Đơs Crih 69:1 - Sră Goh 2018

¹ Ơ Yàng Tom Trồ, dan dong klàs añ! Bơh dà neh ngŏ tus di ngko añ.

Đơs Crih 69:1 ပူးပေါင်းရင်းမြစ်များ

Sră Jop 22:11

Bơta klam jơngo ngan tian gơs ồng ò rgơi sền gŏ, dà kŏ gơ jơm gòm ồng.

Đơs Crih 18:4

Ală che bơta chơt dê neh kơt gơrwàng añ, Dà tih bơta iơh bơsak dê gơhòr pràn ngan, lơh bòl glar añ in.

Đơs Crih 32:6

Bơh bơta hơ̆ lòi ală cau lơi dòn song ơn bơta hòi dan mơ Yàng tòm tŭ gơlòng bol glar, Tòm tŭ gơs dà kŏ gen gơ rơp ò tus di bol khai.

Đơs Crih 42:7

Cìr jrô hòi cìr jrô, nggồr ală liang jrài Kơnràñ dê; Ală ryà mơ dà tih Kơnràñ dê neh bồr ndơp añ.

Đơs Crih 45:1

Nùs añ bềng lìu ală jơnau đơs niam; Añ đơs jơnau đơs crih cau bơtau in, Lơmpiat añ kung be gai cih cau gơnoar cih chài rgơi.

Đơs Crih 60:1

Ơ Yàng Tom Trồ, Kơnràñ neh sang lòi bol hi, lơh gơprah ală dơrñang bol hi dê; Kơnràñ neh gơhào nùs; mơya tŭ do dan cèng bol hi rê wơl.

Đơs Crih 69:2

Añ gơkram tòm bŏ jrô, tềng hơ̆ ò gơs tiah ơn jơng; Añ neh gơkram tòm dà jrô, dà tih hòr croh hơđang añ.

Đơs Crih 80:1

Ơ Bơtau ê gàr Israel, la Bơtau tề lam Jakôp be mpồl belàt, Dan ai tồr iat! Ơ Bơtau ơm hơđang sơbàn, digùl ală ceruƀim, dan Kơnràñ pơnđàng sòl.

Esai 28:17

Añ rơp ai bơta song ngan lơh gơs che rnoas, mơ bơta song ring lơh gơs plai kơr sơnoa; mìu piar rơp tơnroh tiah kìng crŭ ală bơta đơs blac, mơ dà rơp kŏ tiah pồn să bol mê dê.”

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Ñìm Rac 3:54

Dà guh rlau bồ añ, añ đơs: “Añ chơt roh!”

Yal Tơlik 17:15

Cau gơnrơh đơs tai mơ añ lah: “Ală dà mơ mê neh gŏ, gơs cau ùr dri tơlàr nggui hơđang, hơ̆ la ală làng bol, ală mpồl bơnòr oă, ală lơgar mơ ală jơnau đơs.