Đơs Crih 5:4 - Sră Goh 2018

⁴ Bơh Kơnràñ ò di la Yàng Tom Trồ niam nùs di bơta iơh bơsak; Cau iơh bơsak rơp ò geh ơm bal mơ Kơnràñ.

Đơs Crih 5:4 ပူးပေါင်းရင်းမြစ်များ

I Yal Yau 29:17

Ơ Yàng Tom Trồ añ jê, añ git la Yàng sền sơwì nùs cau mơ niam nùs di bơta song ngan. Tòm bơta song ngan nùs añ jê, añ neh ơn dô bă khat gơboh jơh ală phan do. Mơ tŭ do añ neh sền gŏ làng bol Kơnràñ dê, la ală cau gơs mat tềng do hòn chò ơn Yàng in dô bă chò nùs.

Đơs Crih 101:7

Cau lơi lơh blac pơrlồm gen rơp ò geh ơm tòm hìu añ jê; Cau lơi đơs blac rơp ò gam ơm di đap bơta gơs mat añ jê.

Đơs Crih 11:5

Yàng Jehôwa lòng cau song ring mơ cau iơh bơsak, Mơ nùs Kơnràñ gơjrañ kơuềng di cau kòñ bơta rhung rhang.

Đơs Crih 140:13

Ngan cau song ring rơp ưnngài sơnđan Yàng dê; Cau song ngan rơp ơm di đap Yàng.

Đơs Crih 50:21

Hơ̆ la ală bơta mê neh lơh, ai Añ ơm mŏ mŏ, Mê tồnlah Añ la dô nă cau be să tòm mê lơm. Mơya tŭ do Añ lah pơrhơng mê, mơ ơn ală bơta hơ̆ di đap mat mê.

Đơs Crih 63:2

Behơ̆ añ neh tơnggòr sền di Yàng tòm tiah sàng goh Kơnràñ dê, Sền gŏ gơnap gơnoar mơ bơta gơklŏ Kơnràñ dê.

Đơs Crih 88:14

Ơ Yàng Jehôwa, ñchi bơh tài Kơnràñ sang lòi añ, Mơ pồn mat Kơnràñ bơh di añ taih?

Đơs Crih 92:15

Tồ yal tơlik Yàng Jehôwa la song ngan; Kơnràñ la pơnai lŭ añ jê, tòm Kơnràñ ò gơs bơta ò song ring lơi.

Đơs Crih 94:20

Ală cau at bồ iơh bơsak, la cau ai bơta boh lam nàng lơh gơs bơta iơh rmơh, Bol khai rgơi gơs dô bă bal mơ Kơnràñ sơl?

Habakuk 1:13

Mat Yàng sàng goh ngan tian gơs ò rgơi sền di bơta iơh bơsak, Kơnràñ ò rgơi sền di bơta lơh tìs; Ñchi bơh tài Kơnràñ ơm mŏ mŏ taih? Ñchi bơh tài Kơnràñ ơm mŏ mŏ tòm tŭ cau iơh bơsak sa loan ală cau song ring rlau mơ bol khai taih?

Malaci 2:17

Bol mê neh lơh pơnjê Yàng Jehôwa bơh ală jơnau đơs bol mê dê. Bol mê lùp lah: “Mbe bol hi neh lơh pơnjê Kơnràñ taih?” Hơ̆ la tòm tŭ bol mê đơs lah: “Jơh tơl nă cau lơh bơta iơh la niam di đap mat Yàng Jehôwa, mơ Kơnràñ niam nùs di bol khai.” Hala “Ntềng đah Yàng Tom Trồ bơta song ngan dê taih?”

Jang 14:23

Yàng Jesu ho lah: “Dilah cau lơi kòñ gơboh di Añ, gen rơp prap gàr jơnau Añ jê, Bèp Añ rơp kòñ gơboh di khai, bol hi rơp lòt tus hơ khai mơ ơm sùm mơ khai.

Hebrơ 12:14

Ting jat tĕ bơta ring lơngai gơwèt mơ tơl nă cau, bal mơ bơta gơlik gơs sàng goh, bơh dilah ò gơlik gơs sàng goh gen ò gơs cau lơi rơp gŏ Yàng.

II Pier 3:13

Mơya jat be jơnau ho pơgon Kơnràñ dê, bol he kơp gơn trồ pa tiah pa, la tiah bơta song ring ơm.

Yal Tơlik 21:23

Ƀòn dờng ò càng mattơngai mơ kơnhai nàng pơnđàng sòl, bơh bơta gơklŏ Yàng Tom Trồ dê àng gơcrà, mơ Belàt Kòn la bơta àng ƀòn dê.

Yal Tơlik 21:27

Ò gơs bơta ngkòr ngkàc lơi, ò gơs cau cù kìr lơi hala cau blac chừt lơi geh mut tềng hơ̆, mơya mìng ală cau neh geh cih sơnđan mat tòm sră bơta kis Belàt Kòn dê geh mut lơm.