Đơs Crih 66:2 - Sră Goh 2018

² Đơs chò tĕ bơh bơta gơklŏ sơnđan Yàng dê, jòng ro tĕ mơ lơh àng sơnđan Yàng.

Đơs Crih 66:2 ပူးပေါင်းရင်းမြစ်များ

Nehemi 9:5

Gen ală cau Lebi la Jesua, Katmiel, Bani, Hasapneiah, Serebiah, Hôdiah, Sebaniah, mơ Pethahiah đơs lah: “Ntào tĕ, jòng ro Jehôwa Yàng Tom Trồ bol mê dê, la bơtau gam sùm kòp rài. Pal jòng ro sơnđan gơklŏ Kơnràñ dê, sơnđan hơ̆ geh yò tơngguh jơnhoa rlau mơ jơh ală bơta lơngai, mơ jòng ro.”

Đơs Crih 106:2

Ñcau rgơi yal ală broă gơnap gơnoar Yàng Jehôwa dê, Hala bơto yal bơta jòng ro Kơnràñ dê dô bă wil tơl taih?

Đơs Crih 107:15

Lòi bol khai in ưnngài Yàng Jehôwa bơh bơta kòñ gơboh kơ̆ dơn Kơnràñ dê, Mơ bơh ală broă crih crài Kơnràñ lơh jơi kòn mơnus in!

Đơs Crih 107:22

Lòi bol khai ơn phan duh khoai ưnngài Yàng, Mơ ai bơta đơs chò hòn chò tồ yal ală broă Kơnràñ dê!

Đơs Crih 68:33

Hơ̆ la Bơtau lòt hơđang ală tap trồ la ală tap trồ neh gơs bơh yau; Ne, Kơnràñ tơlik jơnau đơs, la jơnau ntas dờng Kơnràñ dê.

Đơs Crih 72:18

Pal jòng ro Yàng Jehôwa la Yàng Tom Trồ Israel dê, mìng dô nă Kơnràñ lơm lơh ală broă crih crài.

Đơs Crih 79:9

Ơ Yàng Tom Trồ la Bơtau dong klàs bol hi, dan dong kòl bol hi, Bơh bơta gơklŏ sơnđan Yàng dê; dan dong klàs, mơ dan toh glài bol hi in, tài bơh sơnđan Kơnràñ.

Esai 42:12

Lòi bol khai ơn tĕ bơta gơklŏ Yàng Jehôwa in, mơ yal tơlik bơta jòng ro Yàng tòm ală bồt pơlào.

Esai 49:13

Ơ ală tap trồ, driau chò tĕ; Ơ plai ù, hòn chò tĕ; Ơ ală mơnơm, pò bơr đơs chò tĕ! Bơh Yàng Jehôwa pơndòm pơniang làng bol Kơnràñ dê, mơ rơp kòñ nđàc ală cau bòl glar moat jrùng Kơnràñ dê.”

Esai 6:3

Ală seraphim đơs tòmho bal lah: “Sàng goh, sàng goh, sàng goh la Yàng Jehôwa Gơnap Gơnoar Dờng; Làm jơh plai ù bềng lìu bơta gơklŏ Kơnràñ dê.”

Yal Tơlik 5:13

Añ kơno jơh ală phan crơng gơs hơđang trồ, tòm ù, hơđơm ù, tòm dàlềng, mơ jơh ală phan tòm ală tiah hơ̆ đơs chò bal lah: “Dan Bơtau nggui hơđang sơbàn bal mơ Belàt Kòn geh bơta jòng ro, bơta ryŭ ryơm, bơta gơklŏ mơ gơnoar pràn jơl sùm sùm ò lồi.”