Đơs Crih 82:3 - Sră Goh 2018

³ Gơwèt song ring tĕ di cau lơbơn lơño mơ cau kòn đòi; Cahrña tĕ dô bă song cau bòl glar in mơ cau dồn sa.

Đơs Crih 82:3 ပူးပေါင်းရင်းမြစ်များ

Sră Jop 29:12

Tài bơh añ dong cau rƀah lơòi tòm tŭ bol khai dan, Mơ cau kòn đòi ò gơs cau lơi dong kòl.

Sră Jop 31:21

Dilah añ neh pò tê tòmdră mơ cau kòn đòi, tài bơh añ neh gŏ añ geh dòp mpồng ƀòn;

Đơs Crih 10:18

Nàng cahrña dô bă song ngan broă cau kòn đòi dê, mơ cau gơkòl rồn bơklơn, Tồ kòn mơnus in, la cau neh bơh ù mơ lik, gen ò rgơi lơh cau in rngòt rngơt tai.

Lik Ejiptơ 23:3

mơ bañ sền òsơp dô nă cau rƀah tòm bơta yă wơn khai dê.

Lik Ejiptơ 23:6

Bañ lơh rkwet rkwe bơta song ring cau rƀah lơòi bol mê dê tòm bơta yă wơn bol khai dê.

Jơnau Pơnđik 31:9

Pò tĕ bơr kòn cahrña dô bă song ring, mơ cahrña cau moat jrùng mơ cau rƀah lơòi in.

Esai 1:17

Bơtê lơh tĕ bơta di ngan! Jòi jat tĕ bơta song ring, dong tă cau kong rồn bơklơn, dong tò tĕ ală kòn đòi, bơsong tĕ jơnau cau yă bơklơn cau ùr bơnrau.”

Esai 1:23

Ală cau kwang at bồ ai dê la cau pơrlơ̆ dră, lơh yô mơ cau ntung kơñau, jơh tơl nă bol khai hàm kòñ phan sa loă, mơ jòi ală phan ai gòi. Bol khai ò dong tò cau kòn đòi, ò pơnring bơta cau yă cau ùr bơnrau.

Jeremi 21:12

Ơ hìu Dabit! Yàng Jehôwa đơs be do: Tŭ àng drim lơh tĕ bơta song ring. Dong tă cau kòl kup bơklơn lik klàs bơh tê cau rồn bơklơn, Rngòt bơh bol mê lơh bơta iơh bơsak, Mơ bơta gơjrañ dờng Añ jê hìt be ồs, ò gơs cau lơi rgơi đơp chơt gơ.’

Jeremi 22:16

Khai neh cahrña song cau rƀah mơ cau siơ̆u siar in, Gen tàng gơlik niam khai in. Yàng Jehôwa đơs: ‘Behơ̆ ngan ò di la neh git Añ ò ơ?

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Jeremi 5:28

Bol khai lơmă mơ gơlik dờng. Bol khai git ò gơs lơh nền nhàr bơta iơh bol khai dê. Bol khai ò cahrña song ring gơrê mơ kòn đòi, nàng geh kwơ! Bol khai ò dong tò bơta song ring ală cau siơ̆u siar in.”

Sacari 7:9

“Yàng Jehôwa Gơnap Gơnoar Dờng Làm Jơh đơs be do: ‘Lơh jat tĕ bơta song ring ngan, gơwèt tĕ bal mơ gơp tòm bơta nđàc sơngit mơ bơta kòñ gơboh kơ̆ dơn.

Yal Wơl 10:18

Kơnràñ dong tò ală cau kòn đòi mơ ală cau ùr bơnrau, kòñ gơboh làng bol bơdìh, ai khai in phan sa mơ ào soh.

Yal Wơl 24:17

Bañ gơwèt ò song ring mơ cau làng bơdìh hala cau kòn đòi, hala ai ào jrùh cau ùr bơnrau dê nàng lơh gơs phan cơng tàng.

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.