Đơs Crih 5:9 - Sră Goh 2018

⁹ Bơh di bơr bol khai ò gơs bơta dòn song; Nùs bol khai bềng bơta tơnroh, Rnồng bol khai la bơtô ƀồc pò tơlik, Lơmpiat bol khai dê bềng lìu jơnau rơmhòc.

Đơs Crih 5:9 ပူးပေါင်းရင်းမြစ်များ

Rôma 3:13

“Rnồng dò bol khai be bơtô ƀồc pò bơk. Bol khai ngui lơmpiat he dê nàng pơrlồm.” “Tòm tiah sơndồi bol khai gơs bih khih bơs tur.”

Đơs Crih 62:4

Bol khai mìng tòmbơyai nàng tơmù khai bơh di tiah jòng màng khai dê. Bol khai niam nùs di bơta blac chừt. Bơr bol khai đơs ai lơngai, Mơya tòm nùs bol khai gơs srat rma. (Selah)

Mice 6:12

Ală cau pas gơs bol mê dê bềng bơta jàñ bơsak; làng bol bol mê dê la ală cau đơs blac, lơmpiat blac pơrlồm tòm ală bơr bol khai dê.

Jơnau Pơnđik 29:5

Cau lơi rơmhòc cau ơm rềp mơ he, pơt dă di đap cơnđòa khai.

Đơs Crih 51:6

Do, Yàng kòñ gơs jơnau song tòm dơlam nùs, Gen tàng, dan bơto añ in bơta jak chài tòm tiah ndơp ndơr tòm nùs añ jê.

Luka 11:44

Bòl glar bol mê in, bơh bol mê kung be ală bơtô ƀồc roh tềl, cau lòt jă hơđang gơ mơ ò git.”

Đơs Crih 52:2

Lơmpiat mê ò gơkrơi be pềs koah sồt ngan, Ơ mê la cau lơh bơta blac pơrlồm.

Jeremi 17:9

Nùs jơi kòn mơnus la blac chừt rlau mơ jơh ală jơi phan, Mơ ƀơ̆ iơh ngan; Ñcau rgơi git loh?

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Đơs Crih 64:6

Ñcau rgơi jòi bàn ală broă iơh bơsak bol he dê? Bol he neh kơlôi nền bơh kai gơrmơ̆i chài rgơi he dê. Bơta kơlôi sơnơng mơ nùs kòn mơnus dê la jrô ndơp.

Đơs Crih 62:9

Ală cau ò diă ò diơng mìng be dô dơ̆ tă nhơm, Ală cau dờng màng be jơnau blac pơrlồm; Ơn hơđang kơr gen bol khai gơyò nggòc, Bol khai dô bă bal nggòc rlau mơ nhơm tă.

I Tesalônika 2:5

Bơh oh mi neh git, bol hi ò tŭ lơi ai ală jơnau rơmhòc, kung ò di ai kai tồ jơm ndơp bơta hàm hà; gơs Yàng Tom Trồ lơh cơng bol hi in.

Luka 11:39

Mơya Yàng Jesu đơs mơ khai lah: “Do bol mê la ală cau Pharisi rào goh đah bơdìh mơngàn mơ prềng, mơya đah dơlam bol mê bềng lìu bơta sa kwà mơ iơh bơsak.

Ejra 8:21

Gen añ yal tơnggit dô bơta ơt sa tềng hơ̆, di gah hiòng Ahaba, mơ tơnliah să bol hi di đap Yàng Tom Trồ bol hi dê, mơ jòi jat Kơnràñ ai bol hi in bơta ring lơngai tòm gùng lòt bol hi dê, kòn sau bol hi dê mơ ală phan mơna bol hi dê.

Đơs Crih 27:11

Ơ Yàng Jehôwa, dan bơto añ in git gùng dà Kơnràñ dê; Mơ tài bơh ală cau sò tơm di añ, dan lam añ tòm gùng ring drik.

Đơs Crih 69:19

Yàng git añ kong bơta bơtat bơtròh, bơta ƀàssìl mơ bơta cau sền òsơp; Yàng git jơh ală cau sò tơm di añ.

Esai 26:7

Gùng cau song ring la ring; Ơ Bơtau song ring, Kơnràñ pơnring gùng cau song ring dê.