Đơs Crih 5:3 - Sră Goh 2018

³ Ơ Yàng Jehôwa, tòm àng drim Kơnràñ kơno jơnau añ; Tòm àng drim añ yal tơlik jơnau añ jê di đap Kơnràñ, mơ drơng kơp.

Đơs Crih 5:3 ပူးပေါင်းရင်းမြစ်များ

Sră Jop 34:28

Tài bơh hơ̆ bol khai lơh gơs jơnau ñìm rac cau rƀah dê gơguh tus hơ Kơnràñ, mơ Kơnràñ kơno jơnau ñìm rac cau jê sồt bòl glar dê.

Đơs Crih 119:147

Añ guh lài mơ tŭ rìng àng nàng hòi dan Yàng dong kòl añ; Añ gơn kơnòm di jơnau Yàng dê.

Đơs Crih 130:2

Ơ Yàng, dan iat jơnau añ! Dan wèt tồr Kơnràñ dê iat jơnau rac dan añ jê.

Đơs Crih 130:6

Hwềng soàn añ kơp gơn Yàng Jehôwa Rlau mơ cau kơp gơn àng drim, Ngan, rlau mơ cau drơng mang kơp gơn àng drim.

Đơs Crih 145:1

Ơ Yàng Tom Trồ la Bơtau añ jê, añ rơp yò tơngguh Kơnràñ mơ jòng ro sơnđan Kơnràñ sùm sùm ò lồi.

Đơs Crih 22:2

Ơ Yàng Tom Trồ añ jê, añ hòi dan tòm trồ ngai mơya Kơnràñ ò ho wơl, tòm trồ mang kung behơ̆ sơl, mơya añ ò geh rlô bòl.

Đơs Crih 44:5

Kơnòm di Yàng, bol hi tơlo gơpừ ală cau sò tơm di bol hi. Kơnòm di sơnđan Yàng, bol hi jă di ală cau sòdră di bol hi.

Đơs Crih 55:17

Mho, drim mơ gùl ngai, añ rac ròc mơ pơt wòl, Mơ Kơnràñ rơp kơno jơnau đơs añ jê.

Đơs Crih 69:16

Ơ Yàng Jehôwa, dan ho wơl añ in, bơh bơta kòñ gơboh kơ̆ dơn Kơnràñ dê la niam; Dan wèt sền añ, jat bơta kòñ nđàc dờng ơnàng Kơnràñ dê.

Đơs Crih 74:12

Bulah behơ̆, Yàng Tom Trồ la Bơtau añ jê bơh yau òr, Kơnràñ lơh broă bơta dong klàs digùl ală lơgar.

Đơs Crih 84:4

Lơngai cau lơi in geh ơm tòm hìu Yàng dê, Bol khai đơs chò jòng ro Yàng sùm. (Selah)

Đơs Crih 88:13

Ai añ, ơ Yàng Jehôwa, añ hòi dan mơ Kơnràñ; Gơ rơp rìng àng jơnau hòi dan añ jê tus di đap Kơnràñ.

Esai 26:9

Hwềng soàn añ kơp gơn Kơnràñ tòm trồ mang; hwềng nùs tòm añ jơh nùs jòi jat Kơnràñ; bơh tòm tŭ ală bơta cahrña Kơnràñ dê gam hơđang ù, gen làng bol ơm tòm dunnia bơtê bơta song ring.

Ñìm Rac 3:56

Kơnràñ neh kơno jơnau hòi dan añ jê, dan bañ sềt tồr bơh jơnau hòi dan bơta dong kòl mơ dan ai añ in bơta rài bòl.”

Jơnau Niam Jat Mak 1:35

Rìng àng ngai tơnơ̆, trồ gam jơngo, Kơnràñ guh, lik lòt tòm tiah ngềt ngơt mơ hòi dan tềng hơ̆.