Đơs Crih 72:3 - Sră Goh 2018

³ Lòi ală mơnơm mơ ală mơnơm dềt Cèng bơta pas gơs lơngap lơngai làng bol in tòm bơta song ring.

Đơs Crih 72:3 ပူးပေါင်းရင်းမြစ်များ

Đơs Crih 65:12

Ală ƀlàng ñhơt tòm tiah ngềt ngơt gơlik tơlir niam, Mơ ală mơnơm dềt mpong jơnau driau chò hòp.

Đơs Crih 72:16

Dan ai kòi mbo geh tơngkah tơngkañ tòm lơgar tus di hơđang ală bồ mơnơm, Gơs plai đo oă be Liban; Dan lòi cau ơm tòm ală ƀòn dờng gơlik gơs oă be ñhơt tòm ƀlàng.

Esai 45:8

Ơ ală tap trồ hơđang đùh tĕ dà tŭ, mơ lòi tĕ ală tap trồ đùh mìu bơta song ring. Lòi tĕ plai ù gơ pò, nàng hòn cat bơta dong klàs, lòi tĕ bơta song ring kung hòn cat. Añ la Yàng Jehôwa neh crơng gơs gơ.”

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Esai 60:17

Añ rơp ai màh mê in ala kòng, ai priă ala lòs, Añ rơp cèng mê in kòng ala chi, lòs ala lŭ. Añ rơp ai bơta lơngap lơngai be cau sền gàr mê dê, mơ bơta song ring be cau at bồ ală cau lơh broă mê dê.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Jôel 3:18

Tòm ngai hơ̆, ală mơnơm rơp gơhòr tơrnòm lơngồt, mơ ală dòr rơp gơcat dà toh; jơh ală croh Juda dê rơp gơhòr dà. Dô nơm croh dà rơp hòr lik bơh di hìu Yàng Jehôwa dê mơ tuh làm tòm Thòng Sitim.