Đơs Crih 72:2 - Sră Goh 2018

² Dan ai khai in cahrña làng bol Kơnràñ dê dô bă song ring, Cahrña cau rƀah lơòi Kơnràñ dê dô bă song ngan.

Đơs Crih 72:2 ပူးပေါင်းရင်းမြစ်များ

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

I Ală Bơtau 10:9

Pal jòng ro Jehôwa Yàng Tom Trồ bơtau dê, bơh Kơnràñ niam nùs bơtào bơtau hơđang sơbàn Israel dê! Tài bơh Yàng Jehôwa kòñ gơboh Israel sùm sùm, gen Kơnràñ neh bơtào bơtau lơh gơs bơtau at bồ jat bơta song ngan mơ song ring.”

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

Sră Jop 34:19

Hơ̆ ò di Kơnràñ la Bơtau ò sền òsơp dê ală cau màng ryŭ, Ò sền cau pas gơs dờng màng rlau mơ cau rƀah, Bơh bol khai jơh tơl nă la broă lơh tê Kơnràñ dê ò ơ?

Đơs Crih 12:5

Yàng Jehôwa đơs lah: “Tŭ do Añ rơp guh, Tài bơh cau rƀah gơkòl rồn bơklơn, mơ cau siơ̆u siar pơt wòl; Añ rơp ơn khai tòm tiah ring lơngai, la tiah khai kơp kòñ.”

Jơnau Pơnđik 29:14

Cau lơi jat bơta song ngan mơ cahrña cau rƀah rƀừp, sơbàn rơp geh bơtào kơ̆ sùm sùm.

Esai 32:1

Sền ne, dô nă cau bơtau rơp at bồ tòm bơta song ring, ală cau kwang rơp at bồ mơ bơta song ring.

Esai 32:17

Cồng nha bơta song ring dê la bơta ring lơngai, plai đo bơta song ring dê rơp la ring ngềt mơ dòn kơnòm gam sùm sùm.

Esai 9:7

Gơnoar at bồ mơ bơta ring lơngai Kơnràñ dê kư̆ gơbơtơl sùm ò lồi. Kơnràñ rơp at bồ hơđang sơbàn bơtau Dabit dê, mơ hơđang lơgar Kơnràñ dê, bơt bơtào lơgar bơh bơta song ring mơ song ngan bơh do jơl sùm sùm. Nùs duh hul Yàng Jehôwa Gơnap Gơnoar Dờng dê rơp lơh gơs wil tơl bơta hơ̆.

Jeremi 33:15

Tòm ală ngai hơ̆ mơ tŭ tơngai hơ̆, Añ rơp lơh dô nơm Ntê bơta song ring gơcat Dabit in; Bơtau hơ̆ rơp lơh gơs bơta song ring song ngan tòm lơgar do.

Ejekiel 34:16

‘Añ rơp jòi belàt neh roh, cèng brê wơl belàt neh tìs nrah. Añ rơp pùt belàt neh kong sồt, mơ lơh pràn wơl belàt lơbơn lơño, mơya belàt lơmă mơ pràn añ rơp tơnroh. Añ rơp ròng siam bol gơ mơ bơta song ring.’

Yal Tơlik 19:11

Chòp añ gŏ trồ gơ pò, ne, gơs dô nơm ơseh kò. Bơtau hào hơđang ơseh hơ̆ sơnđan la Bơtau Dòn Song mơ Song Ngan; Kơnràñ cahrña mơ tòmlơh jat bơta song ring.