Đơs Crih 69:3 - Sră Goh 2018

³ Añ bòl glar bơh añ ñìm sùm, rnồng dò añ jê ro rañ, Mat añ lu li tòm tŭ añ ơm kơp gơn Yàng Tom Trồ añ jê.

Đơs Crih 69:3 ပူးပေါင်းရင်းမြစ်များ

Sră Jop 11:20

Mơya gar mat cau iơh bơsak dê rơp gơlik roh gơcoh, bol khai ò gơs gùng lơi nàng dô pleh; Bơta kơp kòñ bol khai dê kung be cau lồi nhơm.”

Sră Jop 16:16

Muh mat añ pơrhê tài bơh ñìm, mơ klam jơngo cik ơm hơđang sơmbir mat añ.

Đơs Crih 119:123

Mat añ lơgah bơh kơp gơn bơta dong klàs Kơnràñ dê, Mơ bơta gơlik gơs di ngan jơnau ho pơgon song ring Kơnràñ dê.

Đơs Crih 119:82

Mat añ siar roh bơh kơp gơn jơnau ho pơgon Yàng dê; Añ lùp lah: “Tŭ lơi Yàng rơp pơndòm pơniang añ taih?”

Đơs Crih 22:15

Bơta pràn kơldang añ jê ro be nsàng glah, Mơ lơmpiat añ gơđềt di dò; Yàng neh tơmbic añ tòm thul ơmul bơta chơt dê.

Đơs Crih 22:2

Ơ Yàng Tom Trồ añ jê, añ hòi dan tòm trồ ngai mơya Kơnràñ ò ho wơl, tòm trồ mang kung behơ̆ sơl, mơya añ ò geh rlô bòl.

Đơs Crih 25:21

Dan bơta song ngan mơ bơta song ring sền gàr añ, Bơh añ kơp gơn Yàng.

Đơs Crih 39:7

Ơ Yàng, tŭ do ñchi añ kơp gơn taih? Añ gơn kơnòm di Kơnràñ.

Đơs Crih 40:3

Kơnràñ ơn di bơr añ dô bơta đơs chò pa, Hơ̆ la bơta jòng ro Yàng Tom Trồ bol hi dê. Oă cau rơp gŏ bơta hơ̆ mơ rngòt, Gen dòn kơnòm di Yàng Jehôwa.

Đơs Crih 6:6

Añ bòl glar tài bơh añ rac ròc; Kòp mang añ ñìm oă ngan hơđang cơnòng bic añ jê, Lơh gơ in sùh mơ dà mat.

Đơs Crih 69:21

Bol khai ai añ in phan bih khih lơh gơs phan sa, Mơ tòm tŭ añ tơhìr, bol khai ai añ in hùc dà sràt.

Đơs Crih 88:7

Bơta gơjrañ dờng Yàng dê klơn kơnjơ̆ hơđang añ, Yàng bồr añ mơ ală ryà dà Yàng dê. (Selah)

Esai 38:14

Añ rơnđơh kung be sềm rgut; añ pơt wòl kung be sềm ntòp. Gar mat añ bòl glar tài bơh sền tơnggòr hơđang.” “Ơ Yàng Jehôwa, añ kong rồn bơklơn; dan Yàng dong tă añ!

Ñìm Rac 2:11

Mat añ siar roh bơh hòr dà mat, klung añ gơ nggồr; Klung klòm añ gơtuh tơlik tòm ù, tài bơh bơta tơnroh làng bol añ jê. Ală cau kơnòm dềt mơ kòn se, bòl glar òsô tòm ală gùng tòm ƀòn dờng.

Jang 19:28

Tơnơ̆ mơ hơ̆ Yàng Jesu git ală broă neh sir rau, tồ jơnau Sră Goh in gơlik di ngan, gen đơs lah: “Añ tơhìr dà.”

Yal Wơl 28:32

Ală kòn klau kòn ùr bol mê dê rơp kong jào phi tòm tê dô nơm làng bol lơgar ndai, mơ gar mat bol mê dê rơp kơrlu kơrli kơp gơn bol khai bơh ngai do tus hơ ngai ne, ò tơl pràn nàng pò dô đah tê.

Hebrơ 5:7

Yàng Jesu Krist tòm tŭ gam kis hơđang ù, neh hòi driau dờng, ñìm rac nàng hòi dan mơ rac dan mơ Yàng Tom Trồ la Bơtau rgơi dong tă Kơnràñ bơh bơta chơt, mơ bơh nùs duh rngòt song ngan Kơnràñ dê, gen geh Yàng Tom Trồ dòp jơnau.