Đơs Crih 8:3 - Sră Goh 2018

³ Tŭ añ tơnggòr sền ală tap trồ la broă bơh ràs tê Kơnràñ lơh, Kơnhai mơ ală sơmañ mơ Yàng neh rơndap nền,

Đơs Crih 8:3 ပူးပေါင်းရင်းမြစ်များ

Sơnròp Gơlik Gơs 1:1

Bơh sơnròp Yàng Tom Trồ crơng gơs ală trồ mơ tiah.

Sră Jop 22:12

Yàng Tom Trồ ò di ơm tòm ală tiah jơnhoa hơđang trồ ò ơ? Sền gŏ ală sơmañ jơnhoa rlau jơh, bol gơ jơnhoa rlau jơh!

Sră Jop 25:3

Ñcau rgơi kòp khà mpồl ling Kơnràñ dê taih? Hơđang ñcau mơ bơta àng Kơnràñ dê ò pơnđàng sòl taih?

Sră Jop 25:5

Tian gơs dilah mat kơnhai kung ò àng gơcrà, Mơ ală sơmañ kung ò sàng goh di đap Kơnràñ;

Sră Jop 36:24

Kah tĕ jòng ro ală broă Kơnràñ dê, Mơ bơh bơta hơ̆ kòn mơnus neh đơs chò.

Đơs Crih 104:19

Kơnràñ neh lơh gơs mat kơnhai nàng sơnio kơnhai sơnam, Mattơngai gơ git tŭ gơñơp.

Đơs Crih 111:2

Ală broă Yàng Jehôwa dê la dờng ngan, Bơtê jat tĕ bơh jơh ală cau kòñ gơboh bơta hơ̆.

Đơs Crih 148:3

Ơ mattơngai mơ kơnhai, jòng ro tĕ Kơnràñ! Ơ jơh ală sơmañ àng gơcrà, jòng ro tĕ!

Đơs Crih 19:1

Ală tap trồ yal tơlik bơta gơklŏ Yàng Tom Trồ dê, Bơta dờng ơnàng pah gòi dê ràng tơlik broă tê Kơnràñ lơh.

Đơs Crih 33:6

Ală tap trồ neh geh lơh gơs bơh jơnau Yàng Jehôwa dê, Jơh ală mpồl ling hơđang trồ neh geh lơh gơs bơh nhơm khồm bơh bơr Kơnràñ dê.

Đơs Crih 89:11

Ală tap trồ gơrê mơ Kơnràñ, plai ù kung gơrê mơ Kơnràñ; Yàng neh bơtào gơs dunnia mơ jơh ală phan tòm gơ.

Lik Ejiptơ 31:18

Tòm tŭ Yàng Jehôwa neh sir đơs mơ Môise hơđang mơnơm Sinai rau, Kơnràñ ai khai in bàr nơm mpàn bơta Cơng Tàng, la ală mpàn lŭ neh gơs jơnau cih bơh ràs tê Yàng Tom Trồ dê.

Lik Ejiptơ 8:19

Ală cau juh proh đơs mơ Pharaôn lah: “Hơ̆ la ràs tê Yàng Tom Trồ dê.” Mơya nùs Pharaôn neh kră kơldang, khai ò iat jơnau Môise mơ Arôn dê, tòm toh be jơnau Yàng Jehôwa neh đơs.

Luka 11:20

Mơya dilah Añ kơnòm di ràs tê Yàng Tom Trồ dê nàng bơtrơh cà, gen lơgar Yàng Tom Trồ neh tus hơ bol mê rau.

Rôma 1:20

Ală bơta bơh Yàng Tom Trồ mơ mat òs ò rgơi gŏ, hơ̆ la gơnap gơnoar gam sùm sùm mơ nùs Yàng Kơnràñ dê, bơh dê tŭ crơng gơs trồ tiah kòn mơnus neh đal git loh làng ngan, tòm tŭ sền sơwì ală phan neh geh crơng gơs Kơnràñ dê, gen tàng bol khai ò rgơi tò să he.

Yal Wơl 4:19

Mơ tòm tŭ bol mê tơnggòr sền hơđang trồ mơ gŏ mattơngai, mat kơnhai mơ ală sơmañ, jơh ală gơnap gơnoar hơđang trồ, gen bañ gơkòl ơniai mơ kun bồ duh khoai ală phan mơ Jehôwa Yàng Tom Trồ bol mê dê neh tòmpà jơh ală làng bol in ơm hơđang ù.