Đơs Crih 7:7 - Sră Goh 2018

⁷ Lòi mpồl jơnum ală làng bol pơjum gùt dar Kơnràñ; Dan Kơnràñ nggui hơđang jòng digùl bol khai.

Đơs Crih 7:7 ပူးပေါင်းရင်းမြစ်များ

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Đơs Crih 35:23

Ơ Yàng Tom Trồ la Yàng añ jê, dan kah rngal, Dan guh nàng lơh bơta song ring añ in mơ dong tò añ!

Đơs Crih 43:1

Ơ Yàng Tom Trồ, dan yal tơlik añ la cau ò gơs glài, Mơ dong tò jơnau gơrềng tus di añ gơwèt mơ làng bol ò duh rngòt; Dan dong tă añ bơh di cau blac pơrlồm mơ ò song ring.

Đơs Crih 48:11

Mơnơm Siôn chò hòp tĕ! Tài bơh ală bơta cahrña Kơnràñ dê, lòi ală kòn ùr Juda hòn chò tĕ!

Đơs Crih 59:5

Ơ Jehôwa Yàng Tom Trồ Mpồl Ling dê, Kơnràñ la Yàng Tom Trồ Israel dê. Dan kah rngal nàng lơh glài jơh ală lơgar; Bañ pơlai dô nă cau lơi bơtào bơyai pơrlơ̆ dră lơh iơh. (Selah)

Đơs Crih 93:4

Ryŭ ryơm rlau mơ ntơr kơnàs, Yàng Jehôwa ơm hơđang rlau jơh mơ gơs gơnap gơnoar ryŭ ryơm, Rlau mơ ntas nggồr dờng oă dà, rlau mơ ală ryà dàlềng dê.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Yal Tơlik 18:20

Ơ trồ, ơ ală cau sàng goh, ală cau gơnoar bơto dờng, mơ ală cau gơnoar hwơr, hòn chò tĕ bơh khai, tài bơh Yàng Tom Trồ neh sal tê di khai bol mê in rau!”

Yal Tơlik 19:2

Bơh ală bơta cahrña Kơnràñ dê la song ngan mơ song ring; Kơnràñ neh lơh nền glài cau ùr dri tơlàr dờng, la cau neh ai bơta rềs àr bơrnàn khai dê nàng lơh ồm lề plai ù, mơ Kơnràñ neh sal tê di khai bơh mhàm ală dĭ gơna Kơnràñ dê.”