Đơs Crih 74:2 - Sră Goh 2018

² Dan kah mpồl jơnum Kơnràñ dê mơ Kơnràñ neh bàn bơh yau, Mơ neh tơwài wơl nàng lơh gơs phan jơtài Kơnràñ dê; Kung dan kah mơnơm Siôn la tiah Kơnràñ neh tus ơm.

Đơs Crih 74:2 ပူးပေါင်းရင်းမြစ်များ

Đơs Crih 106:40

Tài bơh hơ̆ bơta gơjrañ dờng Yàng Jehôwa dê gơhào khuh mơ làng bol Kơnràñ dê, Kơnràñ cù kìr di bol khai la sre brê Kơnràñ dê.

Đơs Crih 135:4

Bơh Yàng Jehôwa neh sac rwah Jakôp Kơnràñ in, Sac rwah làng bol Israel lơh gơs sre brê Kơnràñ dê.

Đơs Crih 33:12

Lơgar lơi gơs Yàng Jehôwa lơh gơs Yàng Tom Trồ he, Làng bol lơi geh Kơnràñ sac rwah lơh gơs phan jơtài Kơnràñ dê, gen geh lơngai ngan!

Đơs Crih 68:16

Ơ mơnơm gơs oă bồ, ñchi bơh tài mê sền ƀoah di mơnơm mơ Yàng Tom Trồ neh sac rwah lơh gơs tiah ơm Kơnràñ dê taih? Yàng Jehôwa rơp ơm tềng hơ̆ gam sùm sùm.

Đơs Crih 77:15

Kơnràñ ngui tơwòr tê Kơnràñ mơ tơwài làng bol Kơnràñ dê, Hơ̆ la ală kòn sau Jakôp mơ Jôsep dê. Selah

Đơs Crih 9:11

Đơs chò jòng ro tĕ Yàng Jehôwa la Bơtau ơm tòm Siôn! Yal tơlik tĕ digùl ală làng bol ală broă Kơnràñ dê.

Đơs Crih 9:12

Bơh Bơtau sal wơl mhàm kah tus di ală cau bòl glar, Kơnràñ ò hŭi jơnau hòi dan rac ròc bol khai dê.

Đơs Crih 94:14

Bơh Yàng Jehôwa rơp ò sang lòi làng bol Kơnràñ dê, Kung ò sang sre brê Kơnràñ dê sơl.

Lik Ejiptơ 15:13

Tòm bơta kòñ gơboh kơ̆ dơn Kơnràñ dê, Kơnràñ tề lam làng bol Yàng neh tơwài. Tòm bơta pràn kơldang Kơnràñ dê, Kơnràñ rơp tề lam bol khai tus hơ tiah ơm sàng goh Kơnràñ dê.

Lik Ejiptơ 15:16

Bơta rngòt rngơt rơp dùh hơđang bol khai. Ơ Yàng Jehôwa! Bơh gơnap gơnoar tơwòr tê Kơnràñ dê, bol khai rơp ơm mŏ mŏ kung be lŭ, jơl tus di tŭ lơi làng bol Kơnràñ dê lòt gan, jơl tus di tŭ làng bol Kơnràñ neh tơwài lòt gan.

Esai 51:11

Behơ̆ làng bol Yàng Jehôwa neh tơwài rơp rê wơl mơ lòt tus hơ Siôn bal mơ bơta đơs chò; bơta hòn chò gam sùm sùm rơp geh tơndau hơđang bồ bol khai. Bol khai rơp dòp geh bơta hòn chò mơ chò hòp, bơta moat jrùng mơ bơta pơt wòl rơp dô ngài.

Esai 62:12

Bol khai rơp geh sơnđan la “Làng bol Sàng Goh,” la “Ală Cau geh Dong Tơwài Yàng Jehôwa dê”; mơ ai rơp geh sơnđan la “Ƀòn Dờng Cau Jòi Bàn la Dô nơm Ƀòn Dờng Ò Kòl Sang Lòi tai.”

Esai 62:6

Ơ Jerusalem, Añ neh ơn ală cau ling kơp gàr hơđang ală dơrñang ai dê, mang mơ ngai bol khai rơp ò tŭ lơi ơm mŏ mŏ. Ai la cau tơngkah Yàng Jehôwa, bañ ơm rlô.

Esai 63:17

Ơ Yàng Jehôwa, ñchi bơh tài Kơnràñ lòi bol hi lòt tìs nrah ngài bơh di gùng Kơnràñ dê, mơ lơh kơldang nùs bol hi dê tian gơs bol hi ò ki ngàm di Kơnràñ taih? Dan Yàng rê wơl, tài bơh ală cau duh broă Kơnràñ dê, tài bơh ală jơi bơtiàn la phan jơtài Kơnràñ dê.

Esai 63:9

Tòm jơh ală bơta bòl glar bol khai dê, ò gơs cau kong sồr hala cau gơnrơh, mơya bơta gơs mat Kơnràñ dê neh dong klàs bol khai. Tòm bơta kòñ gơboh mơ kòñ nđàc Kơnràñ dê, Kơnràñ neh dong tơwài bol khai; Kơnràñ neh yò tơngguh bol khai mơ kơnđơt kơnđu bol khai tòm jơh ală ngai yau òr.

Jeremi 10:16

Ò di be Yàng Jehôwa la pơnah sre brê Jakôp dê, Tài bơh Kơnràñ neh crơng gơs jơh ală phan, mơ Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Gơnap Gơnoar.”

Jeremi 51:19

Mơya sre brê Jakôp dê gen ò di be bol khai, Bơh să tòm Kơnràñ la Bơtau neh crơng gơs ală phan, Ai Israel la jơi bơtiàn sre brê Kơnràñ dê. Sơnđan Kơnràñ la Yàng Jehôwa Mpồl Ling.”

Broă 20:28

Oh mi kơrmap gàr tĕ să he bal mơ mpồl belàt mơ Yàng Hwềng Goh neh bơtào oh mi lơh gơs cau sền gàr, nàng ê gàr Hìu Jum Goh Yàng Tom Trồ dê mơ Kơnràñ neh rwat mơ mhàm Kòn Kơnràñ dê.

Yal Wơl 32:9

Bơh pơnah gơrê bal mơ Yàng Jehôwa la làng bol Kơnràñ dê. Jakôp la sre brê neh tă khà ai Kơnràñ in.

Yal Wơl 4:20

Mơya đah pơnah mơ bol mê gen Yàng Jehôwa neh tă tơlik bol mê bơh di bơnhă ồs gơm lề lòs, lik bơh di Ejiptơ nàng gơs dô nơm làng bol gơrê is mơ Kơnràñ kung be neh gơs tòm ngai do.

Yal Wơl 9:26

Añ hòi dan mơ Yàng Jehôwa mơ đơs lah: Ơ Yàng Jehôwa At Bồ Hơđang Rlau Jơh, dan bañ tơnroh làng bol Kơnràñ dê la sre brê Kơnràñ dê mơ Kơnràñ neh tơwài bơh gơnap gơnoar dờng Kơnràñ dê mơ cèng bơh di Ejiptơ kơnòm di tê gơnoar pràn Kơnràñ dê.

Yal Wơl 9:29

Mơya bol khai la làng bol Kơnràñ dê, la sre brê Kơnràñ dê mơ Kơnràñ neh ngui gơnap gơnoar dờng, tơwòr tê pò dờng Kơnràñ dê mơ cèng bol khai lik bơh hơ̆.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,