Đơs Crih 69:17 - Sră Goh 2018

¹⁷ Dan Kơnràñ bañ pồn mat di cau duh broă Kơnràñ dê; Dan mhar mhar ho wơl añ, tài bơh añ bòl glar ngan.

Đơs Crih 69:17 ပူးပေါင်းရင်းမြစ်များ

Sră Jop 7:21

Ñchi bơh tài Yàng ò toh ală bơta tìs añ jê, Mơ ò tă ngài ală bơta tồi glài añ jê taih? Bơh tŭ do añ rơp bic tòm ù; Yàng rơp jòi añ, mơya añ rơp ò gam gơs tai.”

Đơs Crih 102:2

Tòm ngai bòl glar añ jê, dan bañ pồn mat Kơnràñ bơh di añ! Dan wèt tồr iat añ; Tòm ngai añ rac dan, dan mhar ho wơl añ in!

Đơs Crih 13:1

Ơ Yàng Jehôwa, jơl tus di tŭ lơi taih? Kơnràñ rơp hŭi añ sùm sùm sơl ơ? Kơnràñ pơndơp mat di añ jơl tus di tŭ lơi taih?

Đơs Crih 143:7

Ơ Yàng Jehôwa, dan mhar ho wơl jơnau añ jê! Hwềng soàn añ gơplơ̆! Dan bañ pồn mat Yàng dê bơh añ, Rngòt añ gơlik gơs be ală cau mù tòm bơtô.

Đơs Crih 143:9

Ơ Yàng Jehôwa, dan dong tă añ klàs bơh cau sò tơm añ jê; Bơh añ neh ntoat tus hơ Yàng nàng kìng crŭ.

Đơs Crih 22:24

Bơh Kơnràñ ò di sền òsơp, ò di sền ngkòr ngkàc di bơta dồn sa cau dồn sa dê. Kơnràñ kung ò pồn mat di khai, Mơya tòm tŭ khai hòi dan mơ Kơnràñ, gen Kơnràñ dòp jơnau.

Đơs Crih 27:9

Dan bañ pồn ndơp mat Yàng bơh di añ. Bañ bơtrơh tơlo cau duh broă Kơnràñ dê tòm tŭ Kơnràñ gơhào gơjrañ, Ơ Yàng la Bơtau neh dong kòl añ. Ơ Yàng Tom Trồ bơta dong klàs añ jê, Dan bañ sang añ mơ bañ lòi añ.

Đơs Crih 40:13

Ơ Yàng Jehôwa, dan niam nùs dong tă añ! Ơ Yàng Jehôwa, dan mhar mhar dong kòl añ!

Đơs Crih 44:24

Ñchi bơh tài Yàng pồn mat taih? Ñchi bơh tài Kơnràñ lơh hŭi bơta bòl glar mơ bơta rồn bơklơn di bol hi taih?

Đơs Crih 66:14

La ală bơta sơndồi añ neh đơs, Mơ bơr añ neh ho tòm tŭ bòl glar.

Đơs Crih 70:1

Ơ Yàng Tom Trồ, dan niam nùs dong tă añ! Ơ Yàng Jehôwa, dan mhar mhar dong kòl añ!

Ñìm Rac 3:22

Bơta kòñ gơboh kơ̆ dơn Yàng Jehôwa ò tŭ lơi gơkòl tơnroh. Bơta kòñ nđàc Kơnràñ dê ò tŭ lơi lồi jơh;

Mathiơ 26:38

Kơnràñ đơs mơ bol khai lah: “Hwềng soàn Añ moat jrùng jơl chơt; ơm tĕ tềng do mơ drơng kơp bal mơ Añ.”

Mathiơ 27:46

Pơgap pe jơ mho, Yàng Jesu hòi dờng jơnau lah: “Eli, Eli, lama sabaktani;” hơ̆ la, “Ơ Yàng Tom Trồ Kòn dê, ơ Yàng Tom Trồ Kòn dê, ñchi bơh tài Kơnràñ sang lòi Kòn?”