Gen Eli tus rềp làng bol mơ đơs lah: “Bol mê lòt bàr đah jơl tus di tŭ lơi taih? Dilah Yàng Jehôwa la Yàng Tom Trồ, gen jat tĕ Kơnràñ; dilah Baal gen jat tĕ gơ.” Mơya làng bol ò ho dô jơnau lơi.
Tŭ do, duh rngòt tĕ di Yàng Jehôwa mơ kơrhia tĕ tòm bơta cahrña, bơh Jehôwa Yàng Tom Trồ bol he dê ò dòp bơta ò song ring hala bơta ò ring bal hala cau dòp phan sa loă.”
Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?
Ală bol mê brồ tơm sùm di dô nă cau jơl tus di tŭ lơi taih? Jơh ală bol mê rơp tơnchơt bol khai, kung be dô nơm dơrñang neh sơrling, mơ dô nơm pơnggàr rơp gơplơ̆.
Gen Arôn mơ Môise lòt tus hơ Pharaôn mơ đơs lah: “Yàng Jehôwa la Yàng Tom Trồ làng bol Hebrơ dê neh đơs be do: ‘Mê ò tơnliah să di đap Añ jơl tus di tŭ lơi taih? Lòi tĕ làng bol Añ jê lik lòt nàng bol khai duh khoai Añ.
Jehôwa Yàng Tom Trồ đơs be do: ‘Tơl rau, Ơ ală cau bơtau Israel dê! Sang tĕ bơta jàñ bơsak mơ bơta rồn bơklơn ngài bơh làng bol Añ jê mơ lơh tĕ bơta song ring mơ di ngan. Dơh tĕ, bañ bơtrơh tơlik tai làng bol Añ jê, Jehôwa Yàng Tom Trồ đơs behơ̆.’”
Ai ală cau neh geh sền be la dờng màng (lài òr bol khai la cau be lơi, gen ò gơs bơta lơi gơwèt mơ añ: Yàng Tom Trồ ò di sền òsơp di cau lơi), añ đơs ngan, ală cau dờng màng hơ̆ kung ò dong bơtơl añ in dô êt bơta lơi.