Đơs Crih 69:11 - Sră Goh 2018

¹¹ Tòm tŭ añ ai bài sơnò kiat lơh gơs phan soh añ in, Gen añ gơlik gơs jơnau pơnđik bol khai in.

Đơs Crih 69:11 ပူးပေါင်းရင်းမြစ်များ

I Ală Bơtau 9:7

gen Añ rơp tă tơlik Israel bơh di ù tiah Añ neh ai bol khai in, mơ rơp tă tơlik bơh di đap mat Añ hìu mơ Añ neh ơn is sàng goh sơnđan Añ in, mơ Israel rơp gơlik gơs jơnau đơs pơnđik mơ bơta dơñŏ tơnhial digùl jơh ală làng bol.

Sră Jop 17:6

“Yàng lơh añ in gơlik gơs jơnau bơrsèl tơnhial tơl nă cau dê. Lòi bol khai choh dà diau di muh mat añ.

Đơs Crih 109:24

Gơltang añ lơbơn tài bơh añ ơt sa, Să jan añ gơlik rgai.

Esai 20:2

tòm tŭ hơ̆, Yàng Jehôwa kơnòm di Esai, kòn klau Amôs, mơ đơs lah: “Hồ tĕ ƀào sơnò kiat bơh di să mê, mơ gơltau jă bơh di jơng mê.” Esai lơh jat, lòt gùt dar să kuh mơ jơng gòi.

Esai 22:12

Tòm ngai hơ̆ Yàng Jehôwa la Yàng Tom Trồ Gơnap Gơnoar Dờng neh hòi bol mê nàng ñìm rac mơ pơt wòl, nàng dŭi sŏ di bồ mơ soh ƀào sơnò kiat.

Jeremi 24:9

Añ rơp lơh bol khai in gơlik dô bơta rngòt rngơt, dô bơta iơh rmơh ală lơgar tòm plai ù in, dô bơta dơñŏ tơnhial, jơnau đơs kơnhơl, lah sơrpah, srat sơntơm, tòm ală lơgar mơ Añ rơp bơtrơh bol khai.

Jôel 1:13

Ơ ală cau gơnoar ơn phan duh khoai, soh tĕ ào bài sơnò kiat mơ ñìm rac. Ơ bol mê la cau duh broă di đap cơnòng duh khoai, ñìm rac ròc tĕ. Ơ bol mê la cau duh broă di đap Yàng Tom Trồ añ jê, tus tĕ soh ào bài sơnò kiat mang àng, bơh phan ơn mơ kòi mbo bal mơ phan ơn ñô ò gam tai tòm hìu Yàng Tom Trồ bol mê dê.

Jôel 1:8

Ơ làng bol, ñìm rac tĕ kung be dô nă cau ơruh soh ào bài sơnò kiat nàng ñìm ƀồc bau klau neh bau bơh tŭ gam kơnòm să.

Yal Wơl 28:37

Bol mê rơp gơlik gơs dô nơm phan rngòt cù kìr mơ dô nơm tơnggume lah pơrhơng mơ dơñŏ tơnhial jơh ală ƀòn lơgar in mơ Yàng Jehôwa neh bơtrơh bol mê tus.