Đơs Crih 4:4 - Sră Goh 2018

⁴ Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

Đơs Crih 4:4 ပူးပေါင်းရင်းမြစ်များ

Sră Jop 28:28

Gen Kơnràñ đơs mơ kòn mơnus lah: ‘Duh rngòt di Yàng Jehôwa, hơ̆ la bơta jak chài, mơ pleh ngài bơh bơta iơh, hơ̆ la bơta git wă.’”

Đơs Crih 119:161

Ală kwang bàng kup kơryan añ ò bồ, Mơya nùs añ duh rngòt di jơnau Yàng dê.

Đơs Crih 17:6

Ơ Yàng Tom Trồ, añ hòi dan mơ Yàng, bơh Kơnràñ rơp dòp jơnau añ; Dan Yàng wèt tồr mơ iat jơnau añ.

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Đơs Crih 3:2

Ò git nđò nă cau đơs bơh añ lah: “Tòm Yàng Tom Trồ ò gơs bơta dong klàs khai in.” (Selah)

Đơs Crih 3:4

Añ driau dờng hòi dan mơ Yàng Jehôwa, Bơh di mơnơm sàng goh Kơnràñ ho jơnau añ.

Đơs Crih 33:8

Lòi jơh dunnia duh rngòt di Yàng Jehôwa, Lòi jơh ală cau ơm tòm dunnia rngòt rơm să di Kơnràñ!

Đơs Crih 46:10

Yàng đơs lah: “Ơm tĕ mŏ mŏ mơ git lah Añ la Yàng Tom Trồ. Añ geh bơtào jơnhoa hơđang ală làng bol, Mơ Añ geh bơtào jòng hơđang ù sơl.”

Đơs Crih 63:6

Tòm tŭ añ ơm hơđang cơnòng bic mơ kah Yàng, Mơ añ kơlôi sơnơng bơh Kơnràñ tòm ală tŭ jơ drơng mang.

Đơs Crih 77:6

Tòm trồ mang añ đơs is tòm nùs añ; Añ kơlôi sơnơng is, mơ hwềng nùs añ lùp lah:

Jơnau Pơnđik 16:17

Gùng ơnàng bơta song ngan dê hơ̆ la pleh ngài bơta iơh; Cau lơi sền gàr gùng lòt broă lơh he gen gàr hwềng soàn he.

Jơnau Pơnđik 16:6

Kơnòm di bơta kòñ gơboh kơ̆ dơn mơ dòn song gen glài geh tơwài; Bơh bơta duh rngòt Yàng Jehôwa cau pleh ngài bơta iơh.

Jơnau Pơnđik 3:7

Bañ jak chài jat mat tòm he dê. Duh rngòt tĕ di Yàng Jehôwa, mơ pleh ngài bơh di bơta iơh;

Jeremi 5:22

Yàng Jehôwa đơs: “Bol mê ò duh rngòt Añ, Bol mê ò rơm să di đap Añ ơ? Añ neh ai bràs lơh gơs nhàr dàlềng, Bơh gơnoar sồr gam sùm sùm, ò geh sơrlèt rlau. Ryà dàlềng bulah dờng, kung ò geh pha rlau; Bulah dàlềng nggồr ur ur, kung ò rgơi lòt rlau mơ gơ;

Habakuk 2:20

Mơya Yàng Jehôwa ơm tòm Hìu Duh Khoai Sàng Goh Kơnràñ dê; lòi jơh plai ù ơm tĕ mŏ mŏ di đap Kơnràñ.”

II Kôrintô 13:5

Să tòm oh mi sơwì is tĕ, mơ lòng sền oh mi ơm tòm bơta dòn hala ò. Oh mi ò git lah gơs Yàng Jesu Krist ơm tòm oh mi sơl ơ? Mìng dilah ngan, oh mi kong alah tòm tŭ tìp bơta gơlòng.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,