Đơs Crih 72:1 - Sră Goh 2018

¹ Ơ Yàng Tom Trồ, dan ai bơtau in bơta song ngan Kơnràñ dê, Mơ ai kòn klau bơtau in bơta song ring Yàng dê.

Đơs Crih 72:1 ပူးပေါင်းရင်းမြစ်များ

II Samuel 23:3

Yàng Tom Trồ Israel dê neh đơs, Pơnai Lŭ dờng Israel dê neh đơs mơ añ lah: ‘Tòm tŭ cau lơi at bồ làng bol dô bă song ring, hơ̆ la khai at bồ tòm bơta duh rngòt di Yàng Tom Trồ,

I Ală Bơtau 1:39

Tềng hơ̆ Jadôk cau gơnoar ơn phan duh khoai ai ngke mơñà tòm Sàl Ing Duh Khoai mơ bong Salômôn in. Lồc behơ̆ bol khai uh kơlwòk, mơ jơh làng bol hòi driau dờng lah: “Dan bơtau Salômôn in kis sùm!”

I Ală Bơtau 3:9

Gen tàng dan ai cau duh broă Yàng in dô nơm nùs nhơm jak chài àng loh nàng at bồ làng bol Kơnràñ dê mơ đal git bơta niam mơ bơta iơh; bơh ñcau rgơi at bồ làng bol dờng ngan do Yàng dê taih?”

I Yal Yau 18:14

Dabit at bồ hơđang jơh Israel, lơh bơta song ring mơ song ngan jơh làng bol khai in.

I Yal Yau 22:9

Mơya mê rơp gơs dô nă kòn klau, khai rơp gơs dô nă cau ring lơngai mơ lơngap lơngai, mơ Añ rơp ai khai in bơta rlô lơngap lơngai bơh di jơh ală cau sò tơm khai dê bơh kòp đah. Sơnđan khai rơp la Salômôn, mơ Añ rơp ai Israel in bơta lơngap lơngai mơ ring lơngai tòm rài khai.

I Yal Yau 29:19

Mơ dan ai Salômôn kòn klau añ jê jơh nùs dòn bơr lơh jat ală jơnau gơnoar sồr, ală bơta sồr lam, mơ ală bơta lơh nền Kơnràñ dê, mơ lơh jơh ală bơta nàng bơt bơtào hìu duh khoai, bơh ală phan hơ̆ añ neh rcang sir.”

II Yal Yau 1:10

Tŭ do dan ai Añ in bơta jak chài mơ bơta git wă nàng lik mơ mut di đap làng bol do, bơh ñcau rgơi at bồ làng bol dờng do Kơnràñ dê taih?”

Đơs Crih 127:1

Dilah Yàng Jehôwa ò bơt bơtào hìu, Gen ală cau chài bơt hìu lơh broă bòl glar ò kwơ. Dilah Yàng Jehôwa ò sền gàr ƀòn dờng, Gen cau drơng mang kơp gàr ò kwơ.

Esai 11:2

Hwềng Yàng Jehôwa dê rơp ơm hơđang Kơnràñ, hơ̆ la Hwềng jak chài mơ git jak, Hwềng jak bơyai mơ gơnoar pràn, Hwềng git wă mơ duh rngòt di Yàng Jehôwa.

Jang 3:34

Bơh Bơtau mơ Yàng Tom Trồ neh sồr lòt tus, gen bơto yal jơnau Yàng Tom Trồ dê, bơh Yàng Tom Trồ ai Yàng Hwềng Kơnràñ in ò git jơh.