Đơs Crih 67:4 - Sră Goh 2018

⁴ Lòi ală lơgar chò hòp mơ đơs chò dô bă hòn chò, Bơh Kơnràñ cahrña ală làng bol dô bă song ngan, Mơ tề lam ală lơgar hơđang plai ù. (Selah)

Đơs Crih 67:4 ပူးပေါင်းရင်းမြစ်များ

Sơnròp Gơlik Gơs 18:25

Ò gơs tŭ lơi Kơnràñ lơh behơ̆ ò, tơnroh tơn cau song ring bal mơ cau iơh bơsak, gen behơ̆ cau song ring kung be cau iơh bơsak sơl ơ? Ò, Kơnràñ ò gơs tŭ lơi lơh behơ̆ ò! Bơtau cahrña jơh dunnia ò di ò lơh bơta song ring sơl ơ?”

Đơs Crih 2:8

Dan tĕ mơ Añ, Añ rơp ai kòn in ală lơgar lơh gơs sre brê, Mơ ală tiah lồi plai ù lơh gơs phan mơna mê dê.

Đơs Crih 82:6

Añ đơs lah: “Bol mê la ală yàng, Jơh tơl nă bol mê la kòn klau Bơtau Hơđang Rlau Jơh dê.

Đơs Crih 9:8

Kơnràñ ai bơta song ring nàng cahrña dunnia, Kơnràñ cahrña ală làng bol dô bă ring bal.

Đơs Crih 96:10

Đơs tĕ digùl ală lơgar lah: “Yàng Jehôwa at bồ! Ngan, dunnia geh bơtào kơ̆, ò gơs tŭ lơi wañ lơnggơh. Kơnràñ rơp cahrña ală làng bol dô bă ring bal.”

Đơs Crih 98:9

Bơh Kơnràñ tus nàng cahrña dunnia. Kơnràñ rơp ai bơta song ring nàng cahrña dunnia, Mơ cahrña ală làng bol dô bă ring bal.

Esai 54:1

“Đơs chò tĕ ơ cau ơm kơnền la cau ò tŭ lơi deh dô nă kòn; ai sap đơs chò driau dờng tĕ! Ơ ală cau ò tŭ lơi kong jê deh; tài bơh cau ùr gơkòl sang lòi rơp gơs oă kòn rlau mơ cau ùr gơs bau klau.” Yàng Jehôwa đơs behơ̆.

Esai 55:4

Ne, Añ neh bơtào khai lơh gơs cau lơh cơng ală làng bol in lơh gơs kwang lam bồ mơ kwang at bồ ală làng bol.

Esai 60:6

Dô mpồl oă làkđa rơp jơm mê, ală làkđa kòn tòm Midian mơ Ephah. Jơh ală cau bơh Seba rơp tus, bol khai rơp cèng màh mơ kơlhô, mơ yal tơlik jơnau jòng ro Yàng Jehôwa.

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Galati 4:27

Bơh Sră Goh neh cih lah: “Ơ cau ùr kơnền la cau ò gơs tŭ lơi deh, hòn chò tĕ; Ơ cau ò gơs tŭ lơi kong jê deh, ai tĕ jơnau driau chò, Bơh cau ùr kòl cau sang lòi rơp gơs kòn sau oă rlau mơ kòn sau cau ùr gơs bau dê.”

Yal Wơl 32:43

Hòn chò tĕ, ơ ală lơgar bal mơ làng bol Kơnràñ dê bơh Kơnràñ rơp sal wơl bơh mhàm ală cau duh broă Kơnràñ dê; Kơnràñ rơp sal wơl di ală cau sò tơm Kơnràñ mơ lơh gơs bơta tơwài glài lơgar làng bol Kơnràñ in.