Đơs Crih 83:4 - Sră Goh 2018

⁴ Bol khai đơs lah: “Tus tĕ tơnroh bol khai bơh di ală làng bol, Tồ sơnđan Israel ò gam geh cau kah tai.”

Đơs Crih 83:4 ပူးပေါင်းရင်းမြစ်များ

Nehemi 4:2

Mơ đơs di đap ală cau lơh gơs dô mpồl bal mơ khai mơ di đap mpồl ling Samari dê lah: “Ñchi ală cau Juda òsô ò soàn hơ̆ ơm lơh taih? Bol khai rơp bơt wơl ală bơta sơl ơ? Bol khai rơp ơn phan duh khoai ơ? Bol khai rơp lơh sir tòm dô ngai ơ? Bol khai rơp ai ală lŭ gam wơl tòm gơnru thul ơmul hơ̆ mơ ai dô nơm lŭ neh ồs sa hơ̆ nàng lơh ơ?”

Đơs Crih 74:8

Bol khai đơs tòm nùs lah: “Bol he rơp kup bol khai dòn duh jơh.” Bol khai neh chu jơh ală tiah pơjum Yàng Tom Trồ dê tòm lơgar.

Lik Ejiptơ 1:10

Heh! Bol he pal gơwèt mơ bol khai dô bă jak chài, dilah ò gen bol khai rơp gơbơtơl oă rlau tai, mơ dilah gơs bơta tòmlơh gơ tus, bol khai rơp lơh gơs dô bă bal mơ ală cau sò tơm bol he dê, tòmlơh wơl mơ bol he mơ lik klàs bơh di lơgar.”

Jơnau Pơnđik 1:12

Bol he rơp sa loan ris bol khai kung be lơgar làng ƀồc, Sa loan jơh hir kung be cau mù tòm tiah brong jrô.

Jeremi 11:19

Ai añ, kung be belàt kòn lơbơn niam Kong tề tus hơ tiah tơnchơt, Mơ añ ò git bol khai bơtào kai tòmdră mơ añ, mơ lah: “Bol he tơnroh tĕ chi bal mơ plai, Bol he pơndut tĕ khai bơh lơgar cau kis, Tồ sơnđan khai rơp ò gam kah tai.”

Jeremi 31:36

“Dilah gơnoar sồr hơ̆ Roh thit di đap Añ, Gen tŭ hơ̆ jơi bơtiàn Israel rơp ò gam la dô nơm lơgar ơm sùm di đap Añ tai.” Yàng Jehôwa đơs behơ̆.

Jeremi 48:2

Bơta tiơng pơnro Môap dê ò gam tai, Tòm Hesbôn, cau jòi kai lơh iơh gơ mơ đơs lah: ‘Tus tĕ, tơnroh Môap, nàng gơ ò geh kòp la dô nơm lơgar tai!’ Ơ Metmen, mê kung rơp gơlik gơs kloat; Đào rơp ting jat mê.

Ejekiel 38:10

Jehôwa Yàng Tom Trồ đơs be do: “Tòm ngai hơ̆, gơs ală bơta kơlôi sơnơng tus tòm dơngoh mê, mơ mê rơp bơtào lơh nền dô nơm kai gơrmơ̆i iơh rmơh.

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.

Broă 4:17

Mơya bol he ai tĕ jơnau pơhìn bơkơŭ bol khai bañ ai tai sơnđan Yàng Jesu mơ bơto sồr cau lơi in, tồ geh klàs gơpơnro broă do tòm làng bol tai.”

Jôsue 9:2

bol khai pơjum bal nàng tòmlơh mơ Jôsue mơ Israel.