Đơs Crih 66:9 - Sră Goh 2018

⁹ Kơnràñ sền gàr bơta kis bol he dê, Ò lòi jơng bol he gơcồt.

Đơs Crih 66:9 ပူးပေါင်းရင်းမြစ်များ

Đơs Crih 112:6

Cau song ring ò gơs tŭ lơi wañ lơnggơh; Bol khai rơp geh cau kah wơl sùm sùm.

Đơs Crih 121:3

Kơnràñ ò lòi jơng mê in gơ bơrkhèt, Bơtau sền gàr mê ò tŭ lơi bic.

Đơs Crih 125:3

Bơh gai gơnoar at bồ cau iơh bơsak dê rơp ò geh ơn hơđang ù tiah gơrê bal mơ cau song ring nàng cau song ring ò pò tê bol khai dê lơh bơta tìs.

Đơs Crih 22:29

Ngan jơh ală cau pơnhừ să tòm dunnia rơp cùn khoai di đap Kơnràñ; Jơh ală cau òs chơt, la ală cau ò rgơi pleh klàs di bơta chơt, Rơp cùn khoai di đap Kơnràñ.

Đơs Crih 55:23

Mơya, ơ Yàng Tom Trồ, Yàng rơp tơmut bol khai tòm trồm bơta roh rui; Hơ̆ la cau kòñ lơh gơtuh mhàm mơ cau blac pơrlồm ò geh kis tus digùl ngai Yàng neh lơh nền bol khai in. Ai añ, añ rơp dòn kơnòm di Yàng.

Đơs Crih 62:2

Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh.

Đơs Crih 62:6

Mìng Yàng la lŭ klềr añ jê, la bơta dong klàs añ, Mơ la theng kìng crŭ añ jê; añ rơp ò wañ lơnggơh.

Đơs Crih 94:18

Ơ Yàng Jehôwa, tòm tŭ añ kơlôi sơnơng lah: “Jơng añ gơcồt,” Gen bơta kòñ gơboh kơ̆ dơn Kơnràñ dê yò đo añ.

Broă 17:28

Bơh ơm tòm Kơnràñ bol he geh kis, lơh lòt, mơ gam gơs; be dô êt nă cau cih pơnđik ală ồng dê đơs lah: ‘Bol he kung la ală kòn Kơnràñ dê sơl.’

I Samuel 2:9

Kơnràñ rơp sền gàr jơng ală cau sàng goh Kơnràñ dê; mơya ală cau iơh bơsak rơp gơkòl tơnroh tòm klam jơngo; hơ̆ ò di bơh bơta pràn kơldang mơ cau geh pha lin rlau.

I Samuel 25:29

Dilah gơs cau lơi ting jat ồng nàng tă bơta kis ồng dê, gen bơta kis cau tòm añ jê rơp geh jơm gòm tòm bơta sền gàr Jehôwa Yàng Tom Trồ ồng dê tòm mpồl ală cau kis; mơya bơta kis ală cau sò tơm ồng dê rơp gơkòl sơrbì ngài kung be pơnai lŭ bơh di sơna sơrbì lŭ.