Đơs Crih 71:3 - Sră Goh 2018

³ Dan să tòm Kơnràñ lơh gơs dô nơm lŭ klềr nàng lơh añ in kìng crŭ, Lơh gơs dô nơm theng kơ̆ cê nàng dong klàs añ, Bơh Kơnràñ la lŭ klềr mơ la theng kơ̆ cê añ jê.

Đơs Crih 71:3 ပူးပေါင်းရင်းမြစ်များ

Đơs Crih 144:2

Kơnràñ la lŭ klềr mơ la tiah kơp gàr añ jê, La theng kơ̆ cê añ jê mơ la Bơtau dong tă añ, la khèl đo añ jê mơ la tiah añ kìng crŭ; Kơnràñ kup ală làng bol dòn duh hơđơm añ.

Đơs Crih 18:2

Yàng Jehôwa la pơnai lŭ añ jê, tiah kìng crŭ añ jê, Bơtau dong tă añ, Yàng Tom Trồ añ, tòm Kơnràñ añ rơp kìng crŭ să añ, la bơta pràn kơldang añ. Kơnràñ kung la khèl añ jê, la gơnoar pràn bơta dong klàs añ jê, mơ la tiah kìng crŭ kơ̆ cê añ jê.

Đơs Crih 18:3

Añ hòi dan mơ Yàng Jehôwa la Bơtau pal jòng ro, Mơ añ geh dong klàs bơh di ală cau sò tơm di añ.

Đơs Crih 42:8

Tòm trồ ngai Yàng Jehôwa ai añ in bơta kòñ gơboh kơ̆ dơn, Mơ tòm trồ mang Yàng ai añ in bơta đơs chò Kơnràñ dê, Hơ̆ la bơta hòi dan mơ Yàng Tom Trồ la Yàng bơta kis añ jê.

Đơs Crih 44:4

Yàng la Bơtau mơ la Yàng Tom Trồ añ jê, La Bơtau neh lơh nền ai Jakôp in geh pha.

Đơs Crih 68:28

Ơ Yàng Tom Trồ, dan ai jơh gơnoar pràn Kơnràñ dê, Dan ràng tơlik bơta pràn kơldang Kơnràñ dê, Ơ Yàng Tom Trồ, la Bơtau neh lơh broă nàng dong bol hi.

Đơs Crih 89:27

Mơ Añ rơp lơh khai in gơlik gơs kòn tơnhoa Añ jê, Gơlik gơs bơtau hơđang rlau jơh mơ ală cau bơtau tòm plai ù.

Đơs Crih 90:1

Khoai Yàng Jehôwa, bơh rài do tus rài ne, Kơnràñ la tiah bol hi neh ơm.

Đơs Crih 91:9

Tài bơh mê neh kìng crŭ să he tòm Yàng Jehôwa, Mơ neh ơm tòm Bơtau Hơđang Rlau Jơh,

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 33:16

Bol khai rơp ơm tòm tiah jơnhoa; tiah kìng crŭ bol khai dê tòm tiah kơp gàr hơđang pơnai lŭ klềr; phan sa bol khai dê rơp geh ai bơtơl, mơ dà hùc bol khai dê rơp ò tŭ lơi siơ̆u.

Ejekiel 9:6

Sreh tơnchơt tĕ ală cau kra, cau pơnu mơ cau ơruh, cau ùr mơ cau kơnòm, mơya bañ ƀư di dô nă cau lơi neh gơs tềl di bìng liang. Rơp sơntòm tĕ bơh di tiah sàng goh añ jê.” Behơ̆ ală cau hơ̆ rơp sơntòm bơh di ală cau kra ơm di đap hìu duh khoai.

Yal Wơl 33:27

Yàng Tom Trồ gam kis sùm sùm la tiah kìng crŭ mê dê, mơ hơđơm tiah hơ̆ gơs ală tơwòr tê gam sùm sùm. Kơnràñ rơp ting bơtrơh cau sò tơm mê dê bơh di đap mê, mơ đơs lah: ‘Tơnroh tĕ khai!’