Đơs Crih 59:9 - Sră Goh 2018

⁹ Ơ Bơtau Pràn Kơldang añ jê, añ rơp kơp gơn Kơnràñ; Ơ Yàng Tom Trồ, bơh Yàng la theng kơ̆ cê añ jê.

Đơs Crih 59:9 ပူးပေါင်းရင်းမြစ်များ

Đơs Crih 2:4

Bơtau nggui hơđang trồ rơp ñŏ, Yàng rơp dơñŏ tơnhial dê bol khai.

Đơs Crih 20:1

Dan Yàng Jehôwa ho jơnau mê dê tòm ngai bòl glar kalke! Dan sơnđan Yàng Tom Trồ Jakôp dê sền gàr mê.

Đơs Crih 27:1

Yàng Jehôwa la Bơtau ai bơta àng mơ la bơta dong klàs añ jê. Añ rơp rngòt dê ñcau taih? Yàng Jehôwa la tiah kìng crŭ kơ̆ cê bơta kis añ jê. Añ rơp rngòt dê ñcau taih?

Đơs Crih 27:14

Kơp gơn tĕ Yàng Jehôwa; Lơh tĕ pràn kơldang mơ kơ̆ nùs wền dơngoh; Ngan pal kơp gơn tĕ Yàng Jehôwa!

Đơs Crih 46:1

Yàng Tom Trồ la tiah kìng crŭ mơ bơta pràn kơldang bol he dê; Kơnràñ gơs mat nàng dong kòl tòm bơta bòl glar.

Đơs Crih 46:7

Yàng Jehôwa Mpồl Ling dê ơm bal mơ bol he, Yàng Tom Trồ Jakôp dê la tiah kìng crŭ bol he dê. (Selah)

Đơs Crih 59:17

Ơ Bơtau Pràn Kơldang añ jê, añ rơp đơs chò jòng ro Kơnràñ, Bơh Kơnràñ la theng kơ̆ cê añ jê, ơ Yàng Tom Trồ, Kơnràñ la Yàng Tom Trồ ai añ in gŏ bơta kòñ gơboh kơ̆ dơn.

Đơs Crih 62:11

Yàng Tom Trồ neh đơs dô dơ̆, Añ neh kơno bơta do bàr dơ̆: Hơ̆ la gơnap gơnoar gơrê bal mơ Yàng Tom Trồ.

Đơs Crih 62:2

Mìng dô nă Yàng la lŭ klềr añ jê, mơ bơta dong klàs añ, la theng kơ̆ cê añ jê; añ rơp ò wañ lơnggơh.

Đơs Crih 9:9

Yàng Jehôwa lơh gơs theng kìng crŭ kơ̆ cê ală cau gơkòl rồn bơklơn in, dô nơm theng kìng crŭ kơ̆ cê tòm ală tŭ bòl glar.

Esai 12:2

Ngan, Yàng Tom Trồ la bơta dong klàs añ jê; añ rơp dòn kơnòm mơ ò rngòt rngơt. Bơh Yàng Jehôwa, Yàng Tom Trồ la bơta pràn mơ gơnap gơnoar añ jê; Kơnràñ neh gơlik gơs bơta dong klàs añ jê.”

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Esai 58:14

gen bol mê rơp geh bơta hòn chò tòm Yàng Jehôwa, Añ rơp yò bol mê hào hơđang ală tiah jơnhoa tòm ù tiah dê, Añ rơp ròng siam bol mê mơ sre brê ồng pàng bol mê dê la Jakôp.” Bơh bơr Yàng Jehôwa dê neh đơs behơ̆.

Habakuk 3:19

Jehôwa, Yàng Tom Trồ la bơta pràn kơldang añ jê, Kơnràñ lơh jơng añ jê gơlik kung be jơng jùn, Kơnràñ dong añ lòt hơđang ală tiah jòng. (Cih cau at bồ mpồl lip kơñi in, ngui pĕ ală kơñi mơ che).

Mathiơ 6:13

Dan bañ tơmut bol hi tòm bơta ơniai, mơya dong bol hi klàs bơh bơta iơh. [Bơh lơgar, gơnap gơnoar, gơklŏ gơrê bal mơ Bèp sùm sùm. Amen.’]