Đơs Crih 4:3 - Sră Goh 2018

³ Mơya pal git lah Yàng Jehôwa neh lòi is cau duh rngòt Kơnràñ in, tòm tŭ añ hòi dan, Yàng Jehôwa iat jơnau añ.

Đơs Crih 4:3 ပူးပေါင်းရင်းမြစ်များ

Đơs Crih 31:23

Ơ ală cau sàng goh Yàng Jehôwa dê, kòñ gơboh tĕ di Kơnràñ! Yàng Jehôwa wèt sền ală cau dòn song, Mơya Kơnràñ sal wơl dô bă kơnjơ̆ di cau lơh lòt pơnhừ să.

Đơs Crih 34:15

Mat Yàng Jehôwa dê wèt sền cau song ring, Tồr Kơnràñ dê kơno jơnau hòi dan bol khai dê.

Đơs Crih 49:3

Bơr añ rơp đơs jơnau jak chài; Nùs añ rơp kơlôi sơnơng bơta git wă.

Đơs Crih 50:5

“Pơjum tĕ hơ Añ ală cau dòn song Añ jê, La ală cau neh bơtào dô bơta ho bal mơ Añ mơ phan ơn pơdơng.”

Đơs Crih 56:9

Ngai lơi añ hòi dan, ală cau sò tơm di añ rơp kong tơnruc wơl. Dô bơta añ git, hơ̆ la Yàng Tom Trồ ơm dô đah bal mơ añ.

Đơs Crih 6:8

Ơ jơh ală cau lơh bơta tồi glài iơh bơsak ne, dô tĕ ngài bơh di añ; Bơh Yàng Jehôwa neh kơno jơnau ñìm rac añ jê.

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Lik Ejiptơ 33:16

Mbe rgơi cau rơp git lah añ bal mơ làng bol Kơnràñ dê geh niam nùs Kơnràñ dilah Kơnràñ ò lòt bal mơ bol hi taih? Rlau mơ bơta hơ̆ gen gơs bơta lơi ndai nàng lơh añ in mơ làng bol Kơnràñ in geh sền la krơi is mơ jơh ală làng bol ndai ơm hơđang ù sơl ơ?”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

II Timôthe 2:19

Bulah behơ̆ mơnàng kơ̆ wền Yàng Tom Trồ dê gam ntào kơ̆ sùm, gơs tap ƀang kì lah: “Yàng git cau gơrê bal mơ Kơnràñ;” mơ “Kòp nă cau lơi yal tơlik sơnđan Yàng gen pal pleh tĕ di bơta ò song ring.”

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

I Pier 2:9

Mơya oh mi la jơi bơtiàn geh sac rwah, la cau gơnoar ơn phan duh khoai cau bơtau dê, la làng bol sàng goh, la làng bol is Yàng Tom Trồ dê, tồ oh mi in yal tơlik ală broă crih crài ngan Kơnràñ dê, la Bơtau neh hòi oh mi lik klàs bơh tiah klam jơngo mơ tus hơ tiah àng gơcrà krơi is Kơnràñ dê.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,