Đơs Crih 53:3 - Sră Goh 2018

³ Jơh ală bol khai roh gơprah, bol khai gơlik kră kơldang ndròm bal, Ò gơs dô nă cau lơi lơh bơta niam, dô nă kung ò sơl.

Đơs Crih 53:3 ပူးပေါင်းရင်းမြစ်များ

II Samuel 20:2

Behơ̆, jơh làng bol Israel lik lòt bơh Dabit nàng jat Seba, kòn klau Bikri. Mơya ală cau Juda gen kư̆ jat cau bơtau dô bă kơ̆ dơn bơh Jordan tus hơ Jerusalem.

Sră Jop 15:16

Tơ ài lah dô nă cau la ngkòr ngkàc mơ jak sa loă, La cau hùc bơta tồi glài iơh bơsak be hùc dà!

Đơs Crih 14:3

Jơh ală bol khai neh lòt tìs nrah, bol khai jơh tơl nă gơlik kră kơldang ndròm bal. Ò gơs dô nă cau lơi lơh bơta niam, Dô nă kung ò sơl.

Esai 53:6

Bol he jơh tơl nă kung be belàt lòt tìs nrah, kòp nă neh lòt jat gùng is he dê; mơ Yàng Jehôwa neh ơn tồi glài jơh tơl nă bol he dê hơđang Kơnràñ.

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

Ejekiel 36:25

Añ rơp rsìh dà sàng goh hơđang bol mê; mơ bol mê rơp geh sàng goh; Añ rơp lơh bol mê in goh jơh bơh di ală bơta ƀơ̆ ƀơl bol mê dê mơ bơh di jơh ală rùp ràk bol mê dê.

Sôphôni 1:6

Mơ ală cau wèt ngkòi ò lòt jat Yàng Jehôwa, la ală cau ò jòi jat Yàng Jehôwa hala hòi lùp Kơnràñ.

Rôma 3:12

Jơh ală bol khai neh tìs nrah, tơl nă ndròm bal gơlik gơs ò kwơ; Ò gơs dô nă cau lơi lơh bơta niam, Dô nă kung ò sơl.”

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

I Jang 2:29

Dilah bol mê git Yàng Jesu Krist la song ring, gen bol mê git nền lah kòp nă cau lơi lơh jat bơta song ring, hơ̆ la kòn Yàng Tom Trồ.

III Jang 1:11

Ơ bi kòñ gơboh, bañ đòm jat bơta iơh bơsak, mơya đòm jat tĕ bơta niam. Cau lơi lơh bơta niam la bal mơ Yàng Tom Trồ; ai cau lơi lơh bơta iơh bơsak, gen ò tŭ lơi gŏ Yàng Tom Trồ.

Yal Tơlik 22:11

Cau lơh iơh kư̆ lòi khai lơh iơh tai, cau ngkòr ngkàc kư̆ lòi khai kòl tòm bơta ngkòr ngkàc tai, cau song ring kư̆ lòi khai lơh bơta song ring tai, cau sàng goh kư̆ lòi khai ơm sàng goh tai.”