ cèng añ tòm bơta gơtơnggŏ Yàng Tom Trồ dê hơ Jerusalem, di gùng mut tòm mpồng dờng đah đang la tiah bơtào rùp ràk bơta ƀoah pơrñat, la bơta gơchồl bơta ƀoah pơrñat dê.

Sră Ôse 5:10

Ală cau kwang at bồ Juda dê gơlik gơs be ală cau ntròn lŭ nhàr ù; Añ rơp tuh bơta gơjrañ dờng Añ jê hơđang bol khai kung be tuh dà.

Broă 8:39

Tòm tŭ bol khai guh bơh dà, gen Hwềng Yàng dê cèng Philip lòt thit; cau kwang kơndời hơ̆ ò gŏ tai khai, mơ kư̆ hòn chò lòt gùng.

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah: