Đơs Crih 7:9 - Sră Goh 2018

⁹ Dan tơnlồi bơta iơh bơsak cau iơh bơsak dê, mơya lơh kơ̆ cê ală cau song ring in, Bơh Yàng Tom Trồ song ring, la Bơtau sền sơwì nùs nhơm kòn mơnus dê.

Đơs Crih 7:9 ပူးပေါင်းရင်းမြစ်များ

Sơnròp Gơlik Gơs 20:5

Cau hơ̆ ò di neh đơs mơ añ lah: ‘Ne la oh ùr añ jê’ sơl ơ? Mơ ngan cau ùr ò di neh đơs lah: ‘Hơ̆ la bi klau añ’ sơl ơ? Añ neh lơh bơta do mơ nùs song ngan mơ tê sàng goh añ jê.”

I Ală Bơtau 8:32

gen dan Yàng ơm đang trồ iat tĕ, lơh broă mơ cahrña dĭ gơna Yàng in mơ lơh nền glài cau iơh, mơ cèng ală bơta khai neh lơh tuh wơl hơđang bồ khai, mơ sơnđan la song ring cau song ring in, mơ ai phan ƀàn khai in jat bơta song ring khai dê.

I Yal Yau 28:9

Mơ mê, ơ Salômôn kòn klau añ jê, git tĕ Yàng Tom Trồ bèp mê dê, jơh nùs jơh dơngoh kơlôi ơn să duh broă Kơnràñ, bơh Yàng Jehôwa sền sơwì kòp nơm nùs mơ git wă kòp bơta kòñ lơh tòm ală bơta kơlôi sơnơng. Dilah kòn jòi jat Kơnràñ gen kòn rơp bàn Kơnràñ; mơya dilah kòn sang lòi Kơnràñ, Kơnràñ rơp sang lòi kòn sùm sùm.

Đơs Crih 10:15

Dan Yàng dơrpă tê cau iơh bơsak mơ iơh rmơh; ting jat bơta iơh jơl tus di tŭ ò gŏ tai.

Đơs Crih 10:18

Nàng cahrña dô bă song ngan broă cau kòn đòi dê, mơ cau gơkòl rồn bơklơn, Tồ kòn mơnus in, la cau neh bơh ù mơ lik, gen ò rgơi lơh cau in rngòt rngơt tai.

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 139:1

Ơ Yàng Jehôwa, Kơnràñ neh sền sơwì añ mơ git añ!

Đơs Crih 17:3

Dilah Yàng lòng sơwì nùs añ, còp añ tòm trồ mang, Dilah Yàng lòng añ, gen jòi ò bàn bơta iơh bơsak lơi ò; Bơr añ ò tìs glài.

Đơs Crih 18:21

Bơh añ neh lơh jat nùs kòñ Yàng Jehôwa dê, ò lơh iơh bơsak mơ sang lòi Yàng Tom Trồ añ jê.

Đơs Crih 26:2

Ơ Yàng Jehôwa, dong tò mơ lòng añ, Lòng nùs nhơm mơ nùs kơlôi añ jê.

Đơs Crih 35:23

Ơ Yàng Tom Trồ la Yàng añ jê, dan kah rngal, Dan guh nàng lơh bơta song ring añ in mơ dong tò añ!

Đơs Crih 37:23

Yàng Jehôwa tề lam ală cơnđòa cau dê, Mơ Kơnràñ bơtào kơ̆ khai tòm gùng dà niam nùs Kơnràñ.

Đơs Crih 40:2

Kơnràñ kung tă tơngguh añ klàs bơh trồm roh gơprah, lik bơh di bŏ lơnggơr; Kơnràñ ơn jơng añ hơđang pơnai lŭ, Lơh cơnđòa lòt añ in ring lơngai.

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Đơs Crih 58:6

Ơ Yàng Tom Trồ, dan dơrpă sề tòm bơr bol khai; Ơ Yàng Jehôwa, dan tă tơlik gơnèng ală klìu triă brồ dam!

Đơs Crih 9:9

Yàng Jehôwa lơh gơs theng kìng crŭ kơ̆ cê ală cau gơkòl rồn bơklơn in, dô nơm theng kìng crŭ kơ̆ cê tòm ală tŭ bòl glar.

Đơs Crih 96:10

Đơs tĕ digùl ală lơgar lah: “Yàng Jehôwa at bồ! Ngan, dunnia geh bơtào kơ̆, ò gơs tŭ lơi wañ lơnggơh. Kơnràñ rơp cahrña ală làng bol dô bă ring bal.”

Đơs Crih 96:13

di đap Yàng Jehôwa; bơh Kơnràñ lòt tus, bơh Kơnràñ tus nàng cahrña dunnia. Kơnràñ rơp cahrña dunnia mơ bơta song ring, mơ ngui jơnau song nàng cahrña ală làng bol.

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Jeremi 11:20

Khoai Yàng Jehôwa Gơnap Gơnoar! Kơnràñ cahrña dô bă song ring, sền sơwì nùs mơ dơngoh, Añ kòñ gŏ bơta Kơnràñ sal tê di bol khai, Bơh añ neh yal tơlik broă añ mơ Kơnràñ.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 20:12

Mơya, khoai Yàng Jehôwa Gơnap Gơnoar! Kơnràñ lòng cau song ring, Kơnràñ sền gŏ tòm nùs mơ tòm dơngoh, Dan lòi añ in sền gŏ Kơnràñ sal tê di bol khai, bơh añ neh yal broă añ Kơnràñ in.

Daniel 11:45

Khai rơp bơtào ală hìu sàl cau bơtau tòm digùl dàlềng mơ mơnơm sàng goh hàng mơnĕ. Mơya bơta lồi dut khai dê rơp tus, mơ ò gơs cau lơi rơp dong kòl khai.

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Tesalônika 3:13

tồ Kơnràñ lơh nùs oh mi in gơs kơ̆ nền tòm bơta sàng goh, ò gơs tiah geh lah pơrhơng di đap Yàng Tom Trồ la Bèp bol he dê, tòm tŭ Yàng Jesu la Yàng bol he dê tus wơl bal mơ jơh ală cau sàng goh Kơnràñ dê.

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.

Jude 1:1

Jude, dĭ gơna Yàng Jesu Krist dê mơ oh Jakơ dê, pơyoa ală cau neh geh hòi sac in, la cau kòñ gơboh tòm Yàng Tom Trồ la Bèp, mơ geh Yàng Jesu Krist sền gàr;

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

I Samuel 16:7

Mơya Yàng Jehôwa đơs mơ Samuel lah: “Bañ sền di rùp să hala bơta dờng jơnhoa khai dê, tài bơh Añ neh ò dòp khai; bơh Yàng Jehôwa ò sền be kòn mơnus sền. Kòn mơnus sền đah bơdìh, mơya Yàng Jehôwa sền tòm nùs.”

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.