Đơs Crih 69:4 - Sră Goh 2018

⁴ Ală cau gơjrañ kơuềng di añ ò bồ; Oă rlau mơ sŏ di bồ añ jê; Bol khai la ală cau kòñ tơnroh añ, ală cau sò tơm di añ yă blac añ. Tŭ do añ pal tơm phan añ ò kơñau sơl ơ?

Đơs Crih 69:4 ပူးပေါင်းရင်းမြစ်များ

Đơs Crih 35:19

Dan bañ ai ală cau tòmsò ò bồ di añ, mơ hòn chò tài bơh añ, Kung bañ ai ală cau gơjrañ kơuềng ò bồ di añ gơs mat sền òsơp di añ.

Đơs Crih 40:12

Bơh neh gơs ò git nđò bơta iơh gơrwàng gùt dar añ; Ală tồi glài iơh bơsak añ jê neh gơtuh hơđang añ, Tian gơs añ ò rgơi sền; Gơ oă rlau mơ sŏ hơđang bồ añ; nùs añ gơnsràng rngòt.

Đơs Crih 59:3

Tian gơs tŭ do bol khai kơp mòc bơta kis añ jê, Ală cau gơnoar pràn chồl bơchồt tòmdră di añ. Ơ Yàng Jehôwa, ò di bơh bơta tìs glài hala tồi glài añ jê,

Đơs Crih 6:7

Mat añ siar roh tài bơh moat jrùng, Gơlơh lu li tài bơh cau sòdră di añ.

Jang 15:25

Hơ̆ tồ gơlik di ngan be jơnau neh cih tòm bơta boh lam bol khai dê lah: ‘Bol khai gơjrañ di Añ la ò bồ.’

II Kôrintô 5:21

Yàng Tom Trồ neh lơh Bơtau ò git tồi glài gơlik gơs tồi glài bơh bol he, tồ ơm tòm Kơnràñ bol he geh gơlik gơs bơta song ring Yàng Tom Trồ dê.

I Pier 2:22

“Kơnràñ ò tìs glài, Tòm bơr Kơnràñ ò gơs bơta lac lèo.”

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.