Đơs Crih 74:3 - Sră Goh 2018

³ Dan Kơnràñ cơnđòa song tus di tiah tơrlah tơrling sùm sùm; Cau sò tơm neh tơnroh jơh ală phan tòm tiah sàng goh.

Đơs Crih 74:3 ပူးပေါင်းရင်းမြစ်များ

II Ală Bơtau 25:9

Khai chu hìu duh khoai Yàng Jehôwa, gơlang bơtau dê, mơ ală hìu tòm ƀòn dờng Jerusalem; chu pơrguc jơh ală hìu dờng.

Nehemi 1:3

Bol khai yal mơ añ lah: “Ală cau hơ̆ gam wơl tòm ƀòn dờng neh klàs bơh bơta kup cèng, gen bol khai kòl bơta bòl glar kalke dờng ngan mơ bơta ƀàssìl; mơ dơrñang Jerusalem dê neh tơrlah jơh mơ ală mpồng gơ neh kong tơnroh bơh ồs.”

Nehemi 2:13

Añ neh lik lòt tòm trồ mang bơh Mpồng Thòng, lòt gan Croh Dà Nagrài mơ tus hơ Mpồng È. Mơ añ sơwì sền ală dơrñang Jerusalem dê tơrlah mơ mpồng ƀòn neh ồs sa tơnroh.

Nehemi 2:3

Gen añ đơs mơ bơtau lah: Dan bơtau in kis sùm sùm! Mbe rgơi muh mat añ ò moat jrùng, tòm tŭ ƀòn dờng la tiah gơs bơtô ƀồc ồng pàng añ ơm srau gòi mơ ală mpồng gơ dê neh kòl tơnroh bơh ồs taih?

Đơs Crih 44:23

Ơ Yàng, dan guh! Ñchi bơh tài Kơnràñ bic taih? Dan kah! Bañ sang lòi bol hi sùm sùm!

Đơs Crih 44:26

Dan Yàng guh mơ dong kòl bol hi! Dan Yàng ai nùs kòñ gơboh kơ̆ dơn Kơnràñ dê mơ dong tă bol hi.

Đơs Crih 79:1

Ơ Yàng Tom Trồ, ală làng bol bơdìh neh mut tòm sre brê Yàng dê, Lơh ƀơ̆ ƀơl Hìu Duh Khoai Sàng Goh Yàng dê, Mơ lòi Jerusalem in gơlik gơs lề lac.

Esai 10:6

Añ sồr khai lòt tòmdră mơ dô nơm làng bol ò duh rngòt, Añ sồr khai tus tòmlơh mơ dô nơm làng bol mơ Añ gơhào gơjrañ, nàng phà kup mơ tòmpìt ai phan mơna, mơ jă trơm bol khai kung be bŏ tòm ală gùng.

Esai 25:10

Tê Yàng Jehôwa rơp ơn hơđang mơnơm do; Cau Môap rơp kong Kơnràñ jă trơm lề lac tòm tiah bol khai dê, kung be rhe kong jă lề tòm trồm ơn phan pơnđồm ù.

Esai 61:4

Bol khai rơp bơt wơl ală tiah tơrlah tơrlơm yau òr, mơ bơtào wơl ală tiah gơkòl tơnroh jŏ jòng rau; bol khai rơp bơtào wơl ală ƀòn dờng neh tơrlah tơrlơm gơkòl tơnroh bơh oă rài rau.

Jeremi 52:13

Khai chu hìu Yàng Jehôwa, gơlang bơtau, mơ jơh ală hìu ơm tòm Jerusalem. Ală hìu dờng cau màng ryŭ dê khai chu jơh.

Ñìm Rac 1:10

Cau sò tơm neh pò tê bol khai dê hơđang ală phan kas màng khai dê; tian gơs khai neh gŏ ală làng bol phà tơnroh tiah sàng goh khai dê. La làng bol Kơnràñ neh bơkơ̆u ò geh mut tòm mpồl jơnum Kơnràñ dê.

Daniel 11:31

Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Daniel 9:17

Gen tàng tŭ do, ơ Yàng Tom Trồ bol hi dê, dan iat jơnau hòi dan rac ròc cau duh broă Kơnràñ dê. Tài bơh să tòm Yàng, dan nđàc sơngit wèt sền tiah sàng goh Kơnràñ dê neh kòl sang lòi ngềt ngơt.

Daniel 9:27

Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Mice 1:3

Sền ne! Yàng Jehôwa lòt tus bơh di tiah ơm Kơnràñ dê; Kơnràñ rơp mù mơ jă hơđang ală tiah jơnhoa plai ù dê.

Mice 3:12

Gen tàng, tài bơh bol mê Siôn rơp kong troă kung be ƀlàng sre; Jerusalem rơp gơlik gơs dô gơnru lề lac, mơ mơnơm hìu duh khoai dê rơp gơlik brê dơr.

Jơnau Niam Jat Mak 11:17

Lồc behơ̆ Kơnràñ bơto sồr lah: “Neh gơs jơnau cih lah: ‘Hìu Añ pal sơnđan la hìu hòi dan jơh ală làng bol in,’? Mơya bol mê neh lơh hìu hơ̆ in gơs trồm ală cau ntung kơñau dê.”

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Jôsue 10:24

Tòm tŭ cau lam pram nă bơtau hơ̆ tus hơ Jôsue, gen Jôsue hòi pơjum jơh ală cau Israel mơ đơs mơ ală cau kwang at bồ ling neh lòt bal mơ khai lah: “Tus tĕ hơ do mơ jă jơng bol mê dê di ngko ală cau bơtau do.” Gen bol khai tus hơđap mơ jă jơng di ngko ală cau bơtau hơ̆.

Yal Tơlik 11:2

Mơya ƀlàng jơng gùng hìu duh khoai gen lòi tĕ bañ was, bơh tiah hơ̆ neh lòi ală làng bol bơdìh in; bol khai rơp jă ƀòn dờng sàng goh tòm poan jơt bàr kơnhai.