Đơs Crih 67:7 - Sră Goh 2018

⁷ Yàng Tom Trồ gam ai lơngai sùm bol hi in; Jơh ală cau tòm làm plai ù pal duh rngòt di Kơnràñ.

Đơs Crih 67:7 ပူးပေါင်းရင်းမြစ်များ

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Đơs Crih 29:11

Dan Yàng Jehôwa ai pràn kơldang làng bol Kơnràñ in; Dan Yàng Jehôwa ai bơta lơngap lơngai nàng ai lơngai làng bol Kơnràñ dê!

Đơs Crih 33:8

Lòi jơh dunnia duh rngòt di Yàng Jehôwa, Lòi jơh ală cau ơm tòm dunnia rngòt rơm să di Kơnràñ!

Đơs Crih 65:5

Ơ Yàng Tom Trồ la Bơtau Dong Klàs bol hi, Kơnràñ ho wơl bol hi in bơh ală broă lơh pal rngòt nàng dong tă bol hi; Yàng Tom Trồ la bơta dong klàs bol hi dê; Yàng la bơta gơn kơnòm jơh ală cau tòm tiah lồi dut plai ù dê; mơ ală cau ơm tòm tiah ngài rlau jơh dàlềng dê.

Đơs Crih 72:17

Dan sơnđan khai dê gam gơs sùm sùm, Dilah mattơngai gam gơs kàr lơi, dan bơta tiơng pơnro khai dê gam kàr hơ̆ sơl! Dan lòi cau kơnòm di khai geh lơngai, Mơ jơh ală lơgar sơnđan khai la cau geh lơngai.

Đơs Crih 98:3

Kơnràñ neh kah wơl bơta kòñ gơboh kơ̆ dơn mơ bơta dòn song Kơnràñ dê gơwèt mơ hìu Israel. Làm jơh plai ù neh gŏ bơta pha lin rlau Yàng Tom Trồ bol he dê.

Esai 30:23

Yàng rơp sồr mìu dùh hơđang gar sơntìl bol mê neh sih tòm ù; phan sa bơh ù tơnggơs rơp gơs oă mơ tơngkah tơngkañ. Tòm ngai hơ̆ phan poan jơng bol mê dê rơp sa ñhơt tòm ƀlàng dờng ơnàng.

Esai 43:6

Añ rơp đơs mơ đah đang lah: ‘Tơngklàs tĕ!’ mơ đah đơm: ‘Bañ kup bol khai.’ Cèng tĕ ală kòn klau Añ jê bơh tiah ngài, mơ ală kòn ùr Añ jê bơh ală tiah lồi dut plai ù dê,

Esai 45:22

Ơ jơh ală cau ơm tòm jơh ală tiah lồi dut plai ù dê, rê wơl tĕ mơ Añ rơp geh dong klàs! Bơh Añ la Yàng Tom Trồ, ò gơs yàng lơi ndai tai.

Esai 52:10

Yàng Jehôwa rơp ràng tơlik tơwòr tê sàng goh Kơnràñ dê di đap mat jơh ală lơgar; mơ jơh ală tiah lồi dut plai ù rơp gŏ bơta dong klàs Yàng Tom Trồ bol he dê.

Lebi 26:4

Añ rơp đùh mìu bol mê in tòm toh kơnhai, ù tiah rơp gơlik kòi mbo mơ ală chi gơlik plai đo gơ dê.

Mice 5:4

Kơnràñ rơp ntào mơ ê gàr mpồl Kơnràñ dê kơnòm di pràn Yàng Jehôwa dê, bal mơ bơta ryŭ ryơm tòm sơnđan Jehôwa Yàng Tom Trồ Kơnràñ dê. Mơ bol khai rơp ơm lơngap lơngai, bơh tŭ hơ̆ Kơnràñ rơp la dờng làm jơh tus di ală tiah lồi plai ù dê.

Sacari 8:12

“Bơh rơp gơs dô nă cau sih bơta ring lơngai; gar sơntìl rơp hòn niam, tòm ño rơp tơnggơs plai gơ dê, ù tiah rơp tơnggơs plai đo, ală tap trồ rơp dùh dà mơryuh. Añ rơp ai jơh ală bơta do lơh gơs sre brê ală cau gam wơl tòm làng bol do.

Sacari 9:10

Añ rơp tă tơlik ală rơndeh lòs tòmlơh bơh dê Epraim, mơ ală ơseh tòmlơh bơh di Jerusalem: mơ àtak tòmlơh rơp kong dơrpă. Kơnràñ rơp ai gơnoar sồr bơta lơngap lơngai ală lơgar in. Gơnoar at bồ Kơnràñ dê rơp pò ơnàng bơh dàlềng do tus hơ dàlềng ne, mơ bơh Hiòng me tus di lồi plai ù.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Broă 13:47

Bơh Yàng neh đơs mơ bol hi lah: ‘Añ neh bơtào mê lơh gơs bơta àng ală làng bol in, tồ mê in cèng bơta dong klàs làm jơh plai ù.’”

Broă 2:28

Yàng neh ai añ in git ală gùng bơta kis dê, Mơ kung rơp ai añ in bềng nùs hòn chò di đap Kơnràñ.’

Galati 3:14

tồ bơta lơngai lơngò Abraham dê kơnòm di Yàng Krist Jesu geh tus hơđang làng bol bơdìh, nàng bol he in kơnòm di bơta dòn mơ dòp geh Yàng Hwềng jat be jơnau neh ho ai.

Galati 3:9

Abraham dòn gen geh lơngai, behơ̆ cau lơi dòn gen geh lơngai be khai sơl.

Yal Tơlik 15:4

Khoai Yàng, ñcau khin ò duh rngòt mơ ò jòng ro sơnđan Kơnràñ taih? Bơh mìng dô nă Kơnràñ la sang goh; Jơh ală làng bol rơp tus mơ duh khoai Kơnràñ, Bơh ală bơta cahrña song ring Kơnràñ dê neh geh yal tơlik.”